Nahume 3:4 - Xitsonga (Bibele)

⁴ Hikwalaho ka vuoswi lebyikulu bya muoswi, la teleke hi swo tsakisa, la tlhariheke hi vuloyi, la xavisaka matiko hi ku oswana ka yena, ni swivongo hi vuloyi bya yena.

BIBELE Mahungu Lamanene

⁴ Leswi swi vanga hi vunghwavava lebyikulu bya Ninivha, wansati loyi wo koka mahlo, mungoma wa xiviri loyi a a phasa vamatiko hi vunghwavava bya yena, ni tinxaka ta vanhu hi vungoma bya yena.

Nahume 3:4 Referans Kwoze

Esaya 47:9

Swilo leswimbirhi swi ta ku tela kan'we, hi siku rin'we: ku tsoniwa vana ni vunoni; swi ta ku wela ehenhla hinkwako, hambi u andzisile switshungulu, hambi vungoma bya wena byi ri ni matimba.

Nhlavutelo 18:23

Ku vonakala ka mavoningo a ku nga ha voningi eka wena, ni rito ra muteki ni ra mutekiwa, a ri nga ha twakari eka wena; hikuva vaxavisi lava nga eka wena a va ri vakulukumba va misava, hikuva matiko hinkwawo ma hambukisiwile hi madambi ya wena.

Nhlavutelo 18:9

Kutani tihosi ta misava leti oswaneke na yena, leti hanyeke na yena eku titsakeleni, ti ta n'wi rilela, ti tiba swifuva loko ti vona musi wa ku tshwa ka yena,

Esaya 47:8

Sweswi yingisa mhaka leyi, wena la rhandzaka mitsako, wena la akeke hi ku rhula, la nga ku embilwini ya wena: “Mina, mina ntsena! Ndzi nga ka ndzi nga vi noni, ndzi nga ka ndzi nga tsoniwi vana!”

Ezekiele 16:35

“Hikwalaho, wena muoswi, yingisa rito ra Yehovha!