Mikiya 6:12 - Xitsonga (Bibele)

¹² Vafuwi va muti wolowo va tele ku xisa ni vaaki va wona va vulavula mavunwa; ririmi ra vona ra kanganyisa enon'wini wa vona.

BIBELE Mahungu Lamanene

¹² Van'wankumi va muti lowu va tele tihanyi, vaaki va wona vo dzumbela ku hembelana ni ku kanganyisana.

Mikiya 6:12 Referans Kwoze

Hosiya 7:13

Va ni khombo vona, hikuva va ndzi fularhela! Ku lahleka vona, hikuva va ndzi hundzukerile! Ndzi te ndza va kutsula, kambe vona va vulavula mavunwa ehenhla ka mina.

Yeremiya 9:8

Tindzimi ta vona i miseve leyi dlayaka, va vulavula vunwa; hi milomu ya yena un'wana u byela warikwavo ku rhula, kambe exifuveni xa yena a n'wi rhiya hi xirimbana.

Esaya 1:23

Tihosi ta wena ta tiarisa, ti kucetelana ni vayivi, hinkwato ti rhandza ngopfu ku nyikiwa, ti tsutsumela ku hakeriwa; a ti avanyiseli xisiwana, timhaka ta noni a ti fiki eka tona.

Esaya 5:7

Hikuva vhinya ya Yehovha wa tinyimpi i yindlu ya Israele, kutani vavanuna va Yuda i swimudyana leswi ngi a tsakeke ha swona; a tshembile ku lulama, kasi i ku halatiwa ka ngati; a tshembile ku tenga, kasi i ku vovola.

Esaya 3:8

Hikuva Yerusalema wa tsekatseka, Yuda wa dedeleka, hikuva marito ya vona ni mitirho ya vona swi lwa na Yehovha, ku karihisa mahlo ya yena lama kwetsimaka.

Varhoma 3:13

“Milomu ya vona i masirha lama ahlameke va xisa hi tindzimi ta vona. Vuxungu bya ti mhiri byi le hansi ka milomu ya vona.”

Sofoniya 3:3

Tihosi ta wona, i tinghala leti dzumadzumaka exikarhi ka wona; vaavanyisi va wona, i timhisi ta madyambu leti nga hlayiseriki nchumu swa mundzuku.

Hosiya 7:1

Loko ndzi ku ndzi dyaha Israele, hilaha ku humelelaka vudyohi bya Efrayimi ni mona wa Samariya, Hikuva va endla swa mavunwa, ni khamba ri nghena etindlwini, ntlawa wa lava yivaka wu hangalaka ehandle.

Pisalema 35:20

Hikuva ku rhula a ku kona eku vulavuleni ka vona, Va anakanyela va ku rhula va le tikweni, marito ya ku hemba.

Amosi 2:4

Yehovha u ri: “Hikwalaho ka milandzu, minharhu kumbe ya mune ya Yuda — ndzi nga ka ndzi nga hundzuki, hikuva va sorile nawu wa Yehovha, a va hlayisanga ku lerisa ka yena, va hambuxiwa hi mavunwa ya vona lawa vakokwa wa vona va nga famba ha wona,

Amosi 6:4

“Va seketele ehenhla ka switshamo leswi endliweke hi timhondzo ta ndlopfu, va tiolorile ehenhla ka masangu ya vona, va dya swinyimpfana swa ntlhambi, ni marhole lama nonisiweke.

Pisalema 78:36

Kambe a va xi kanganyisa hi milomu ya vona, Va xi hembela hi tindzimi ta vona;

Pisalema 120:2

Yehovha, lamulela moya wa mina enon'wini wa muhembi, Eririn'wini leri kanganyisaka.

Sofoniya 1:9

kambe, esikwini lero, ndzi ta tshinya hinkwavo lava tlulaka mhandze ya le nyangweni, lava tataka yindlu ya hosi ya vona hi leswi phangiweke hi vuhuruhuru ni ku xisa.”

Timhaka 24:9

Kutani Vayuda va n'wi seketela va ku: “Kunene swi tano.”