Nehemiya 1:9 - Xitsonga (Bibele)

⁹ kambe loko mi hundzukela eka mina, mi endla hakona, hambi mi nga hangalasiwa emakun'wini ya matilo, ndzi ta mi hlengeleta ndzi mi vuyisela endhawini leyi ndzi yi hlawuleke ku veka vito ra mina ka yona.’

BIBELE Mahungu Lamanene

⁹ kambe loko mi tlhelela eka mina, mi endla leswi ndzi mi lerisaka swona, mi hanya ha swona, hambiloko ndzi mi hangalasile mi ya fika ni le vugimamusi, ndzi ta tlhela ndzi mi hlengeleta, ndzi mi vuyisa endhawini leyi ndzi yi hlawuleke leswaku vito ra mina ri gandzeleriwa eka yona.’

Nehemiya 1:9 Referans Kwoze

Yeremiya 32:37

Vonani, ndzi ta va hlengeleta ematikweni hinkwawo laha ndzi va hangalaseke kona hi vukari bya mina, ni ku leva ka mina ni ku tsuva lokukulu, ndzi ta va vuyisela exivandleni lexi, ndzi va akisa hi ku titsakela.

Matewu 24:31

U ta rhuma tintsumi ta yena leti yimbaka tinanga ta mpfumawulo lowukulu, ti ta hlengeleta vahlawuriwa va yena etimhehweni leta mune, ku sungula emakun'wini ya matilo, ku yisa emakun'wini man'wana.

Yeremiya 12:15

Kambe kutakuloko ndzi va tsuvurile, ndzi ta tlhela ndzi va tsetselela; kutani ndzi ta va tlherisela un'wana ni un'wana endzhakeni ya yena, un'wana ni un'wana etikweni ra yena.

Esaya 56:8

Ku vula Hosi Yehovha, la hlengeletaka Vaisraele, lava nga ya evukhumbini a ku: “Ndzi ta hlanganisa kambe van'wana eka Israele, swin'we ni lava hlengeletiweke.”

Pisalema 147:2

Yehovha u pfuxa Yerusalema, U hlengeleta vahlongoriwa va Israele;

Ezra 6:12

Kutani Xikwembu lexi akiseke vito ra xona kona, a xi wisele ehansi hosi yin'wana ni yin'wana, ni tiko rin'wana ni rin'wana leri nga ta tlakusa voko ku hambuxa mhaka leyi, ni ku onha yindlu yoleyo ya Xikwembu leyi nga eYerusalema. Mina, Dariyosi ndzi swi lerisile; endlani hakona sweswi.”

Duteronoma 12:5

kambe xivandla lexi Yehovha, Xikwembu xa n'wina, a nga ta hlawula exikarhi ka tinxaka hinkwato ta n'wina ku veka kona vito ra yena, hi xona xivandla xa yindlu ya yena; mi ta n'wi lavisisa kona, mi va mi ya kona.

Ezekiele 36:24

“Ndzi ta mi humesa ematikweni ndzi mi hlengeleta exikarhi ka matiko hinkwawo, ndzi mi vuyisa etikweni ra n'wina;

Yeremiya 31:10

“Yingisani rito ra Yehovha, n'wina matiko, mi tivisa swihlale swa le kule, mi ku: ‘La hangalaseke Israele wa n'wi hlengeleta, u ta n'wi risa kukotisa murisi la rixaka ntlhambi wa yena.’

Esaya 11:12

Yi ta tlakusela matiko mujeko, kutani yi ta hlengeleta lava hlongoriweke va Israele, yi hlengeleta ni lava hangalasiweke va Yuda etinhleni ta mune ta misava.

Pisalema 106:47

Yehovha, Xikwembu xa hina, hi kutsule! Hi hlengelete exikarhi ka matiko, Leswaku hi ta yimbelela vito ra wena leri kwetsimaka, Hi ta tikurisa hi ku ku dzunisa!

1 TIHOSI 9:3

Yehovha a ku eka yena: “Ndzi yingisile xikhongelo xa wena ni ku kombela loku u ku humeseke emahlweni ka mina: Ndzi hlawurile Yindlu leyi u yi akeke, ku veka vito ra mina kona hilaha ku nga heriki; mahlo ya mina ni mbilu ya mina swi ta va kona hi masiku.

Yeremiya 3:14

“ ‘Tlhelani, n'wina vana lava hambukeke, ku vula Yehovha. A ku: Hi mina n'wini wa n'wina. Ndzi ta teka un'wana wa n'wina emutini wun'wana; vambirhi, ndzi va teka erixakeni rin'wana; kutani ndzi mi tlherisela eSiyoni.

1 TIKRONIKA 16:35

Mi ku: ‘Oho! Xikwembu xa ku hlayiseka ka hina hi ponise! Hi hlengelete, hi kutsule exikarhi ka vamatiko, Leswaku hi tlangela vito ra wena lero kwetsima, Hi va hi tidzunisa hi xidzumo xa wena!’

Duteronoma 12:21

Kungakuloko xivandla lexi Yehovha Xikwembu xa wena, a nga ta xi hlawula ku veka vito ra yena kona, xi le kule na wena, u ta titlhavela tihomu ni timbuti leti Yehovha a ku nyikeke tona, hilaha ndzi ku leriseke hakona kutani u ta dya emindyangwini ya wena hilaha u nga ta swi rhandza hakona.

1 TIHOSI 8:48

Kungakuloko va tlhelela eka wena hi timbilu hinkwato ta vona, ni mimoya hinkwayo ya vona etikweni ra valala va vona lava va va khomeke; loko va ku khongela va languta hitlhelo ra tiko leri u ri nyikeke vatata wa vona, ni tlhelo ra muti lowu u wu hlawuleke ni tlhelo ra yindlu leyi ndzi yi akeleke vito ra wena:

Pisalema 107:3

A va vitaneke ematikweni hinkwawo, Evuxeni ni le vupeladyambu, en'walungwini ni le dzongeni!

Esaya 27:12

Kambe emikarhini yoleyo, Yehovha u ta hlakahla mihandzu, ku suka enambyeni wa Yufrata, ku fika enambyeni wa Egipta, kutani mi ta rholeriwa ha un'we, n'wina, vana va Israele!

Yeremiya 6:22

Yehovha u vula a ku: “Vonani, tiko ra huma etlhelweni ra n'walungu tiko lerikulu ri humelela, ri huma emakumu ya misava;

Ezekiele 14:6

“Hikwalaho, u byela va yindlu ya Israele, u ku: Ku vula Hosi Yehovha: Vuyani, fularhelani swikwembu swa n'wina swahava, mi fularhela manyala ya n'wina hinkwawo.

Levhitika 26:3

“ ‘Loko mi famba hi milawu ya mina ni loko mi hlayisa ku lerisa ka mina mi va mi endla hakona,

Duteronoma 30:1

“Kutakuloko swilo leswi ndzi swi vekeke emahlweni ka wena, yi nga mikateko ni mirhukano, loko swi fikile henhla ka wena, ni loko u swi anakanya embilwini ya wena, ematikweni hinkwawo lawa Yehovha, Xikwembu xa wena ingi xi ku hlongorisile ka wona,

Zakariya 8:7

“Yehovha wa tinyimpi u ri: Vonani, ndzi ta ponisa vanhu va mina etikweni ra vuxa, ni le vusikwini;