Nehemiya 12:24 - Xitsonga (Bibele)

²⁴ Tihosana ta Valevhi a a ri: Haxabiya, na Xerebiya, na Yexuwa, n'wana Kadimiele, ni vamakwavo lava langutaneke na vona, a va ri ni mfanelo ya ku dzunisa Yehovha, hilaha Davhida, munhu wa Xikwembu, a leriseke hakona; ntlawa wu ri karhi wu hlamulana ni ntlawakulobye.

BIBELE Mahungu Lamanene

²⁴ Entirhweni wo dzunisa Xikwembu ni ku xi nkhensa, Valevhi a va avanyisiwile hi mintlawa-ntlawa, va rhangeriwa hi Haxabiya, na Xerebiya na Yexuwa n'wana Kadimiele. Mintlawa mimbirhi a yi hlavelelana hi ku landza leswi lerisiweke hi Davhida munhu wa Xikwembu.

Nehemiya 12:24 Referans Kwoze

Nehemiya 11:17

na Mataniya, n'wana Mikaya, n'wana Zabidi, n'wana Asafa, loyi a nga suma tinsimu ta xikhongelo, exikarhi ka vamakwavo a a ri Bakibukiya na Abida, n'wana Xamuwa, n'wana Galala, n'wana Yedutuni.

Nehemiya 9:4

Kutani Yexuwa, Bani, Kadimiele, Xebaniya, Buni, Xerebiya, Bani, na Kenani, va yima etshaleni ra Valevhi, va huwelela eka Yehovha, Xikwembu xa vona, hi rito lerikulu.

Nehemiya 8:7

Kutani Yexuwa, Bani, Xerebiya, Yamini, Akubu, Xabetayi, Hodiya, Maaseya, Kelita, Azariya, Yozabadi, Hanana, Pelaya, ni Valevhi, va hlamusela tiko milawu, tiko ri ri karhi ri yima kwalaho.

Ezra 2:40

Valevhi: Vana va Yexuwa ni va Kadimiele, va nyimba ya ka Hodavhiya, 74.

2 TIKRONIKA 8:14

Kutani a veka, hi ku lerisa ka Davhida, tata wa yena, mitlawa ya vaprista emitirhweni ya yona, ni Valevhi emitirhweni ya vona, ku dzunisa Yehovha ni ku tirha mitirho ya vona emahlweni ka vaprista siku rin'wana ni rin'wana; a veka ni valanguteri va tinyangwa, hi mitlawa ya vona enyangweni yin'wana ni yin'wana hikuva a ku ri ku lerisa ka Davhida, munhu wa Xikwembu.

1 TIHOSI 17:24

Kutani Eliya a ku: “Vona, n'wana wa wena wa hanya.” Wansati a ku eka Eliya: “Sweswi, ndzi tiva leswaku u munhu wa Xikwembu, ni leswaku rito ra Yehovha leri nga enon'wini wa wena ri tiyile.”

Yoxuwa 14:6

Vana va Yuda va tshinelela Yoxuwa eGiligala, kutani Kalebe n'wana Yefune, Mukenizi, a ku eka yena: “Wa tiva rito leri Yehovha a ri byeleke Muxe, munhu wa Xikwembu, ehenhla ka mina, ni le henhla ka wena loko a ri eKadexe-Bariniya.

Duteronoma 33:1

Hi kona ku katekisa ka Muxe wanuna wa Xikwembu, loko a katekisa vana va Israele, a nga si fa, a ku:

2 Timotiya 3:17

leswaku munhu wa Xikwembu a ta hetiseka, a ta lunghiseriwa ntirho wun'wana ni wun'wana lowunene.

1 Timotiya 6:11

Kambe, loko u ri wena munhu wa Xikwembu, papalata swilo leswo, u tsutsumela ku lulama, ni vukhongeri, ni ku pfumela, ni rirhandzu, ni ku yingisela, ni musa.

Nehemiya 12:23

Vana va Levhi, tihosana ta tindlu ti tsariwile ebukwini ya Tikronika ku ta fika enkarhini wa Yohanani, n'wana Eliyaxibi.

Nehemiya 12:36

ni vamakwavo a nga Xemaya, Asarele, Milalayi, Gilalayi, Maayi, Netanele, Yuda, Hanani, va ri ni timbila ta Davhida, munhu wa Xikwembu; mutsari Ezra, yena a va rhangela emahlweni.

1 TIKRONIKA 16:4

A veka Valevhi van'wana emahlweni ka areka ya Yehovha ku tirha ntirho ni ku twarisa, ni ku dzunisa, ni ku vonga Yehovha, Xikwembu xa Israele: