Mikiya 7:14 - Xitsonga (Bibele)

¹⁴ Risa hi nhonga tiko ra wena, ti nga tinyimpfu ta ndzhaka ya wena, leti tshameke ti ri toxe exihlahleni lexi nga exikarhi ka Karmele; a ti humele eBaxani ni le Giliyadi, kukotisa masiku ya khale.

BIBELE Mahungu Lamanene

¹⁴ We HOSI, hi vanhu va wena, hi rise, u hi sirhelela hi nhonga ya wena. Hi tshama hi ri hexe exihlahleni, hi rhendzeriwile hi mitanga ya van'wana; hi yise emadyelweni ya Baxani na Giliyadi, ku fana ni le minkarhini ya khale.

Mikiya 7:14 Referans Kwoze

Mikiya 5:4

U ta yima, a risa hi matimba ya Yehovha, ni ku kwetsima ka vito ra Yehovha, Xikwembu xa yena; va ta aka hi ku rhula, hikuva u ta va nkulukumba ku yisa emakun'wini ya misava.

Esaya 49:10

va nga ka va nga vi na ndlala ni torha; mumu ni dyambu swi nga ka swi nga va hisi, hikuva loyi a va twelaka vusiwana u ta va fambisa, a va yisa ematini lama khulukaka.

Amosi 9:11

“Hi siku rero, ndzi ta pfuxa ntsonga wa Davhida lowu weke, ndzi siva timfa ta khumbi ra wona, laha ri mbundzukeke ndzi ta ri lunghisa, ndzi ta wu aka wu fana ni le mikarhini ya khale;

Esaya 40:11

Tanihi murisi, u ta risa ntlhambi wa yena; u ta rhola swinyimpfana hi mavoko u ta swi vukarha erhumbyini ra yena, u ta fambisa khwatsi leti an'wisaka.

Esaya 37:24

Hi tintsumi ta wena, u monyile Hosi u ku: Hi vunyingi bya tigolonyi ta mina, ndzi khandziyile enhlohlorhini ya tintshava ndzi fikile laha ku tlakukeke ka Lebanoni; ndzi ta tsema mirhi ya kedari leyikulu, ni mirhi leyo saseka ya kipresi. Ndzi ta fika enhlohlorhini ya yena ya ku hetelela exihlahleni xa yena lexo saseka ngopfu!

Pisalema 100:3

Mi pfumela leswaku yena Yehovha i Xikwembu! Hi yena la nga hi endla, a hi hina; Hi tiko ra yena, ni ntlhambi lowu a wu rixaka.

Pisalema 95:7

Hikuva hi yena Xikwembu xa hina. Kutani hina hi tiko leri risiwaka hi yena. Ntlhambi lowu fambisiwaka hi voko ra yena. Namuntlha loko mi yingisa rito ra yena,

Pisalema 28:9

Ponisa tiko ra wena, u va u katekisa ndzhaka ya wena! U va risa, u va veleka hi laha ku nga heriki!

Yohane 17:16

A hi va misava, kukotisa mina ndzi nga riki wa misava.

Matewu 2:6

‘Na wena Betlehema, tiko ra Yuda, a ku ntsongo exikarhi ka tihosi ta Yuda, hikuva ku ta huma eka wena mufambisi la nga ta risa tiko ra mina ra Israele.’ ”

Malakiya 3:4

Nhlengo wa Yuda ni wa Yerusalema, wu ta tsakisa Yehovha kukotisa eminkarhini ya khale, ni kukotisa emalembeni ya khalekhale.

Sofoniya 3:13

Nsalo wa Israele wu nga ka wu nga endli leswo biha, wu nga ka wu nga vulavuri mavunwa ririmi ra ku kanganyisa ri nga ka ri nga kumiwi emilon'wini ya vona va ta dya va etlela ehansi, ku nga ri na loyi a va chavisaka.”

Swirilo 5:21

U hi hundzuluxela eka wena Yehovha, hi ta tlhela hi vuya; Endla leswaku masiku ya hina ma va lamantshwa, tanihi le ku sunguleni.

Esaya 65:10

Rivala ra Xaroni ma ta va madyelo ya tinyimpfu, ni nkova wa Akora ma ta va madyelo ya tihomu, eka tiko ra mina leri ndzi lavaka.

Esaya 35:2

Ma ta rhumbuka hi ku tlurisa, ma tsakisisa, ma tsaka kunene, ma yimbelela tinsimu to tsaka, ma ta nyikiwa ku vonakala ka Lebanoni, ni ku nona ka Karmele ni ka Xaroni; kutani va ta vona ku kwetsima ka Yehovha, ni vukulu bya Xikwembu xa hina.

Pisalema 143:5

Ndzi ehleketa mikarhi ya khale, Ndzi anakanya hinkwaswo leswi u swi endleke, Ndzi tsundzuka hinkwaswo leswi mavoko ya wena ma swi endleke.

Duteronoma 33:28

Israele u akile hi ku rhula, Xihlovo xa Yakobo xi pfelela Etikweni ra koro ni ra vhinyo; Kunene tilo ra yena ri tshona mberha.

Tinhlayo 23:9

Ndzi ta karihela yini, loko Yehovha a nga karihanga? Ndzi n'wi vona ndzi ri enhlohlorhini ya ribye, Ndzi n'wi languta ndzi ri etintshaveni. Vonani, i tiko leri tshamaka hitlhelo, Leri nga hlayiwiki ni matiko.

Eksoda 33:16

Swi ta tiviwa ha yini leswaku ndzi vonile tintswalo ta wena, mina ni tiko ra wena? Xana a hi loko u famba na hina? Hi sweswo hi nga ta hlawuriwa, mina ni tiko ra wena eka matiko hinkwawo lama nga emisaveni.”

Swirilo 1:7

Emasikwini ya mahlomulo ni ya ku onhaka ka yena, Yerusalema, u tsundzuka swilo swa yena hinkwaswo leswi rhandzekaka, leswi ngi a ri na swona emikarhini yo rhanga. U swi tsundzuka sweswi loko tiko ra yena ri wele emavokweni ya valala, Ku nga ri na loyi a n'wi pfunaka; Valala va n'wi vona, kutani va hlekela ku onhaka ka yena.

Levhitika 27:32

Loko swi ri swa vukhume swa swifuwo leswikulu ni leswitsongo swa hinkwaswo leswi risiwaka, xifuwo xin'wana ni xin'wana xa vukhume xi ta hlawuleriwa Yehovha.

Risimu ra Tinsimu 4:1

Vona, u sasekile, murhandziwa wa mina; u sasekile swonghasi! Mahlo ya wena i matuva ehansi ka xisirhelo xa wena; Misisi ya wena yi fana ni ntlhambi wa timbuti, Lowu vonakaka entshaveni ya Giliyadi.

Yeremiya 49:31

“Sukani, mi tlhandlukela eka tiko leri rhuleke, laha va akeke hi ku tshemba, ku vula Yehovha. A ku na tinyangwa, hambi tinghole eka vona, va ake swavo.

Ezekiele 36:11

Ndzi ta andzisa ehenhla ka n'wina vanhu ni swifuwo; va ta andza ni ku tala, ndzi rhandza leswaku mi va ni vaaki ku fana ni khale, ndzi ta mi endla leswinene ku tlula eku sunguleni, hilaha mi nga ta tiva leswaku hi mina Yehovha.

Tinhlayo 32:1

Vana va Rhuveni ni vana va Gadi a va ri ni mitlhambi leyo tala ngopfungopfu; kutani va vona tiko ra Yazere, ni tiko ra Giliyadi leswaku i tiko leri sasekelaka swifuwo.

Tinhlayo 32:4

tiko leri Yehovha a ri hlaseleke emahlweni ka nhlengeletano ya Israele, i tiko leri sasekelaka swifuwo, kutani hina, malandza ya wena hi ni mitlhambi.”

Esaya 27:13

Emikarhini yoleyo, nanga leyikulu yi ta yimbiwa, kutani lava hlongoleriweke etikweni ra Asiriya ni lava balekeleke etikweni ra Egipta va ta ta, va khinsama emahlweni ka Yehovha, entshaveni leyi kwetsimaka, eYerusalema.

Obadiya 1:19

Va tlhelo ra dzonga va ta fuma ntshava ya Esawu, va le rivaleni va fuma tiko ra Vafilista; va ta fuma ni tiko ra Efrayimi ni tiko ra Samariya Benjamini, yena, a fuma Giliyadi.

Zakariya 10:10

Ndzi ta va tlherisa etikweni ra Egipta, ni le Asiriya, ndzi va hlengeleta, ndzi va tisa etikweni ra Giliyadi ni le Lebanoni, xivandla xi ko xi nga va ringani.

Zakariya 11:7

Kavaloko ndzi risa tinyimpfu leti dlayiwaka, ti ri leti tsaneke ta ntlhambi; ndzi titekela mikhavi mimbirhi, wun'wana ndzi wu thya Tintswalo, wun'wana ndzi wu thya Vamba; ndzi risa ntlhambi kutani.