Nahume 1:6 - Xitsonga (Bibele)

⁶ Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

BIBELE Mahungu Lamanene

⁶ Xana i mani la nga tiyaka emahlweni ka vukari bya yona xana? Ku hlundzuka ka yona loku pfurhaka, ku nga tiyela hi mani xana? Vukari bya yona bya hangalaka ku fana ni ritshwa, maribye ma fayeka loko yi humelela.

Nahume 1:6 Referans Kwoze

Yeremiya 10:10

Kambe Yehovha i Xikwembu xo lulama, i Xikwembu lexi hanyaka, ni Hosi ya mikarhi ni mikarhi. Misava yi tsekatseka hi ku kariha ka xona, kutani matiko ma nga ka ma nga yimi emahlweni ka ku kariha ka xona.

Malakiya 3:2

Kambe i mani la nga tshamelaka siku ra ku ta ka yena? I mani la nga yimaka eku fikeni ka yena? Hikuva u kotisa ndzilo wa mun'okisi, ni xisibi xa vahlantswi.

Nahume 1:2

Yehovha i Xikwembu lexa rilondzo, xi rihisaka; Yehovha wa rihisela, u tele vukari; Yehovha u tirihisela eka lava n'wi lwisaka, vukari bya yena u byi hlayisela lava nga valala eka yena.

Pisalema 76:7

Wena, wa chaveka! I mani la nga yimaka emahlweni ka wena, Loko vukari bya wena byi pfuka?

Ezekiele 30:16

Ndzi ta tshivela ndzilo Egipta; Sini u ta va ni ku vaviseka lokukulu, na No u ta handzuriwa na Nofu u ta ngheniwa ninhlekanhi hi valala.

Swirilo 4:11

Yehovha u hetisile vukari bya yena; U halatile vukari lebyi pfurhaka bya yena. Kutani u tshiverile ndzilo eSiyoni, Lowu nga dya masungulo ya yena.

Swirilo 2:4

U kungile vurha bya yena kukotisa nala, A yima a tshambuluta voko ra yena lera xinene tanihi nhenha, Kutani a dlaya hinkwaswo leswi rhandzekaka loko swi voniwa; Entsongeni wa nhwanyana wa Siyoni, u chulurile vukari bya yena kukotisa ndzilo.

Esaya 27:4

A ndzi na vukari; kambe loko ndzi kuma swigatlu ni mitwa, ndzi ta lwa na swona, ndzi swi hisa hinkwaswo swin'we.

Esaya 10:16

Hikwalaho Hosi ya tinyimpi yi ta ondzisa swihontlovila swa Asiriya, kutani ehansi ka ku vangama ka yena ku ta pfukeka ku pfurha kukotisa ku pfurha ka ndzilo.

Pisalema 90:11

I mani la tsundzukaka matimba ya vukari bya wena, Ni ku hlundzuka ka wena hi ku chavisa loku ku fanelaka!

Pisalema 2:12

Ntswontswani n'wana, leswaku a nga ti kariha, Kutani mi lova etindleleni ta n'wina, Hikuva vukari bya yena bya hatlisa ku pfurha. Va katekile hinkwavo lava chavelaka ka yena!

1 TIHOSI 19:11

Yehovha a ku eka yena: “Huma u yima entshaveni emahlweni ka Yehovha.” Kutani maswivo, Yehovha a hundza; moya wa xidzedze wu handzula tintshava, wu faya maribye emahlweni ka Yehovha. Kambe Yehovha a a nga ri kona exidzedzeni. Endzhaku ka xidzedze ku va ni ku tsekatseka ka misava. Kambe Yehovha a a nga ri kona eku tsekatsekeni ka misava.

Nhlavutelo 16:8

Ntsumi ya vumune yi chulula ximbitana xa yona edyambyini; kutani ri nyikiwa matimba ya ku hisa vanhu hi ndzilo.

Nhlavutelo 16:1

Kutani ndzi twa rito lerikulu leri humaka etempeleni, ri ku eka tintsumi leta ntlhanu na timbirhi: “Yanani, mi ya chululela emisaveni swimbitana swa ntlhanu na swimbirhi swa vukari bya Xikwembu.”

Nhlavutelo 6:17

hikuva siku lerikulu ra ku kariha ka xona ri humelele, kutani i mani loyi a nga ri tiyelaka?”

Ntirho 40:11

U chela ku hiseka ka vukari bya wena, U languta vatikukumuxi hinkwavo, u va tsongahata!

Pisalema 130:3

Loko ngi u hlayisa ku tsundzuka ka swidyoho, Yehovha, Ku ta hanya mani, wee Hosi?

Esaya 13:13

Hikwalaho ndzi ta tsekatsekisa matilo, kutani misava yi ta susumetiwa ematshan'weni ya yona hi ku kariha ka Yehovha wa tinyimpi, siku ra vukari bya yena lebyi pfurhaka.

Esaya 66:15

Hikuva, waswivo, Yehovha u ta ta ni ndzilo ni golonyi ya yena tanihi xihuhuri, ku halata vukari bya yena, byi va byi pfurha, ni ku chavisa ka yena, ma va malangavi ya ndzilo.

Yeremiya 21:12

n'wina yindlu ya Davhida! Yehovha u ri: “Avanyisani hi ku lulama ka ha ri mixo; mi lamulela xisiwana emavokweni ya loyi a n'wi xanisaka, leswaku vukari bya mina byi nga pfurhi kukotisa ndzilo, kutani wu hisa ku nga ri na loyi a wu timhaka hikwalaho ka vumbabva bya ku endla ka n'wina.” ’

Ezekiele 7:8

Sweswi, ndzi ta hetisa vukari bya mina ehenhla ka wena, ndzi ta byi hetisa kunene, ndzi ta ku avanyisa hikwalaho ka mikhuva ya wena, kutani ndzi ta ku rihisela manyala ya wena hinkwawo.

Ezekiele 21:31

Hosi Yehovha u ri: Susa xihuku, u susa musingasoro wa wena; lexi nga kona a xi nga ha vi kona; ku ta tlakusiwa lexi tsongahatiweke, ku ta tsongahatiwa lexi tlakukeke.

Ezekiele 39:6

Kutani ndzi ta rhumela Magogo ndzilo, ni ka lava tshamisaka hi ku rhula eswihlaleni; va ta tiva leswaku hi mina Yehovha.

Sofoniya 2:2

ku nga si ta siku lero kukotisa mungu lowu hahisiwaka vukari bya ku pfurha ka Yehovha byi nga si ta eka n'wina hi siku ra vukari bya Yehovha.

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Ntirho 9:5

U tshineta tintshava, ti nga swi tivi Leswaku u ti phyandlasa hi vukari bya xona.

Ntirho 26:11

Timhandze ta le tilweni ta tsekatseka, Ti khindlimuka hi ku holoveriwa ka xona.

Pisalema 76:8

Hi le henhla etilweni, u tivisile ku avanyisa ka wena, Kutani misava yi miyele hi ku chava,

Esaya 33:14

Vadyohi va khomiwa hi ku chava le Siyoni, vasandzi va rhurhumela, va ku: “I mani exikarhi ka hina la nga ta tiya, a yima emahlweni ka ndzilo lowu hisaka? I mani la nga ta tiya a yima emahlweni ka malangavi lama nga timekiki?”

Swirilo 2:3

U tshovile hi vukari lebyi levaka bya yena matimba hinkwawo ya Israele, A khwanyanisa voko ra yena lera swinene emahlweni ka valala, Kutani a pfurha exikarhi ka Yakobo tanihi langavi ra ndzilo Lowu lovisaka hi matlhelo hinkwawo.