Mikiya 6:3 - Xitsonga (Bibele)

³ Tiko ranga, ndzi endle yini eka wena? Xana ndzi ku pfukile ha yini?

BIBELE Mahungu Lamanene

³ HOSI Xikwembu xi ri: “N'wina vanhu va mina, xana ndzi mi dyohele yini, xana ndzi tshama ndzi mi tikisela vutomi xana? Ndzi hlamuleni!

Mikiya 6:3 Referans Kwoze

Yeremiya 2:5

Ku vula Yehovha a ku: “Vatata wa n'wina va tshama va kuma ku biha kwihi eka mina xana? Leswi va tshamaka va hambana na mina, va fambela vuhava, kutani va hundzuka swahava.

Pisalema 81:13

Oho! Loko ngi tiko ra mina ra ndzi yingisa, Loko ngi Israele u famba etindleleni ta mina,

Yeremiya 2:31

N'wina va rixaka leri, yingisani rito ra Yehovha! Xana ndzi ve tiko leri nga mananga eka Israele, kumbe tiko ra munyama lowa ntima? Tiko ra mina ri vulisa ku yini, loko ri ku: ‘Hi ta tsutsumela lahaya ni lahaya, a hi nga ha tlheleri eka wena.’

Pisalema 50:7

“Yingisa, tiko ranga, ndzi ta vulavula, Yingisa, Israele, ndzi ta vula vumbhoni exikarhi ka wena. Hi mina Xikwembu, Xikwembu xa wena.

Varhoma 3:19

Kambe ha swi tiva leswaku hinkwaswo leswi vuriwaka hi nawu, swi byeriwa lava nga enawini, leswaku milomu hinkwayo yi siviwa; vanhu hinkwavo va ta kumiwa va ri ni nandzu emahlweni ka Xikwembu.

Mikiya 6:5

Tiko ranga, anakanya makungu lawa Balaka, hosi ya Mowabu ingi a ma lunghisile, ni leswi Balaama, n'wana Beyori, a n'wi hlamuleke swona, ni leswi humeleleke Xitimi ku ya fika eGiligala, u ta tiva ku endla ka Yehovha loku lulameke.”

Pisalema 81:8

Yingisa tiko ra mina, ndzi ku hlamusela; Oho Israele, loko swange u nga ndzi yingisa!

Pisalema 51:4

Ndzi dyohele wena, wena ntsena; Ndzi endlile leswo biha emahlweni ka wena, Hi laha u nga ta va la lulameke loko u vulavula, Ni loyi a tengeke loko u avanyisa.

Esaya 5:4

Lexi nga fanela ku endliwa, lexi ndzi nga xi endlangiki i yini? Leswi ndzi languteleke leswaku yi ta veka mihandzu leyo nandziha, i yini leswi yi vekeke leyo bava xana?