Nahume 1:11 - Xitsonga (Bibele)

¹¹ Eka wena ku hume la kanelaka leswo biha ehenhla ka Yehovha, la tsundzuxaka vumbabva.

BIBELE Mahungu Lamanene

¹¹ Munhu wa makungu layo biha ya ku lwa ni HOSI, loyi a byeleteleke vanhu leswi nga pfuniki nchumu, ú huma eka wena Ninivha.

Nahume 1:11 Referans Kwoze

Nahume 1:9

Hi yihi miehleketo ya n'wina ehenhla ka Yehovha? U ta lovisa kunene; khombo ri nga ka ri nga ti kambirhi.

2 TIKRONIKA 13:7

kutani vanhu lava nga riki va nchumu, vavanuna lavo biha, va hlengeletanile eka yena, va titiyisa ku hlula Rhobuwamu, n'wana Solomoni. Rhobuwamu a a ri lontshwa, a nga tiyangi mbilu, kutani a nga kumangi matimba emahlweni ka vona.

2 TIHOSI 18:30

Hezekiya a nga tshuki a mi khongotela ku tshemba Yehovha, a ku eka n'wina: “Yehovha u ta hi kutsula kunene, ni muti lowu wu nga ka wu nga nyiketiwi emavokweni ya hosi ya Asiriya.” ’

2 SAMIELE 20:1

Kutani ku humelela kona munhu wa Beliyali, vito ra yena a a ri Xeba n'wana Bikri, wa Benjamini; a yimba nanga, a ku: “A hi na ku averiwa na Davhida, a hi na ndzhaka na n'wana Yese! Va ka Israele, un'wana ni un'wana a a muke entsongeni wa yena!”

1 SAMIELE 2:12

Vana va Heli a va ri vana va Beliyali (lavo biha); a va nga tivi Yehovha.

Ezekiele 11:2

Yehovha a ku eka mina: “N'wana wa munhu, hi vona valavo lava anakanyaka leswo homboloka, ni lava letelaka leswo biha emutini lowo,

Mikiya 2:1

Va ni khombo lava anakanyaka ku homboloka, lava tsundzukaka swo biha emasangwini ya vona! Va swi endla eku humeni ka dyambu, hikuva swi le mavokweni ya vona.