Mikiya 7:8 - Xitsonga (Bibele)

⁸ U nga tshuki u tsakela khombo ra mina, wena u nga nala eka mina! Hikuva hambi ndzi wile, ndzi ta tlhela ndzi yima; ni loko ndzi tshamile emunyameni, Yehovha i ku vonakala ka mina.

BIBELE Mahungu Lamanene

⁸ N'wina valala va hina, mi nga tshuki mi tsaka leswi hi weke, hikuva hi ta tlhela hi pfuka; hi le xinyamini, kambe HOSI Xikwembu xi ta va xona ku vonakala ka hina.

Mikiya 7:8 Referans Kwoze

Yohane 8:12

Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

Esaya 9:2

Tiko leri nga famba emunyameni ri vona ku vonakala lokukulu. Lava akeke etikweni ra ndzhuti wa rifu va voningiwa hi ku vonakala.

Pisalema 112:4

Ku vonakala ku xela lava lulameke emunyameni, Ni lava nga ni tintswalo, ni nsovo, ni ku lulama.

Pisalema 27:1

Yehovha i ku vonakala ka mina, ni ku hlayiseka ka mina: Ndzi nga tshukisiwa hi mani? Yehovha i khokholo ra vutomi bya mina: Ndzi nga rhurhumela emahlweni ka mani xana?

Obadiya 1:12

Kambe wena u nga languti siku ra makwenu, siku ra khombo ra yena u nga tsakeli ku hela ka vana va Yuda hi siku ra ku hela ka vona; u nga ahlamisi nomu wa wena hi ku tikukumuxa hi siku ra ku xanisiwa.

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

Pisalema 38:16

Hikuva ndzi te: “Va nga tshuki va titsakela ha mina, Va nga tshuki va tikurisa ehenhla ka mina loko nenge wa nga wu rhetemuka.”

Nhlavutelo 22:5

Kutani vusiku a byi nga ha vi kona, a va nga ha pfumari ku vonakala ka rivoni, hambi ku ri ku vonakala ka dyambu, hikuva Hosi Xikwembu xi ta va voningela, kutani va ta fuma hi masiku ni masiku.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Ntirho 31:29

“Loko ndzi tsakele ku onhaka ka nala wa mina, Ndzi khanerile siku khombo ri n'wi weleke ehenhla;

Pisalema 97:11

Ku vonakala ku byaleriwe la lulameke, Ni ku tsaka ku nyikiwa va timbilu to lulama.

Ezekiele 35:15

Kukotisa loko u tsakele rifu ra yindlu ya Israele, hilaha ingi ri onhake hakona, ndzi ta ku endla sweswo; u ta va mananga wena ntshava ya Seyira, ni tiko ra Edomu hinkwaro; va ta tiva leswaku hi mina Yehovha.

Pisalema 35:19

Va nga tshuki va tsaka ha mina lava nga valala eka mina ntsena, Va nga tshuki va tshunyeta hi mahlo lava ndzi vengaka ntsena!

Yohane 16:20

Ndzi vurisile ndzi ri eka n'wina: Mi ta rila, mi va mi kolola, kutani yona misava yi ta tsaka; mi ta va ni ku vaviseka, Kambe ku vaviseka ka n'wina ku ta hundzuka ku tsaka.

Malakiya 4:2

“Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

Mikiya 7:10

Loyi a nga nala wa mina u ta swi vona, kutani u ta khomiwa hi tingana, loyi a nge eka mina: “Yehovha, Xikwembu xa wena, xi kwihi xana?” Mahlo ya mina ma ta khorwisiwa hi khombo ra yena; kutani u ta kandziyeriwa ku fana ni ndzhope wa tindlela!

Ezekiele 25:6

“Hikuva Hosi Yehovha u ri: Leswi u phakateke mandla ya wena ni ku raha hi nenge, kutani u tsakele xisolo xa tiko ra Israele hi moya wa wena hinkwawo;

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Amosi 9:11

“Hi siku rero, ndzi ta pfuxa ntsonga wa Davhida lowu weke, ndzi siva timfa ta khumbi ra wona, laha ri mbundzukeke ndzi ta ri lunghisa, ndzi ta wu aka wu fana ni le mikarhini ya khale;

Matewu 4:16

Tiko leri ngi ri tshame emunyameni, ri vonile ku vonakala lokukulu; volavo ingi va tshamile etikweni ra rifu ni le ndzhutini wa rona, ku vonakala ku va humelele.”

Yeremiya 50:11

“Mi nga tsaka kunene, mi va mi tsakisisa, n'wina vaonhi va ndzhaka ya mina, mi tlula kukotisa thokazi erilambyaneni, mi rila kukota tihanci leta matimba.

Esaya 49:9

ku byela vabohiwa: ‘Humani!’ ni lava nga emunyameni: ‘Humelelani!’ “Va ta dya etindleleni, va ta kuma swakudya emitsungeni hinkwayo;

Esaya 2:5

Yindlu ya Yakobo, tanani hi famba eku vonakaleni ka Yehovha!

Pisalema 37:24

Loko a khunguvanyeka, a nga ka a nga weri makumu, Hikuva Yehovha u n'wi khomile hi voko.

Pisalema 37:21

Lowo biha wa lomba, kambe a nga tlherisi; La lulameke u twela vanhu vusiwana, wa hanana.

Nhlavutelo 21:23

Kutani muti a wu na ku voningiwa hi dyambu ni n'weti, hikuva wu voningiwa hi ku kwetsima ka Xikwembu, na xona Xinyimpfana i rivoningo ra wona.

Esaya 50:10

I mani exikarhi ka n'wina la chavaka Yehovha, la yingisaka rito ra nandza wa yena xana? I mani la fambaka emunyameni, la pfumalaka ku vonakala, a a tshembe vito ra Yehovha, a a titiyise eka Xikwembu xa yena.

2 Vakorinto 4:9

ha xanisiwa, kambe a hi cukumetiwi; hi ni gome, kambe a hi lahleki;

Pisalema 20:8

Vona va oveka va wa ehansi, Kambe hina hi ta pfuka, hi yima hi tiya kona.

Yeremiya 8:4

“Kambe u va byela, u ku: Ku vula Yehovha: xana munhu a nga wa, a nga tlheri a pfuka xana? Xana munhu a nga hambuka, a nga tlheri xana?

Yeremiya 48:27

Xana a ku endlanga Israele xisandzu xa wena xana? A lo khomiwa hi vukhamba leswi u n'wi nikinelaka nhloko loko u vulavula ta yena xana?

Ezekiele 36:5

hikwalaho ka swona, ku vula Hosi Yehovha, a ku: Kunenenene endzilweni wa vukwele bya mina ndzi vulavula, ndzi wumeta lava seleke va matiko, na vona Vaedomu hinkwavo, lava tiaveleke tiko ra mina ku ri hlasela va heta, va ri ni timbilu leti tsakeke, ni ku tsan'wa emimoyeni ya vona.

Mikiya 4:10

Khuna, u twa ku vaviseka, n'wana Siyoni, kukotisa muveleki; hikuva u ta huma emutini, u ta tshama enhoveni, u ya fika ni le Babilona. Hi kona u nga ta tshunxiwa, Yehovha u ta ku kutsula emavokweni ya valala va wena.

Zakariya 12:8

“Hi siku rolero Yehovha u ta sirhela vaaki va Yerusalema; loko a ri loyi a nga riki na matimba exikarhi ka vona, esikwini rolero, u ta kotisa Davhida; yindlu ya Davhida vi va kukota Xikwembu, kukota ntsumi ya Yehovha emahlweni ka vona.

Pisalema 143:3

Nala u xanisa moya wa mina, U kandziyile vutomi bya mina ehansi; U ndzi susumetele emunyameni kukotisa lava feke khale.