Nehemiya 1:1 - Xitsonga (Bibele)

¹ Timhaka ta Nehemiya, n'wana Hakaliya. Hi n'hweti ya Kislevhu ya lembe ra makume mambirhi, loko ndza ha ri Xuxani, emutini wa ntsindza,

BIBELE Mahungu Lamanene

¹ Lawa i marito ya Nehemiya n'wana Hakaliya: Hi n'hweti ya Kislevhu, hi lembe ra vu-20 ra ku fuma ka Ataserkisi, loko ndzi ri entsindza le Xuxani,

Nehemiya 1:1 Referans Kwoze

Zakariya 7:1

Elembeni ra vumune ra ku fuma ka hosi Dariyosi, rito ra Yehovha ri ta eka Zakariya, hi ra vumune ra n'hweti ya ntlhanu na mune, yi nga ya Kislevhu,

Nehemiya 10:1

Lava nga tiyisa papila hi ku tiyisa ka vona, i Nehemiya, mufumi n'wana Hakaliya, na Sedekiyasi,

Estere 1:2

ndzi ri, emikarhini leyo, kuteloko hosi Ahasuwerusi a tshamisile exitshan'weni xa vuhosi bya yena, eXuxani, wu nga ntsindza,

Daniele 8:2

Kuteloko ndzi languta, swi va tanihi loko ndzi ri eXuxani, emutini wa le hosini wa tiko ra Elamu; ndzi vona xivono ndzi tshamile eribuwini ra nambu wa Ulayi.

Ezra 7:7

Kutani van'wana va vana va Israele, vaprista, ni Valevhi, ni vayimbeleri, ni valanguteri va tinyangwa, ni malandza, va tlhandlukela eYerusalema na yena, hi lembe ra ntlhanu na mambirhi ra ku fuma ka Ataserkisi.

Estere 3:15

Kutani vatsutsumi va suka hi ku hatlisa hi ku lerisa ka hosi.

Nehemiya 2:1

En'hwetini ya Nisani, hi lembe ra makume mambirhi ra ku fuma ka Ataserkisi, kakuloko vhinyo yi ri emahlweni ka yena, ndzi teka vhinyo, ndzi nyika hosi; kambe a ndzi nga si vusangana mombo emahlweni ka yena.

Ezra 10:9

Kutani vanhu hinkwavo va Yuda, ni va Yerusalema, ni va Benjamini, va hlengeletana eYerusalema hi masiku manharhu; yi nga n'hweti ya ntlhanu na mune, hi siku ra makume mambirhi ra n'hweti. Tiko hinkwaro ri ta tshamisa erivaleni, emahlweni ka yindlu ya Xikwembu, va ri karhi va rhurhumela hikwalaho ka mhaka leyi nga kona, ni hikwalaho ka timpfula.

Nehemiya 5:14

Naswona, ku sukela siku ndzi nga vekiwa hosi ya vona, etikweni ra Yuda, ku suka lembe ra makume mambirhi, ku fika lembe ra makume manharhu na mambirhi ra ku fuma ka Ataserkisi, ku nga hi malembe ya khume na mambirhi, mina ni vamakwerhu a hi dyangi vuswa lebyi averiwaka hosi;