Nehemiya 10:31 - Xitsonga (Bibele)

³¹ kambe hi ku: “Loko va ri vanhu va tiko lava tisaka xuma ni swakudya swa tinxaka hinkwato hi siku ra Savata ku xavisa ha swona, hi nga ka hi nga xavi eka vona hi siku ra Savata, hambi ma ri masiku man'wana lama hlawuriweke; kambe hi ta va ni ku tshunxa hi lembe ra ntlhanu na mambirhi, hi ta tshikela un'wana ni un'wana milandzu ya yena.

BIBELE Mahungu Lamanene

³¹ Tlhandlakambirhi, loko vanhu lava va ta ni tinhundzu kumbe mavele va ta swi xavisa hi siku ra Savata kumbe siku rin'wana leri hlawuleriweke Xikwembu, hina a hi nga xavi. Hi lembe rin'wana na rin'wana ra vu-7 hi ta tshika ku rima masimu ya hina, naswona hi ta tshika ku londzana swikweleti.

Nehemiya 10:31 Referans Kwoze

Levhitika 23:3

“ ‘Ku ta tirhiwa hi masiku ya ntlhanu na rin'we; kambe siku ra ntlhanu na mambirhi, i Savata, siku ra ku wisa leri nga ni nhlengeletano leyi hlawuriweke; mi nga tshuki mi tirha ntirho ni wun'we; i ku wisa loku hlawuleriweke Yehovha emitini hinkwayo ya n'wina.

Eksoda 20:10

kambe siku ra vuntlhanu na mambirhi, i siku ro wisa ra Yehovha, Xikwembu xa wena. U nga tshuki u tirha ntirho ni wun'we hi siku lero, hambi u ri wena, hambi a ri n'wana wa wena wa wanuna, kumbe wa wansati; hambi a ri nandza wa wena wa wanuna, kumbe wa wansati; hambi swi ri swifuwo swa wena, hambi a ri muendzi wa wena la nga emutini wa wena.

Esaya 58:6

Ku titsona swakudya loku ndzi tsakisaka a hi kuloku xana: Ku susa tiketana ta lunya, ku tshunxa mapindza ya vukhumbi, ku tlherisa lava xanisiwaka va tshunxiwile, ni ku tshova mpingu wihi ni wihi?

2 TIKRONIKA 36:21

leswaku ku hetiseka rito ra Yehovha leri nga vuriwa hi nomu wa Yeremiya, tiko ri ko ri tsakela Tisavata ta rona; ri wisa hi nkarhi hinkwawo lowu, ku ko ku hela malembe ya 70.

Levhitika 23:21

Hi siku rolero mi ta tivisa nkhuvo, kutani mi ta va ni nhlengeletano leyi hlawuriweke; mi nga tshuki mi tirha ntirho ni wun'we lowo tika. I ku lerisa loku nga heriki ka vatukulu va n'wina, ematikweni hinkwawo lawa mi nga ta aka eka wona.

Levhitika 16:29

“Hi wona nawu lowu nga heriki eka n'wina; hi n'hweti ya ntlhanu na timbirhi, hi siku ra khume ra n'hweti, mi ta va ni nhlomulo etimbilwini ta n'wina, mi nga endli ntirho ni wun'we hambi a ri warikwenu, hambi a ri wa matiko la akeke exikarhi ka n'wina.

Eksoda 12:16

Hi siku ro rhanga mi ta va ni nhlengeletano leyi hlawuriweke; yi ta va kona ni siku ra ntlhanu na mambirhi; a ku nga endliwi ntirho ni wun'we hi masiku lawa, loko wu nga ri wa swakudya swa un'wana ni un'wana ntsena.

Yakobo 2:13

Hikuva ku avanyisa ku nga ka ku nga vi na tintswalo eka loyi a nga endlangiki hi tintswalo; kambe tintswalo ti tidzunisa henhla ka ku avanyisa.

Vakolosa 2:16

Hikwalaho, munhu a nga tshuki a mi sola emhakeni ya ku dya ni ya ku nwa, hambi ku ri emhakeni ya mikhuvo, ni ya tin'weti letintshwa ni ya Tisavata;

Matewu 6:12

Hi rivalele milandzu ya hina, tanihi loko na hina hi rivalela van'wana lava nga ni milandzu eka hina.

Eksoda 34:16

kutani u vutela vana va wena vanhwanyana va vona, kutani vanhwanyana va vona va hambukisa vana va wena, leswaku va landzela swikwembu swa vona.

Nehemiya 13:23

Emikarhini yoleyo kambe, ndzi vona leswaku Vayuda van'wanyana va tekile vasati va Vaaxidodo, ni va Vaamoni, ni va Vamowabu;

Nehemiya 13:27

Hi nga mi pfumelerisa ku yini leswaku mi endla swo biha leswo tano, mi karihisa Xikwembu xa hina hi ku teka vavasati va vamatiko?”