Nahume 1:15 - Xitsonga (Bibele)

¹⁵ Vonani ehenhla ka tintshava milenge ya la vulavulaka timhaka ta tintswalo, a twarisaka ta ku rhula! Wena, Yuda, endla mikhuvo ya wena, u riha ku hlambanya ka wena, hikuva lowa vumbabva a a nga ha hundzi eka wena; u lovisiwile makumu.

BIBELE Mahungu Lamanene

¹⁵ Langutani! Murhumiwa wa ta hi le tintshaveni; ú tisa mahungu lamanene, ni ku tivisa timhaka ta ku rhula. N'wina vanhu va Yuda, cinani minkhuvo ya n'wina, hetisani leswi mi swi hlambanyeke, hikuva muonhi a nga ka a nga ha hlaseli tiko ra n'wina, ni siku ri rin'we, ú heriseriwe ra makumu.

Nahume 1:15 Referans Kwoze

Esaya 52:7

Yi sasekile swonghasi etintshaveni, milenge ya loyi a tisaka timhaka to nandziha, la vulavulaka swo rhula, ya loyi a tisaka timhaka leti tsakisaka, loyi a vulaka swa vutomi, loyi a byelaka Siyoni, a ku: “Xikwembu xa wena xa fuma!”

Varhoma 10:15

Kutani va ta dyondzisisa ku yini, loko va nga rhumiwi! Hilaha ku tsariweke leswaku: “Milenge ya lava vulaka Evhangeli ya ku rhula yi sasekile swonghasi; milenge ya lava vulaka timhaka leto saseka!”

Timhaka 10:36

Hi rona rito leri xi ri rhumeleke vana va Israele loko xi vula ku rhula ha Yesu Kriste yi nga Hosi ya hinkwavo.

Luka 2:10

Ntsumi yi ku eka vona: “Mi nga chavi, vonani, ndzi mi byela ku tsaka lokukulu, loku nga ta va eka tiko hinkwaro;

Luka 2:14

“Ku kwetsima a ku ve eka Xikwembu ematilweni ya le henhla, ku tsaka a ku ve emisaveni eka vanhu lava khensiwaka.”

Yuwele 3:17

“Kutani mi ta tiva leswaku hi mina Yehovha, Xikwembu xa n'wina; mina la tshameke eSiyoni, entshaveni ya mina leyi hlawuriweke, Yerusalema, u ta va xivandla lexi hlawuriweke; vamatiko a va nga ha hundzi eka yena.

Esaya 52:1

Pfuka, pfuka, ambala matimba ya wena, Siyoni! Ambala tinguvu ta nkhuvo, Yerusalema, muti lowu hlawuriweke! Hikuva sweswi, khuna ni munhu wa thyaka va nga ka va nga ha ngheni eka wena.

Pisalema 107:15

A va khense Yehovha hikwalaho ka vunene bya yena. Hikwalaho ka swihlamariso leswi a swi endlelaka vana va vanhu,

Pisalema 107:8

A va khense Yehovha hikwalaho ka vunene bya yena, Hikwalaho ka swihlamariso leswi a swi endlelaka vana va vanhu!

Levhitika 23:4

“ ‘Hi leyi mikhuvo ya Yehovha, hileswaku tinhlengeletano leto kwetsima leti mi nga ta ti lerisa emikarhini ya tona:

Levhitika 23:2

“Byela vana va Israele, u ku eka vona: ‘Hi yona mikhuvo ya Yehovha leyi mi nga ta yi lerisa leswaku ti va tinhlengeletano leti hlawuriweke. Hi yona mikhuvo ya mina.

Nahume 1:14

Loko u ri wena, Ninivha, Yehovha u lerisa, a ku: “Vito ra wena a ri nga ha byariwi. Endlwini ya swikwembu swa wena, ndzi ta susa swifaniso leswi vatliweke ni leswi chuluriweke, kutani ndzi ta ku lunghisela sirha, hikuva u xahava.”

Esaya 41:27

Hi mina lowo rhanga la byeleke Siyoni, ndzi ku: ‘Hi volavo, hi volavo!’ Ndzi rhumela eYerusalema, ntsumi ya timhaka to nandziha!

Esaya 42:11

Mananga ni miti ya kona a yi tlakuse rito, swimitana swa Vakedari a swi tlakuse rito; lava akeke eSela a va huwelele hi ku tsaka, etintshaveni a ku biwe mikulungwana!