Nahume 2:2 - Xitsonga (Bibele)

² Hikuva Yehovha u ta tiyisa ku kwetsima ka Yakobo, ku nga ku kwetsima ka Israele; hikuva vaonhi va onhile va hetile marhavi ya vhinya ya vona.

BIBELE Mahungu Lamanene

² HOSI Xikwembu xi pfuxeta ku dzuneka ka Yakobo, xi pfuxeta ni ku dzuneka ka Israele, hikuva vaonhi va onhile swa vona, va phatlulerile marhavi ya vona.

Nahume 2:2 Referans Kwoze

Sofoniya 3:11

Esikwini lero, a ku nga ha khomiwi hi tingana hikwalaho ka swiendlo swa wena hinkwaswo leswi u ndzi hundzukeleke ha swona; hikuva kona ndzi ta susa lava titsakelaka eku tikukumuxeni ka vona exikarhi ka wena, kutani a ku nga ha tshami u tikukumuxa entshaveni ya mina leyi hlawulekeke.

Ezekiele 37:23

Va nga ka va nga ha tinyamisi hi swikwembu swa vona swa thyaka, ni manyala ya vona, ni swidyoho swa vona hinkwaswo ndzi ta va lwela eka ku tiarisa hinkwako ka vona loku va nga dyoha hakona, ndzi va basisa; va ta va tiko ra mina, na mina ndzi va Xikwembu xa vona.

Esaya 60:15

Kasi khale a u tshikiwile, u vengiwile, u tshamile u ri swaku, sweswi ndzi ta endla ha wena ku dzuna ka mikarhi, ni ku tsaka ka tinxaka hinkwato.

Hosiya 10:1

Israele i vhinya leyi kuleke ngopfu; mihandzu ya yona yi n'wi ringanile. Mihandzu ya yena loko yi ri karhi yi engeteleka, hilaha a engetaka ku aka tialitari; hikuva hilaha tiko ra yena ri nga riki rinene, hi kona a engetaka ku bombisa swifaniso.

Yeremiya 49:9

Loko ngi vatshoveri va vhinya va nghena eka wena, a va ta siya masalela xana? Loko ngi ma ri makhamba ya vusiku, ma ta onha leswi ma swi kotaka.

Yeremiya 25:29

Hikuva, vonani, muti lowu vitiwaka hi vito ra mina, ndzi ta sungula ha wona ku humesa swo biha; kutani n'wina mi ri mi ta tsetseleriwa ku biwa xana? “ ‘Mi nga ka mi nga tsetseleriwi, hikuva mina ndzi ta rhambela vaaki hinkwavo va misava fumu, ku vula Yehovha wa mavandla.’

Pisalema 47:4

U hi hlawulele ndzhaka ya hina, Ku kwetsima ka Yakobo, loyi a n'wi rhandzaka.

Yeremiya 48:11

“Mowabu a tshama a titsakela a ha ri evutsongwaneni bya yena, a a titshamela exisenseni xa yena, a nga halatiwanga, mbita yin'wana embiteni yin'wana, a nga si ya eku bohiweni; hikwalaho ku nun'hwa ka yena ku tshame ku va kona, ku twala ka yena a ku hundzukanga.

Ezekiele 37:21

“Va byele, u ku: Hosi Yehovha a vulavula sweswo, a ku: Ndzi ta teka vana va Israele exikarhi ka matiko lawa va yeke eka wona; ndzi ta va hlengeleta hi matlhelo hinkwawo, ndzi va tisa etikweni ra vona.

Nahume 2:10

Ka byisiwa, ka phangiwa, ka onhiwa! Mbilu ya n'oka, matsolo ma gudlagudla, swisuti hinkwaswo swi khomiwe hi ku vaviseka, mimombo hinkwayo yi ondzile!

Nahume 3:14

Tikele mati, hikuva u ta siveleriwa; tiyisa makhokholo ya wena, nghena endzhopeni, u pfuva ndzhope, u aka hondo yo hisa switina.