Mikiya 6:7 - Xitsonga (Bibele)

⁷ Xana Yehovha u ta tsakisiwa hi makhuna ya makume ya madzana, ni madzana ya madzana ya milambu ya mafurha? Xana ndzi ta humesa n'wana wa mina wa mativula ematshan'weni ya ku homboloka ka mina ni loyi a humeke ekhwirini ra mina hikwalaho ka xidyoho xa moya wa mina?

BIBELE Mahungu Lamanene

⁷ Xana HOSI Xikwembu xi nga tsakela ku tlhaveriwa makhuna ya madzana-dzana, kumbe ku humeseriwa mafurha lama nga tataka ni milambu ya ntsandza-vahlayi xana? Xana hi nga humesa magandzelo hi vana va hina va mativula, leswaku HOSI Xikwembu xi hi rivalela ku tiarisa ka hina ni swidyoho swa hina, xana?”

Mikiya 6:7 Referans Kwoze

2 TIHOSI 16:3

kambe a famba endleleni ya tihosi ta Israele, a hisa n'wana wa yena endzilweni, a landzisa sweswo manyala ya matiko lawa Yehovha a ma hlongoleke emahlweni ka vana va Israele.

Pisalema 51:16

Hikuva a ku tsakeli magandzelo, ingi ndzi ku humesele wona; Kambe a ku tsakeri tiholokosta.

1 SAMIELE 15:22

Samiele a ku: “Xana Yehovha u tsakisiwa hi tiholokosta ni magandzelo ku fana ni loko va yingisa rito ra Yehovha xana? Waswivo! Ku yingisa ku tlula magandzelo; ku hlayisa rito ra yena, ku tlula mafurha ya tinyimpfu.

Hosiya 6:6

Hikuva ndzi rhandza tintswalo, ku nga ri magandzelo, ni ku tiviwa ka Xikwembu ku tlurisa tiholokosta.

Yeremiya 7:31

Kambe va akile exivandleni lexi tlakukeke xa Tofete, enkoveni wa n'wana Hinomu, va hisa hi ndzilo vana va vona va xinuna ni vi xisati, swi nga leswi ndzi nga ka ndzi nga va lerisanga swona, kambe a swi humanga embilwini ya mina.

Pisalema 50:9

Ndzi nga ka ndzi nga teki nkunzi endlwini ya wena, Hambi swi ri swiphongo ematshangeni ya wena;

2 TIHOSI 23:10

Hosi yi nyamisa Tofete lowu nga enkoveni wa vana va Hinomu, leswaku ku nga tshuki ku va na munhu la hiselaka Moloko n'wana wa yena wa xinuna kumbe wa xisati endzilweni.

2 TIHOSI 21:6

A hisa n'wana wa yena endzilweni, a namarhela vungoma ni vuloyi, kutani a veka vangoma ni vabvumbi, a ri karhi a endla leswo biha hi ku tlurisa emahlweni ka Yehovha ku n'wi pfuka.

2 TIHOSI 3:27

Kavaloko yi teka n'wana wa yona wa mativula, loyi a faneleke ku fuma ematshan'weni ya yona, yi n'wi humesa yi endla gandzelo leri hisiwaka ha yena erirhangwini. Kutani ku holova lokukulu ku va kona exikarhi ka Vaisraele, va tshika hosi ya Mowabu, va suka va tlhelela etikweni ra vona.

Esaya 40:16

Xihlahla xa Lebanoni xi nga ka xi nga ringani ndzilo wa magandzelo, ni swifuwo swa kona swi nga ka swi nga ringani timhamba ta magandzelo.

Levhitika 18:21

“ ‘U nga tshuki u nyiketa vana va wena leswaku ku phahliwa timhamba ta Moloko ha vona. U nga tshuki u sorisa vito ra Xikwembu xa wena. Hi mina Yehovha.

Filemoni 1:12

N'wi amukele, hikuva i ngati ya mina.

Amosi 5:22

Hambi mi ndzi humesela leswi hisiwaka ni tinyiko ta n'wina, a ndzi swi tsakeri, ni loko ma ri magandzelo ya leswi noneke swa n'wina, a ndzi ma languti.

Ezekiele 23:37

Hikuva va oswanile, ngati yi le mavokweni ya vona, va oswane ni swifaniso swa vona, na kambe vana va vona lava va va velekeke eka mina, va va hundzisele endzilweni ku va hisa.

Yeremiya 19:5

kutani va akele Baali swivandla leswi tlakukeke ku hisa kona vana va vona endzilweni yi va holokosta ya Baali, swi nga leswi ndzi nga va lerisangiki, ndzi nga va byelangiki swona, leswi swi nga ka swi nga humi embilwini ya mina.

Ntirho 29:6

Loko mikondzo ya mina yi hlantsweka entswambeni, Ni loko ribye ri ndzi humesela swinambyana swa mafurha!

Vaavanyisi 11:39

Kuteloko tin'hweti timbirhi ti herile, a tlhelela eka tata wa yena, kutani a n'wi endla hi ku hlambanya ka yena, a nga tivanga wanuna.

Vaavanyisi 11:31

la nga ta huma etinyangweni ta yindlu ya mina ku ta ndzi hlanganisa siku ndzi tlhelaka hi ku rhula, loko ndzi hlurile vana va Amoni, u ta va wa Yehovha, ndzi ta n'wi endla holokosta (gandzelo leri hisiwaka).”

Levhitika 20:1

Yehovha a byela Muxe, a ku:

Swivuriso 15:8

Magandzelo ya lavo biha i manyala eka Yehovha, Kambe u tsakisiwa hi xikhongelo xa vanhu vo lulama.

Swivuriso 21:3

Ku endla leswinene ni leswo lulama, Swi tsakisa Yehovha ku tlula magandzelo.

Esaya 1:1

Vuprofeta bya Esaya, n'wana Amotsi, ehenhla ka Yuda na Yerusalema, emikarhini ya Uziya, na Yotamu na Akazi, na Hezekiya, tihosi ta Yuda.

Hosiya 5:6

Va ta lava Yehovha hi tinyimpfu ta vona, ni tihomu ta vona, kambe va nga ka va nga n'wi kumi: U va fularhelile.

Pisalema 51:18

Katekisa Siyoni hi nsovo wa wena, Akisa rirhangu ra Yerusalema!

Yeremiya 6:20

Mirhi ya risuna leyi humaka eXeba yi nga va yini ka mina ni rihlanga leri nun'hwelaka ra matiko ya le kule, ndzi nga ri endla yini? Tiholokosta ta n'wina a ti ndzi tsakisi, ni magandzelo ya n'wina a ma ndzi nandziheri.”