Mikiya 7:18 - Xitsonga (Bibele)

¹⁸ Hi xihi Xikwembu lexi fanaka na wena, lexi susaka ku homboloka, lexi khomelaka ku dyoha ka xisalela xa ndzhaka ya xona? A xi nga hlayisi ku kariha ka xona hi masiku, hikuva xi tsakela ku tsetselela.

BIBELE Mahungu Lamanene

¹⁸ We HOSI, xana xi kona xikwembu xin'wana lexi fanaka na wena xana? Vanhu lava nga masalela ya ndzhaka ya wena, wa va rivalela milandzu ya vona, a wu hlayeli leswaku va tiarise kangani. Loko u hlundzukile, vukari bya wena byi hatla byi rhelela, hikuva u tsakela ngopfu ku hi komba tintswalo ta wena leto tshembeka.

Mikiya 7:18 Referans Kwoze

Esaya 43:25

“Hi mina, hi mina ntsena loyi a hlangulaka ku dyoha ka wena hikwalaho ka mina, kutani ndzi nga ka ndzi nga ha anakanyi swidyoho swa wena.

Esaya 44:22

Ndzi hlangurile milandzu ya wena tanihi papa, ni swidyoho swa wena tanihi hunguva; vuyela eka mina, hikuva ndzi ku kutsurile!”

Yeremiya 50:20

Emikarhini yoleyo, ni le nguveni yeleyo, ku vula Yehovha, ku ta laviwa ku homboloka ka Israele, kambe a ku nga ha vi kona, ni swidyoho swa Yuda kutani a swi nga ha kumiwi, hikuva ndzi ta khomela lava ndzi va siyeke.

Yeremiya 32:41

Ndzi ta titsakela ku va endla swinene, ndzi va simeka etikweni leri hi kunene, hi mbilu ya mina hinkwayo, ni moya wa mina hinkwawo.

Yeremiya 3:12

Yana, u ya vulavula marito lawa tlhelo ra n'walungu, u ku: ‘Tlhela, Israele muhundzuki, ku vula Yehovha, ndzi nga ka ndzi nga ku khwanyaleri mombo, hikuva mina ndzi ni musa, ku vula Yehovha, ndzi nga ka ndzi nga dyisi mbitsi hi masiku.

Eksoda 15:11

“I mani la fanaka na wena, Yehovha, exikarhi ka swikwembu! I mani la kwetsimaka, la tengeke kukotisa wena, La fanelaka ku dzunisiwa hi tinsimu, U endle masingita!

Pisalema 89:8

Oho Yehovha, Xikwembu xa tinyimpi, i mani la fanaka, na wena hi matimba? Ku tshembeka ka wena ku ku rhendzela hi matlhelo hinkwawo.

Pisalema 86:15

Kambe wena, Yehovha, u Xikwembu lexi twelaka vusiwana, lexa tintswalo, La hlwelaka ku kariha, la teleke tintswalo ni vunene.

Pisalema 65:3

Ku tika ka swidyoho ku ndzi hlurile, Kambe wena u ta hi rivalela ku dyoha ka hina.

Pisalema 89:6

Hikuva i mani, le tilweni, la nga tiringanisaka na Yehovha? Exikarhi ka vana va Xikwembu, i mani la fanaka na Yehovha?

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Mikiya 4:7

Lexi khwitaka, ndzi ta xi endla xisalela, ni lexi tshikiweke ndzi xi endla tiko lera matimba, kutani Yehovha u ta va fuma entshaveni ya Siyoni hilaha ku nga heriki.

Mikiya 2:12

Ndzi ta ku hlengeleta ni lava seleke Vaisraele; ndzi va veka kun'we kukotisa tinyimpfu etshangeni, ni ntlhambi lowu nga emadyelweni wu va mpfumawulo wa vanhu lavo tala.

Ezekiele 33:11

U nge eka vona: Ndza hanya, ku vula Hosi Yehovha, a ndzi tsakeri rifu ra mudyohi, kambe hileswaku a hundzuka endleleni ya yena kutani a hanya; hundzukani, mi hundzuka etindleleni ta n'wina leto biha, hikuva mi rhandza ku fa hikwalaho ka yini, n'wina yindlu ya Israele?

1 TIHOSI 8:23

“O Yehovha, Xikwembu xa Israele! A ku na Xikwembu lexi fanaka na wena, hambi ku ri ehenhla etilweni hambi ku ri la hansi emisaveni; u hlayisa ntwanano ni tintswalo eka malandza ya wena lama fambaka emahlweni ka wena hi timbilu Hinkwato ta vona!

Duteronoma 33:26

“Oho Yexuruni! A nga kona la fanaka ni Xikwembu. Lexi ku tiyisaka xi ri etilweni: Evukulwini bya xona, xi tlakusiwe emapapeni.

Yakobo 2:13

Hikuva ku avanyisa ku nga ka ku nga vi na tintswalo eka loyi a nga endlangiki hi tintswalo; kambe tintswalo ti tidzunisa henhla ka ku avanyisa.

Sofoniya 3:17

Yehovha, Xikwembu xa wena, u le xikarhi ka wena; i nhenha leyi ponisaka; u ta ku tsakela hi ku tsaka lokukulu, a va a miyela hikwalaho ka rirhandzu ra yena, u ta ku tsakela hi ku yimbelela.

Mikiya 7:14

Risa hi nhonga tiko ra wena, ti nga tinyimpfu ta ndzhaka ya wena, leti tshameke ti ri toxe exihlahleni lexi nga exikarhi ka Karmele; a ti humele eBaxani ni le Giliyadi, kukotisa masiku ya khale.

Yonasi 4:2

Kutani a khongela Yehovha, a ku: “Yehovha, xana a hi leswi ndzi swi vuleke loko ndza ha ri etikweni ra rikwerhu xana? Hilaha ndzi hatliseke ku balekela eTarxixi, hikuva a ndzi tiva leswaku u Xikwembu xa nsovo, xa tintswalo, lexi hlwelaka ku kariha, lexi nga ni musa ngopfu, lexi tshikaka ku ba.

Yuwele 2:32

“Kutani un'wana ni un'wana la khongelaka vito ra Yehovha u ta pona; hikuva entshaveni ya Siyoni, ni le Yerusalema, ku pona ku ta va kona, hilaha Yehovha a vuleke hakona, exikarhi ka lava nga ta sala van'wana hi lava nga ta vitiwa hi Yehovha.

Esaya 57:16

A ndzi rhandzi ku tengisa hi masiku, ni ku hlayisa vukari lebyi nga heriki, mimoya leyi ndzi yi endleke yi nga ti tshuka yi heleriwa hi matimba.

Pisalema 86:5

Hikuva wena, Yehovha, u lonene, la rivalelaka; Tintswalo ta wena ti tala eka lava ku khongelaka.

Daniele 9:9

Kambe eka Hosi, Xikwembu xa hina, ku ni tintswalo ni ku rivalela, hikuva hi tikurisele yena.

Yeremiya 3:5

Xana u ta va ni mbitsi hilaha ku nga heriki? Xana u ta hlunama hilaha ku nga heriki-ke?’ Languta, u vule sweswo, kasi u tirha leswo biha u ri karhi u swi hetisa.”

Esaya 65:19

Kutani ndzi ta titsakela ha Yerusalema, ndzi ta tsaka hikwalaho ka tiko ra mina; kutani ku nga ka ku nga ha twakali rito ra swirilo, hambi ku ri ku huwelela ka ku chava.

Esaya 55:7

Lowo biha a a tshike ndlela ya yena, ni wa lunya miehleketo ya yena; a a tlhelele eka Yehovha, la nga ta n'wi twela vusiwana; ni ka Xikwembu xa hina, lexi rivalelaka, ku nga ri hi mpimo.

Esaya 1:18

“Tanani, hi tenga timhaka!” ku vula Yehovha. “Loko swidyoho swa n'wina swi tshwukile, swi kotisa xivunguvungu, xana swi nga basa tanihi gamboko? Loko swi tshwukile tanihi crimson, xana swi nga fana ni voya bya tinyimpfu?

Pisalema 130:4

Hikuva ku rivalela ku le ka wena, Leswaku u chaviwa.

Pisalema 71:19

Ku lulama ka wena Xikwembu, ku tlakukile ngopfu, U endle leswikulu, oho Xikwembu! I mani la fanaka na wena!

Nehemiya 9:17

va ala ku twa, a va anakanyangi swihlamariso swa wena leswi u va endleleke swona, kambe va nonon'hwisa tinhamu ta vona, va tiarisa, va tivekela tihosi va ta tlhelela eku bohiweni ka vona. Kambe wena u Xikwembu lexi teleke ku rivalela ni tintswalo ni vunene, u hlwela ku kariha, u tele ku tsetselela, a ku va fularhelanga.

Eksoda 34:9

“Hosi, loko kunene ndzi vonile tintswalo ta wena, Hosi a yi fambe na hina, hikuva kunene i tiko ra tinhamu leto nonon'hwa, kambe u hi khomela ku dyoha ka hina, ni ku homboloka ka hina, kutani u hi fuwa, hi va ndzhaka ya wena.”

Varhoma 11:4

Kambe Xikwembu xi n'wi hlamurise ku yini xana? Xi te: “Ndzi tihlayisele vavanuna va ntlhanu wa makume na makume mambirhi ya madzana, lava nga khinsamangiki emahlweni ka Baali.”

Luka 15:32

kambe a hi fanele ku tsaka ni ku tlangela, hikuva makwenu loyi a a file, kambe u hanyile; a a lahlekile, kambe u kumiwile.’ ”

Mikiya 5:3

Hikwalaho u ta va nyiketa valala, ku ko ku fika nkarhi lowu muveleki a nga ta veleka ha wona, vamakwavo lava seleke va ta tlhela hinkwavo eka vana va Israele.

Amosi 8:2

A ku eka mina: “U vona yini Amosi?” Ndzi ku: “Ndzi vona xirhundzu lexi teleke mihandzu leyi vupfeke.” Kutani Yehovha a ku eka mina: “Ku hela ka tiko ra mina ra Israele ku fikile, a ndzi nga ha tshami ndzi va rivalela.

Amosi 7:8

Hosi yi ku eka mina: “U vona yini Amosi?” Ndzi ku: “Ndzi vona ngoti ya ku ringanyeta.” Kutani Hosi yi ku: “Vona, ndzi ta veka ngoti ya ku ringanyeta exikarhi ka tiko ra mina ra Israele; a ndzi nga ha tshami ndzi va rivalela.

Yeremiya 31:34

A va nga ha dyondzisi un'wana ni un'wana nakulobye; a ku na munhu la nga ta dyondzisa warikwavo, a ku: ‘Tiva Yehovha!’ Hikuva va ta ndzi tiva hinkwavo, ku sungula hi lontsongo eka vona, ku yisa eka lonkulu, ku vula Yehovha; hikuva ndzi ta va tshikela ku homboloka ka vona, a ndzi nga ha anakanyi xidyoho xa vona.”

Esaya 57:10

A wu karhele hi ku famba ngopfu, hambiswiritano, a u nga vuri: A swi pfuni nchumu! Wa ha kumile matimba evokweni ra wena: Hikwalaho u nga heli mbilu.

Esaya 40:25

“Mi ta ndzi fanisa na mani leswaku ndzi fana na yena xana?” ku vula la hlawulekeke.

Esaya 40:18

Mi ta fanisa Xikwembu na mani? Mi ta endla xifaniso xihi xa yena?

Pisalema 103:13

Hi laha tatana a nga ni tintswalo eka vana va yena, Hi sweswo Yehovha u ni tintswalo eka lava n'wi chavaka.

Pisalema 35:10

Marhambu hinkwawo ya mina ma ta ku: “Yehovha, i mani la fanaka na wena, La ponisaka xisiwana eka la n'wi tlulaka hi matimba, La nga ekhombyeni ni swisiwana, eka vawutleri va vona.”

Tinhlayo 23:21

A nga voni nandzu eka Yakobo, A nga voni ku homboloka ka Israele. Yehovha, Xikwembu xa yena, u na yena, I hosi ya yena loyi va n'wi bumabumelaka.

Yeremiya 38:8

Kutani Ebede-Meleke a huma endlwini ya hosi, a ya vulavula ni hosi, a ku:

Esaya 62:5

Hilaha jaha ri tekaka wanhwana, hi sweswo vana va wena va ta hlangana na wena; hilaha muvutiwa a tsakisaka muteki, hi sweswo na wena u ta tsakisa Xikwembu xa wena.

Genesa 4:7

Loko u endla swinene, xana a u nga ti khensiwa xana? Kambe loko u nga endli swinene, vudyoho byi tshamile enyangweni; ku navela ka byona ku ta ku wonga; kambe wena, u fanele ku byi hlula.”

2 TIKRONIKA 6:21

U ta yingisa ni mikhongelo ya nandza wa wena ni ya tiko ra wena ra Israele loko va khongela endhawini leyi; kutani wena u ta yingisa u ri etilweni endhawini ya vuako bya wena: u ta yingisa ni ku rivalela!

2 TIKRONIKA 30:9

Hikuva loko mi tlhela eka Yehovha, vamakwenu ni vana va n'wina va ta kuma tintswalo eka lava va va yiseke evukhumbini, kutani va ta vuya etikweni leri; hikuva Yehovha, Xikwembu xa n'wina, u tele tintswalo ni vunene, a nga ka a nga mi fularheli loko mi vuya ka yena.”

Esaya 33:24

Kutani a ku nga vi na munhu la akeke eYerusalema la nga ta ku: “Ndza vabya!” Tiko leri akeke kona ri rivaleriwile swidyoho swa rona.

Esaya 64:9

U nga tshuki u hlundzuka ku tlurisa, o Yehovha, u nga tshuki u tsundzuka hi masiku ku dyoha. Vona, pfumela ku languta, hikuva hinkwerhu hi tiko ra wena!

Yeremiya 9:24

kambe la tidzunisaka a a tidzunisele emhakeni leyi: hileswaku u ni ku twisisa ni vutlhari bya ku ndzi tiva, hikuva hi mina Yehovha ndzi endlaka hi musa, ni mfanelo, ni lexi lulameke emisaveni; hikuva ndzi tsakisiwa hi swona,” ku vula Yehovha.

Yeremiya 31:20

“Xana Efrayimi i n'wana la rhandziwaka eka mina xana, kumbe n'wana loyi ndzi n'wi tsakelaka xana? Hikuva hi masiku loko ndzi n'wi vula, ndzi anakanya yena hi ku tlurisa; hikwalaho marhumbu ya mina ma pfumaka hikwalaho ka yena; kunene ndzi ta n'wi tsetselela, ku vula Yehovha.

Yeremiya 33:8

Ndzi ta va basisa eku hombolokeni hinkwako ka vona loku va ndzi dyoheleke hakona, ndzi va tshikela swidyoho hinkwaswo leswi va ndzi dyoheleke ha swona, leswi va nga ndzi pfukela ha swona.

Ezekiele 18:23

Xana ndzi ta tsakela rifu ra lowo biha-ke, ku vula Hosi Yehovha? Leswi ndzi swi tsakelaka hi leswaku munhu a hundzuka, a tshika mikhuva ya yena, a hanya.

Hosiya 14:2

Tekani marito, kutani mi tlhelela eka Yehovha mi ku eka yena: “Susa swidyoho hinkwaswo, u hi amukela swinene, kutani hi ta ku tlangela hi magandzelo ya tindzimi ta hina.

Amosi 1:11

Yehovha u ri: “Hikwalaho ka milandzu minharhu, kumbe ya mune ya Edomu — ndzi nga ka ndzi nga hundzuki, hikuva u hlongorile makwavo hi tlhari, a cukumeta tintswalo hinkwato, vukari bya yena byi nga tshiki ku handzula, kambe a hlayisa vukari bya yena hi masiku,

Vaavanyisi 10:16

Kwalaho, va tshika swikwembu swa matiko leswi ngi swi ri exikarhi ka vona, va tirhela Yehovha; Yehovha a tsetselela Vaisraele hikwalaho ka khombo ra vona.

Pisalema 65:4

Ku katekile loyi u n'wi hlawulaka, loyi u n'wi tshinetaka eka wena! U ta tiakela etihubyeni ta wena. Hi ta xurha hi rifuwo ra yindlu ya wena, Ni ku kwetsima ka tempele ya wena.

Esaya 38:17

Waswivo, mahlomulo yanga ma tirhile ku hlayiseka ka mina; hi rirhandzu ra wena u humesile moya wa mina esirheni ra swahava; hikuva u cukumetile swidyoho swa mina hinkwaswo endzhaku ka wena.

Ezekiele 33:16

A ku nga ha tsundzukiwi xidyoho xa yena, ni xin'we, xa leswi a swi endleke, u endle hi nawu ni ku lulama; hakunene u ta hanya.

Hosiya 14:5

Ndzi ta fana ni mberha eka Israele; u ta baleka ku fana ni khon'wa, a mila timitsu kukotisa Lebanoni.