Mikiya 7:6 - Xitsonga (Bibele)

⁶ Hikuva n'wana u xandzuka tata wa yena, ni n'wana wa xisati u pfukela mana wa yena, ni n'wingi u pfukela n'wingikulobye. Va yindlu ya munhu, hi vona va nga valala eka yena.

BIBELE Mahungu Lamanene

⁶ N'wana wa xinuna ú rhuketela tata wa yena, n'wana wa xisati ú lwa na mana wa yena, hlomisa ri lwa na n'wingi wa rona, valala va munhu i va ka vona.

Mikiya 7:6 Referans Kwoze

Luka 12:53

Tata wa munhu u ta avana ni n'wana wa yena, ni n'wana u ta avana na tata wa yena; mana wa munhu u ta avana ni n'wana wa yena, ni n'wana u ta avana na mana wa yena. N'wingi wa munhu u ta avana ni n'wingi wa yena kutani yena n'wingi a avana ni n'wingi wa yena.”

Matewu 10:21

“Makwavo u ta nyiketa makwavo eku dlaweni, na tatana n'wana wa yena, vana va ta hundzukela vatswari va vona hi matimba, va va dlaya.

Pisalema 41:9

Na yena nakulorhi loyi ndzi n'wi tshembeke, Loyi a nga dya vuswa bya mina, u ndzi tlakusele xirhendze.

Ezekiele 22:7

Va rhukana vatata wa vona ni vamana wa vona eka wena; wamatiko wa xanisiwa exikarhi ka wena, eka wena, la feleke hi tata wa yena, ni wansati wa noni va kandziyeriwa.

Yohane 13:18

A ndzi vuri n'wina hinkwenu, ndzi tiva lava ndzi va hlawuleke; kambe hileswaku Tsalwa ri ta endleka leri nge: ‘La dyaka vuswa na mina, u ndzi khadlanyile hi xirhendze.’

Swivuriso 30:11

Ri kona rixaka rin'we leri rhukanaka tata wa rona, Ri nga khensi mana wa rona.

Luka 21:16

Mi ta nyiketiwa hi vatswari va n'wina, ni vamakwenu, ni vanakuloni, ni varikwenu; kambe va ta dlaya van'wana va n'wina.

Matewu 26:23

A hlamula, a ku: “La ngheniseke voko na mina enkambaneni, hi yena la nga ta ndzi xenga.

Obadiya 1:7

Vavanuna volavo hinkwavo u endleke xinakulobye na vona, va ku tlherisele endzilakaneni wa wena; vavanuna lava ingi va ri ni ku rhula na wena va ku xisile va ku hlurile. Lava ingi va dya vuswa bya wena, va ku celele marindzi. A ku na ku twisisa eka wena!

Yeremiya 20:10

Hikuva ndzi twile ku hleva ka lavo tala; ku chavisa ku ndzi rhendzele hi matlhelo hinkwawo: “N'wi hleveni, hi ta n'wi hehla.” Hinkwavo lava ngi ndzi twanana na vona, lava langutelaka ku khunguvanyeka ka mina, va ri: “Ingi a nga kanganyisiwa, kutani hi n'wi hlula leswaku hi tirihisela eka yena!”

Yeremiya 12:6

Hikuva loko va ri varikwenu ni va yindlu ya tata wa wena, va ku xisa, kutani, na vona, va ku dzumadzumela hi rito lerikulu; ni loko va ku byela marito ya ku nandziha, u nga tshuki u va pfumela.

Swivuriso 30:17

Tihlo ra munhu leri solaka tatana, Leri sandzaka ku yingisa manana, Mawukuwuku ya le nambyeni ma ta ri boxa, Mavondlo ya gama ma ta ri dya.

2 SAMIELE 16:11

Kutani Davhida a ku eka Abixayi ni ka malandza ya yena hinkwawo: “Maswivo, n'wananga la humeke exisutini xa mina, u lava vutomi bya mina; ngopfungopfu loyi wa Benjamini u ta byi lavisisa! N'wi tshikeni a rhuketela, hikuva Yehovha u n'wi byerise sweswo.

Genesa 49:4

Wa khindlimuteka ku kotisa mati! U nga ka u nga vi wo rhanga, Hikuva u khandziyile evulawini bya tata waku; U nyamisile sangu ra mina siku neneni u khandziyeleke exilawini xa mina.

Esaya 9:19

Hi vukari bya Yehovha wa tinyimpi, misava ya hisiwa; tiko ri tshwa hi ndzilo, a ku na munhu la tsetselelaka makwavo.

Yeremiya 9:4

“Un'wana ni un'wana a a tilangute hikwalaho ka nakulobye, kutani mi nga tshuki mi tshemba warikwenu, hikuva munhu un'wana ni un'wana u tele ku kanganyisa, kutani munhu un'wana ni un'wana u lumbeta warikwavo.

Esaya 3:5

Kutani vanhu va ta welana ehenhla, un'wana ni un'wana u ta dya warikwavo; jaha ri ta pfukela matimba munhu la dyuhaleke ni la solekaka a pfukela la dzunisiwaka.