Nehemiya 10:29 - Xitsonga (Bibele)

²⁹ va hlangana ni vamakwavo va tihosana, va nghena na vona eku hlambanyeni ni le ku tiyiseni, va ku va ta famba emilawini ya Xikwembu, leyi va yi nyikiweke hi Muxe, nandza wa Xikwembu, va ta hlayisa ku lerisa hinkwako ka Yehovha, hosi ya hina ni marito ya yena ni milawu ya yena, va ta famba ha swona.

BIBELE Mahungu Lamanene

²⁹ hi yima swin'we ni vamakwerhu, vona varhangeri, hi tiyisa leswaku makhombo lawa ma nga hi wela, hi ta ma amukela, naswona hi tshembisa hi ku hlambanya leswaku Nawu wa Xikwembu lowu xi wu nyikeke nandza wa xona Muxe, hi ta wu landza, ni leswaku swileriso swa HOSI Xikwembu N'wini wa hina ni swiletelo ni milawu ya xona hi ta swi hlayisa hi hanya ha swona.

Nehemiya 10:29 Referans Kwoze

Ezekiele 36:27

Ndzi ta veka endzeni ka n'wina moya wa mina ndzi endla leswaku mi famba eku leriseni ka mina, mi va mi hlayisa milawu ya mina ni ku endla ha yona.

Pisalema 119:106

Ndzi hlambanyile, ndzi tiyisa, ndzi ku: Ndzi ta famba hi milawu ya ku lulama ka wena.

Yohane 15:14

Mi ta va vanakulorhi loko mi endla hinkwaswo leswi ndzi mi byelaka swona.

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

2 TIKRONIKA 34:31

Hosi yi yima endhawini ya yona, kutani yi endla ntwanano emahlweni ka Yehovha ku landza Yehovha, ni ku hlayisa milawu ya yena, ni vumbhoni bya yena, ni ku lerisa ka yena, hi mbilu hinkwayo ya yona, ni moya hinkwawo wa yona, ni ku famba hi marito ya ntwanano lama tsariweke ebukwini leyi.

2 TIHOSI 23:3

Hosi yi yima exiyimisweni, kutani yi tiboha emahlweni ka Yehovha ku landza Yehovha, ni ku hlayisisa milawu ya yena, ni marito ya yena, ni ku lerisa ka yena hi mbilu hinkwayo ya yona ni moya hinkwawo wa yona, ni ku chivirika hi marito ya ntwanano lowu, lama tsariweke ebukwini leyi. Kutani tiko hinkwaro ri nghena entwananweni lowu.

Timhaka 23:21

Kambe u nga tshuki u va pfumelela, hikuva vavanuna lava tlulaka mune wa makume va n'wi lavelela, va tibohile hi ku hlambanya va ku va nga ka va nga dyi, hambi ku ri ku nwa, va nga si n'wi dlaya; kambe sweswi, va tilunghisile va langutele ku pfumela ka wena ntsena.”

Timhaka 17:34

Kambe vavanuna van'wana va n'wi namarhela, va pfumela; exikarhi ka vona, un'wana a a ri Diyonisiyo wa Areyopago, ni wansati loyi va nge i Damarisi, va ri ni van'wana.

Timhaka 11:23

Kuteloko a fikile, a vona tintswalo ta Xikwembu a tsaka; kutani a va khongotela hinkwavo ku tiyisela eka Hosi hi timbilu leti chivirikaka.

Yohane 7:19

Xana Muxe a nga mi nyikanga nawu xana? Hambiswiritano, a ku na un'we xikarhi ka n'wina la hlayisaka nawu. Mi lavela yini ku ndzi dlaya?”

Yohane 1:17

Hikuva nawu wu nyikiwile hi Muxe; kambe tintswalo ni vunene swi humelele hi Yesu Kriste.

Malakiya 4:4

“Tsundzukani nawu wa Muxe, nandza wa mina, lowu ndzi wu leriseke Vaisraele hinkwavo ha yena eHorebe, wu nga nawu ni ku lerisa.

Yeremiya 26:4

“U va byela, u ku: ‘Ku vula Yehovha: Kungakuloko mi nga ndzi yingisi, ku famba emilawini leyi ndzi yi vekeke emahlweni ka n'wina,

Esaya 14:1

Hikuva Yehovha u ta tsetselela Yakobo u ta tihlawulela Israele; u ta tlhela a va akisa etikweni ra vona, kutani vamatiko va ta hlangana na vona, va namarhela yindlu ya Yakobo.

Pisalema 105:45

Leswaku va ta hlayisa ku lerisa ka yena, Va famba hi milawu ya yena. Dzunisani Yehovha!

Pisalema 8:9

Oho Yehovha, Hosi ya hina! Vito ra wena ri kwetsimile swonghasi emisaveni hinkwayo!

Pisalema 8:1

Oho Yehovha, Hosi ya hina! Vito ra wena ri kwetsimile swonghasi emisaveni hinkwayo! Ku vonakala ka wena ku tlakukile henhla ka matilo.

Nehemiya 13:25

Kutani ndzi va holovela, ndzi va rhukana, ndzi va ni van'wana, ndzi va hluva misisi, ndzi va hlambanyela hi Xikwembu, ndzi ku: “Mi nga nyika vana va n'wina eka vana va vona, mi nga teki vana va vona, na n'wina mi nga tekelani na vona.

2 TIKRONIKA 6:16

Oho! Yehovha, Xikwembu xa Israele! Sweswi, endlela nandza wa wena Davhida, tata wanga, leswi u n'wi byeleke swona loko u te: ‘U nga ka u nga pfumali ni siku ni rin'we emahlweni ka mina, munhu la tshamaka exiluvelweni xa Israele, loko kunene vana va wena va hlayisa tindlela ta vona, ku famba enawini wa mina hilaha u fambeke hakona emahlweni ka mina.’

2 TIHOSI 10:31

Kambe Yehu a nga chivirikanga hi mbilu hinkwayo ya yena ku famba enawini wa Yehovha, Xikwembu xa Israele, a nga fularhelanga swidyoho swa Yerobuwamu la nga dyohisa Israele ha swona.

Duteronoma 33:4

Muxe u hi lerisile nawu, Yi nga ndzhaka ya nhlengeletano ya Yakobo.

Duteronoma 5:32

“Tilanguteleni, mi ta endla hilaha Yehovha, Xikwembu xa n'wina xi mi leriseke hakona; mi nga tshuki mi hambukela exineneni, hambi ku ri eximatsini,

Duteronoma 5:1

Kutani Muxe a vitana vana va Israele hinkwavo, a ku eka vona: “Yingisani, Vaisraele, milawu ni ku lerisa leswi ndzi swi vulaka namuntlha etindleveni ta n'wina; mi ta swi dyondza, mi va mi tivonela ku swi hlayisa.

Tinhlayo 5:21

muprista u ta hlambanyisa wansati hi ku hlambanya lokukulu, a ku eka yena: “Yehovha a a ku nyikete endzhukanweni ni ku yirisiwa etikweni ra wena, a ondzisa matsheve ya wena ni ku kukumukisa khwiri ra wena,

Nehemiya 9:38

Hikwalaho ka swilo leswi hinkwaswo hi endlile ntwanano, hi wu tsala, hi wu tiyisa hi ku tiyisa ka vakulu va hina ni Valevhi va hina ni vaprista va hina.

Yeremiya 34:15

N'wina kutani, a mi hundzukile, a mi endla swo lulama emahlweni ka mina, hi ku vula timfanelo ta ku tshunxeka ka un'wana ni un'wana eka makwavo; a mi endlile ntwanano emahlweni ka mina, endlwini leyi vito ra mina ri vuriwaka ehenhla ka yona.

Levhitika 20:26

Mi ta tihlawulela mina, hikuva ndzi hlawulekile, mina Yehovha; ndzi mi hlawurile exikarhi ka matiko leswaku mi va va mina.

1 TIKRONIKA 9:2

Vaaki vo rhanga lava akeke etikweni ra vona ni le mitini ya vona a va ri Vaisraele, ni vaprista, ni Valevhi ni Vanetinimi.

Nehemiya 7:46

Loko va ri va Netinimi, vana va Siha, vana va Hasufa, vana va Tabawoto,

Nehemiya 8:2

Hi siku ro sungula ra n'hweti ya ntlhanu na timbirhi, Ezra, muprista, a tisa milawu emahlweni ka nhlengeletano ya vavanuna ni vavasati, ni hinkwavo lava ngi va kota ku twisisa.

Nehemiya 8:3

A hlaya kona erivaleni laha emahlweni ka nyangwa ya Mati, a sungula nimixo ku ko ku fika nhlekanhi, emahlweni ka vavanuna ni vavasati ni lava nga ni ku twisisa, kutani tiko hinkwaro ri rhiya tindleve ku yingisa buku ya milawu.

Nehemiya 9:2

Va rixaka ra Israele va tihlawula eka vana va matiko, va tihumesa erivaleni, va tivula swivi swa vona ni ku dyoha ka vatata wa vona.