Nehemiya 10:37 - Xitsonga (Bibele)

³⁷ Hi ta tisa leswi hlawuriweke swa mapa ya hina, ni swa tinyiko ta hina, ni swa mihandzu ya mirhi hinkwayo, ni swa vhinyo leyintshwa, ni mafurha, hi swi nehela vaprista emakamareni ya yindlu ya Xikwembu xa hina, swin'we ni ku pambula ka khume ka swa misava, swi nga swa Valevhi; hikuva vona Valevhi va ta teka ku pambula ka khume eka swona emitini hinkwayo leyi nga ni masimu ya tiko ra hina;

BIBELE Mahungu Lamanene

³⁷ Hi ta yisela ni vaprista endlwini ya Xikwembu xa hina mavele lama hi sungulaka ha wona ku kandza; hi ta va yisela ni mihlengo ya hina ya mihandzu ya mirhi hinkwayo, ni ya vhinyo, ni ya mafurha; hi ta yisela ni Valevhi vukhume bya swa le masin'wini, hikuva hi vona va vekiweke ku hlengeleta vukhume eswimitaneni swa hina.

Nehemiya 10:37 Referans Kwoze

Levhitika 23:17

Mi ta tisa swinkwa swimbirhi swa nhlengo lowu ndziwitiweke, swi ri leswi humaka etindlwini ta n'wina, swi va swa mipimo mimbirhi ya vukhume bya efa ya mapa yo saseka lama swekiweke hi comela; hi swona swirhangana swa Yehovha.

Tinhlayo 18:21

Loko va ri vana va Levhi, ndzi va nyikile ku pambula hinkwako ka vukhume lebyi humesiwaka eIsraeleni, yi va ndzhaka ya vona; swi ta ringaniswa ntirho lowu va wu tirhaka wu ri ntirho wa tabernakela ya nhlengeletano.

Nehemiya 13:9

ndzi va byela leswaku makamara a ma basisiwe, ndzi vuyisela kona mitirho ya yindlu ya Xikwembu, ni mihlengo, ni mirhi ya risuna.

Nehemiya 13:5

a n'wi lunghiserile kamara leyikulu, laha ku nga hlayisiwa mihlengo ni mirhi ya risuna khale, ni mitirho, ni ku pambula ka vukhume eka koro, ni ka vhinyo leyintshwa, ni mafurha, leswi ngi swi lerisiwile Valevhi ni vayimbeleri, ni valanguteri va tinyangwa, ni mihlengo leyi hlawuleriwaka vaprista.

Duteronoma 26:2

u ta teka swirhangana swa mihandzu hinkwayo leyi u yi hlengeleteke etikweni leri Yehovha, Xikwembu xa wena, a ku nyikeke rona, u ta yi veka exirhundzwini, kutani u ya exivandleni lexi Yehovha, Xikwembu xa wena, a nga ta hlawula ku akisa vito ra yena kona.

Duteronoma 18:4

U ta n'wi nyika swirhangana swa mavele ya wena, ni swa vhinyo ya wena, ni swa mafurha ya wena, ni swirhangana swa voya bya tinyimpfu ta wena;

Malakiya 3:10

Tisani endlwini ya vuhlayiselo ku avanyisa ka vukhume ka hinkwaswo leswi mi swi fuweke, swakudya swi va kona endlwini ya mina; mi ndzi ringa hakona, ku vula Yehovha wa mavandla, kutani mi ta vona xana ndzi nga ka ndzi nga mi pfuleri mafasitere ya tilo, ndzi va ndzi mi chululela ku kateka hi mpimo lowu tlurisaka!

Malakiya 3:8

“Xana munhu a nga chavi ku xisa Xikwembu, loko n'wina mi ri karhi mi ndzi xisa? Kutani mi ri: ‘Hi n'wi xisile ha yini-ke?’ Hi swa vukhume, ni swa leswi pambuleriwaka.

2 TIKRONIKA 31:6

Vana va Israele ni Vayuda lava akeke emitini ya Yuda, va tisa, na vona, swa vukhume swa swifuwo leswikulu ni leswitsongo, ni swa vukhume swa swilo leswi hlawuleriweke Yehovha, Xikwembu xa vona, va endla tinhulu ha swona.

Varhoma 11:16

Loko swirhangana swi kwetsimile, vunyingi, na byona, byi kwetsimile; kutani loko rimitsu ri kwetsimile, marhavi, na wona, ma tano.

Duteronoma 14:22

“U ta pambula swa vukhume eka hinkwaswo leswi nga ta huma etimbewini ta wena, leswi nga ta mila ensin'wini ya wena hi lembe rin'wana ni rin'wana.

Nehemiya 13:10

Ndzi twa kambe leswaku Valevhi a va nga nyikiwanga ku averiwa ka vona, ni leswaku Valevhi ni vayimbeleri lava tirhaka mitirho, va hangalakile un'wana ni un'wana ensin'wini ya yena;

Nehemiya 13:12

Kutani Vayuda hinkwavo va tlhela va humesa ku pambula ka vukhume eka koro ni vhinyo leyintshwa, ni mafurha, evuhlayiselweni;

Eksoda 13:2

hinkwaswo leswi tivulaka exikarhi ka vana va Israele, hambi va ri vanhu, hambi swi ri swifuwo, i swa mina.”

Eksoda 13:12

u ta avela Yehovha mativula hinkwawo, ni mativula hinkwawo ya swifuwo swa wena; swa matsune hinkwaswo swi ta va swa Yehovha.

Tinhlayo 18:15

Mativula hinkwawo ya tinyama hinkwato leti va ti humeselaka Yehovha, hambi va ri vanhu, hambi swi ri swifuwo, ma ta va ya wena. Ntsena u ta kutsula mativula ya munhu, u kutsula ni mativula ya leswi nga tengangiki.

Tinhlayo 18:18

Nyama ya wona yi ta va ya wena swin'we ni xifuva lexi ndziwitiweke, ni nenge wa xinene.