Nahume 3:17 - Xitsonga (Bibele)

¹⁷ Swibombi swa wena swi kotisa tinjiya, ni vatlhavani va wena va kotisa tinjiya ta mavandla leti tshameke eswihlahleni, siku ku titimelaka; kakuloko dyambu ri tlhava, ti suka, kambe ku nga tiviwi laha ti yeke kona.

BIBELE Mahungu Lamanene

¹⁷ Vatirhela-mfumo va wena va fana ni swinjiyana, vamatsalani va wena va kotisa papa ra tinjiya: Hi siku ra xirhami, ti phatsama erihlampfini, kambe loko masana ma tlhava, ta haha, ni lomu ti nga kona sweswi a ku tiviwi hi munhu! Ti ya kwihi xana?

Nahume 3:17 Referans Kwoze

Nhlavutelo 9:7

Xivumbeko xa tinjiya teto a xi fana ni xa tihanci leti lunghiseriweke ku lwa; ti rhwele etinhlokweni ta tona leswi fanaka ni tihari ta nsuku; mimombo ya tona a yi fana ni mimombo ya vanhu.

Yeremiya 51:27

“Yimisani mujeko etikweni, mi yimba nanga ematikweni, mi n'wi pfuxela matiko, mi hlengeleta ku fuma ka Ararata, ni ka Mini, ni ka Axikenazi ku lwa na yena, mi veka tindhuna ta nyimpi; tshinetani tihanci, ti tlhandluka kukota tinjiya ta dyandza.

Ezekiele 31:12

Vamatiko lava chavisaka va wu tsemile va wu cukumeta; marhavi ya wona ma wele etintshaveni, ni le mikoveni hinkwayo, mahlampfu ya wona lama tshoviweke ma wele emilambyeni hinkwayo ya tiko, vanhu hinkwavo va misava va humele endzhutini wa wona, va wu siye kona.

Nahume 2:9

Phangani silivhere, mi phanga ni nsuku. A swi na ku hela exumeni xa swilo leswi hlayisiweke; i tinyandzanyandza ta mitirho hinkwayo leyi navetaka.