Nehemiya 11:1 - Xitsonga (Bibele)

¹ Tihosana ta tiko, tona, a ti akile eYerusalema; loko va ri van'wana va tiko va hlawuriwa hi vuhlolotwana leswaku exikarhi ka lava khume, un'wana a ta aka eYerusalema, emutini lowo kwetsima, lava ntlhanu na mune va aka emitini.

BIBELE Mahungu Lamanene

¹ Emutini wa Yerusalema a ku tshama varhangeri; kutani ntshungu wu hoxa vuhlolotwana leswaku exikarhi ka mindyangu yin'wana na yin'wana ya khume, ku hlawuriwa ndyangu wun'we wu ya tshama emutini lowo hlawuleka wa Yerusalema, kasi mindyangu leyi salaka ya 9 yona yi tshama emitini yin'wana.

Nehemiya 11:1 Referans Kwoze

Esaya 48:2

hikuva va tithya hi vito ra muti lowo kwetsima, va tshemba Xikwembu xa Israele, lexi vito ra xona ri nga Yehovha wa tinyimpi!

Esaya 52:1

Pfuka, pfuka, ambala matimba ya wena, Siyoni! Ambala tinguvu ta nkhuvo, Yerusalema, muti lowu hlawuriweke! Hikuva sweswi, khuna ni munhu wa thyaka va nga ka va nga ha ngheni eka wena.

Nehemiya 11:18

Hinkwavo Valevhi lava akeke emutini lowo kwetsima, a va ri 284.

Nehemiya 10:34

Hi hlahluva hi vuhlolotwana emhakeni ya tihunyi leti (hina, ni vaprista, ni Valevhi, ni van'wana va tiko, hi ku ya hi tindlu ta vatata wa hina) hi fanelaka ku ti humesela yindlu ya Xikwembu xa hina hi mikarhi leyi vekiweke, hi malembe hinkwawo, va ta tshivela ndzilo ha tona ealitarini ya Yehovha, Xikwembu xa hina, hilaha ku tsariweke hakona enawini;

Matewu 4:5

Kutani Diyavulosi a n'wi yisa emutini lowu hlawuriweke, a n'wi veka exihlungweni xa tempele,

Timhaka 1:24

Kutani va khongela, va ku: “Hosi, wena la tivaka timbilu ta hinkwavo, kombisa loyi u n'wi hlawuleke eka lavambirhi lava,

Matewu 27:53

kuteloko va hume emasirheni, endzhaku ka ku pfuka ka yena, va nghena emutini lowu hlawuriweke va voniwa hi lavo tala.

Swivuriso 16:33

Va hoxa vuhlolotwana engubyeni, Kambe lexi vuriwaka hi byona xi huma eka Yehovha.

Pisalema 122:5

Hikuva hi kona ku vekiweke swiluvelo swa ku avanyisa, Swiluvelo swa yindlu ya Davhida.

1 TIKRONIKA 26:13

Va hlawuleriwa nyangwa yin'wana ni yin'wana hi vuhlolotwana, lavantshwa kukotisa va khale, hi tindlu ta vatata wa vona.

Yoxuwa 18:10

Kutani Yoxuwa a va encenyetela hi vuhlolotwana eXilo, emahlweni ka Yehovha, kutani Yoxuwa a avanyisela vana va Israele tiko, a nyika un'wana ni un'wana ku averiwa ka yena.

Timhaka 1:26

Kutani va hlahluva hi nhlolo, kutani nhlolo yi humesa Matiyasi; kutani a hlayiwa exikarhi ka vaapostola lava khume na un'we.

1 TIKRONIKA 9:3

EYerusalema, ku akile vana van'wana va Yuda, ni vana van'wana va Benjamini, ni vana van'wana va Efrayimi na Manase,

1 TIKRONIKA 8:28

Hinkwavo lava a ti ri tihosana ta tindlu hi tinxaka ta tona. Va akile eYerusalema.

1 TIKRONIKA 9:1

Vaisraele hinkwavo va tsariwile, va tsariwa kunene ebukwini ya tihosi ta Israele; kutani va Yuda va yisiwa eBabilona evukhumbini, hikwalaho ka swidyoho swa vona.

1 TIKRONIKA 9:2

Vaaki vo rhanga lava akeke etikweni ra vona ni le mitini ya vona a va ri Vaisraele, ni vaprista, ni Valevhi ni Vanetinimi.

Nehemiya 4:22

Kambe enkarhini wolowo, ndzi ku eka tiko: “Un'wana ni un'wana a a tshame vusiku ni malandza ya yena exikarhi ka Yerusalema, leswaku va hi pfuna vusiku ku langutela, nhlekanhi hi ta khoma mitirho.”

Pisalema 122:6

Kombelani ku rhula ka Yerusalema! Lava ku rhandzaka, a va tshame eku rhuleni!