Mikiya 6:4 - Xitsonga (Bibele)

⁴ Ndzi hlamule! Ndzi ku humesile etikweni ra Egipta, ndzi ku kutsurile endlwini ya vukhumbi, ndzi ku rhangele emahlweni ha va Muxe, na Aroni, na Meriyamu.

BIBELE Mahungu Lamanene

⁴ Ndzi mi humesile etikweni ra Egipta, ndzi mi kutsula evuhlongeni lebyi a mi ri ka byona, kutani ndzi veka Muxe, na Aroni, na Meriyamu ku va varhangeri va n'wina.

Mikiya 6:4 Referans Kwoze

Duteronoma 7:8

kambe hi leswi Yehovha a mi rhandzaka, naswona a hlayisa ku hlambanya loku a ku hlambanyeleke vatata wa n'wina; hikwalaho ka swona Yehovha a mi humeseke hi voko ra matimba, kambe u ku kutsurile endlwini ya vukhumbi, evokweni ra Faro, hosi ya Egipta.

Eksoda 12:51

Ha rona siku rero, Yehovha a humesa vana va Israele etikweni ra Egipta hi mavandla ya vona.

Amosi 2:10

Kambe hi mina ndzi nga mi humesa etikweni ra Egipta, ndzi mi fambisa emananga hi malembe ya mune wa makume mi ta fuma tiko ra Vaamori.

Yeremiya 32:21

U humesile tiko ra wena ra Israele etikweni ra Egipta, hi swikombiso ni mahlori ni xandla xa matimba, ni voko le ri tshambulukeke, ni ku chavisa lokukulu.

2 SAMIELE 7:23

Kambe i mani la kotisaka tiko ra wena ra Israele, ri nga tiko ra xiviri emisaveni, leri Xikwembu xi teke ku tikutsulela rona, xi ta va ni tiko ra xona xi ta va vekela vito ni ku va endlela xilo lexikulu, ni swilo leswi chavisaka etikweni ra wena, hi ku hlongola matiko ni swikwembu swa wona, emahlweni ka tiko ra wena leri u tikutsuleleke rona Egipta?

Tinhlayo 12:1

Meriyamu na Aroni va hleva Muxe hikwalaho ka wansati wa Mukuxi loyi a n'wi tekeke, hikuva a a tekile wansati wa Mukuxi.

Eksoda 20:2

“Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.

Timhaka 7:36

Hi yena la nga va humesa, a endla masingita ni swikombiso eEgipta, ni le Lwandle ro Tshwuka, ni le mananga, hi malembe ya mune wa makume.

Pisalema 77:20

U fambisile tiko ra wena tani hi ntlhambi, Hi voko ra Muxe ni ra Aroni.

Duteronoma 24:18

U ta anakanya leswaku a wu ri khumbi eEgipta, ni leswaku Yehovha, Xikwembu xa wena, a ku kutsurile kona; hikwalaho ndzi ku lerisaka ku endlisa sweswo.

Duteronoma 15:15

u ta tsundzuka leswaku a wu ri khumbi eEgipta; ni leswaku Yehovha, Xikwembu xa wena, a ku kutsurile; hikwalaho ndzi ku nyikaka nawu lowo namuntlha.

Duteronoma 9:26

Ndzi khongele Yehovha, ndzi ku: ‘Hosi Yehovha, u nga heti tiko ra wena ni ndzhaka ya wena leyi u nga yi kutsula hi vukulu bya wena, leyi u nga yi humesa eEgipta hi voko ra matimba.

Duteronoma 5:6

“ ‘Hi mina Yehovha, Xikwembu xa wena, la ku humeseke etikweni ra Egipta ni le ndlwini ya vukhumbi.

Duteronoma 4:34

Kambe xana xikwembu xin'wana xi kona, lexi ringeteke ku titekela tiko exikarhi ka tiko rin'wana hi miringo, ni swikombiso, ni mahlori ni ku lwa hi voko leri tlakukeke ra matimba, ni mitirho leyikulu leyi chavisaka, hilaha Yehovha, Xikwembu xa n'wina, xi mi endleleke hinkwaswo hakona eEgipta emahlweni ka wena?

Eksoda 4:16

U ta va muvulavuleri wa wena eka tiko, ni nomu wa wena, wena u va ematshan'weni ya Xikwembu eka yena.

Duteronoma 4:20

Kambe loko mi ri n'wina, Yehovha u mi tekile, a va a mi humesa efulweni ra Egipta, leswaku mi va tiko ra yena hi xiviri, hilaha mi swi vonaka hakona namuntlha.

Eksoda 3:10

Sweswi, famba, ndza ku rhuma eka Faro, u ya humesa eEgipta tiko ra mina, vana va Israele.”

Eksoda 4:10

Kutani Muxe a ku eka Yehovha: “Yo! Wena Hosi, a ndzi munhu la tivaka ku vulavula swinene, hambi ku ri tolo, ni le tolweni, hambi ku ri loko u sungurile ku vulavula ni nandza wa wena; hikuva ndzi munhu wa nomu wo tika, ni ririmi ro nonon'hwa.”

Tinhlayo 33:1

Hi yona mimpfhuka ya vana va Israele lava humeke etikweni ra Egipta, hi mavandla ya vona, va ri karhi va fambisiwa hi Muxe na Aroni.

1 SAMIELE 12:6

Samiele a engeta a ku eka tiko: “I Yehovha la vekeke Muxe na Aroni, ni la humeseke vatata wa n'wina etikweni ra Egipta.

Eksoda 6:27

Hi vona va nga vulavula na Faro, hosi ya Egipta, leswaku va humesa vana va Israele eEgipta, Hi yena Muxe loyi na Aroni loyi.