Mikiya 5:7 - Xitsonga (Bibele)

⁷ Lava seleke va ka Yakobo va ta va exikarhi ka matiko lamanyingi kukotisa mberha leyi humaka eka Yehovha, ni mathonsi lama nga ehenhla ka byanyi; lama nga languteleki ku lerisa ka munhu, hambi ku ri ku fumiwa hi vana va vanhu.

BIBELE Mahungu Lamanene

⁷ Hinkwavo lava nga masalela ya va ka Yakobo, vona lava rhendzeriweke hi vanhu va matiko layo tala, va ta fana ni mberha leyi humaka eka HOSI Xikwembu, kumbe swimpfulana leswi hlukisaka byanyi, swi nga lerisiwanga hi munhu, leswi swi ngo tinela swi nga komberiwanga hi munhu.

Mikiya 5:7 Referans Kwoze

Mikiya 5:3

Hikwalaho u ta va nyiketa valala, ku ko ku fika nkarhi lowu muveleki a nga ta veleka ha wona, vamakwavo lava seleke va ta tlhela hinkwavo eka vana va Israele.

Esaya 44:3

Hikuva ndzi ta chela mati emisaveni leyi nga ni torha, ni swinambyana emisaveni leyi omeke: ndzi ta chela moya wa mina erixakeni ra wena, ni ku kateka ka mina ehenhla ka hluke ra wena.

Duteronoma 32:2

Dyondzo ya mina yi ta swama kukota mpfula, Rito ra mina ri ta xiririka kukotisa mberha; Kukota mpfula erihlazeni, Kukota mberha leyo tala ebyanyini!

Hosiya 14:5

Ndzi ta fana ni mberha eka Israele; u ta baleka ku fana ni khon'wa, a mila timitsu kukotisa Lebanoni.

Pisalema 72:6

Yi ta fana ni mpfula loko yi na emadyelweni, Yi kotisa mberha leyinene leyi tsakamisaka misava.

Varhoma 10:20

Kutani Esaya a tiyisa ngopfu, a ku: “Ndzi kumiwile hi lava va nga ndzi lavangiki; ndzi tikombisile eka lava ingi ndzi nga vutisiwi hi vona.”

Zakariya 14:8

Esikwini rolero, mati lama pfelelaka ma ta huma eYerusalema, man'wana ya wona ma khulukela elwandle ra le vuxeni, man'wana elwandle ra le vupeladyambu; swi tshama swi va tano rihunga ni vuxika.

Hosiya 6:3

A hi tiveni Yehovha, a hi chivirikeni ku n'wi tiva! Ku humelela ka yena ku tiyile kukotisa vurhonga; u ta hi tela kukotisa mpfula, kukotisa mpfula ya xirimo leyi nonisaka misava.”

Yeremiya 14:22

Xana un'wana a nga va kona exikarhi ka swahava swa matiko la nisaka mpfula-ke? Kumbe tilo ri nga tinisela mpfula-ke? Xana a hi wena Yehovha Xikwembu xa hina? Na swona hi tshembile wena hikuva hi wena la endleke leswo hinkwaswo.

Pisalema 110:3

Tiko ra wena ri ta va lera mapfundzu siku u hlengeletaka nyimpi ya wena. Hi ku saseka loku hlawuriweke, lavantshwa va ta huma eka wena, Kukotisa mberha leyi humaka evuxeni.

1 Vakorinto 3:6

Mina ndzi byarile, Apolosi u cheletile; kambe Xikwembu hi xona lexi mirisaka.

Varhoma 11:12

Kutani loko ku wa ka vona ku hundzukile ndzalo ya vamatiko, ku hundzuka ka vona hinkwavo ku ta va loko tano swonghasi!

Varhoma 9:30

Xana hi ta ku yini-ke? Hi ta ku: “Vamatiko lava ngi va nga lavi ku lulama, va ku kumile, ku nga ku lulama loku humaka eku pfumeleni;

Timhaka 16:9

Kambe mahlori ma humelelela Pawulo nivusiku: Wanuna wa Makedoniya a yima emahlweni ka yena, a n'wi khongela, a ku: “Pelela eMakedoniya, u ta hi pfuna.”

Timhaka 13:46

Kutani Pawulo na Barnaba va va byela, va tiyisa, va ku: “A swi fanela leswaku rito ra Xikwembu ri byeriwa n'wina eku sunguleni; kambe leswi mi ri alaka, mi tiavanyisile lava nga fanekelangiki hi vutomi lebyi nga heriki, maswivo, hi hundzukela eka vamatiko.

Timhaka 11:15

Kutani, kakuloko ndzi sungula ku vulavula, Moya lowo Kwetsima wu xikela ehenhla ka vona, kukotisa leswi nga endliwa eka hina eku sunguleni.

Matewu 28:19

yanani hakona mi ya dyondzisa va matiko hinkwawo, mi va khuvula hi vito ra Tatana, ni ra N'wana ni ra Moya lowo Kwetsima,

Mikiya 2:12

Ndzi ta ku hlengeleta ni lava seleke Vaisraele; ndzi va veka kun'we kukotisa tinyimpfu etshangeni, ni ntlhambi lowu nga emadyelweni wu va mpfumawulo wa vanhu lavo tala.

Amosi 5:15

Vengani leswo biha, mi rhandza leswinene, mi tiyisa leswi lulameke ehubyeni, kumbexana Yehovha, Xikwembu xa tinyimpi a nga tsetselela masalela ya Yosefa.

Yuwele 2:32

“Kutani un'wana ni un'wana la khongelaka vito ra Yehovha u ta pona; hikuva entshaveni ya Siyoni, ni le Yerusalema, ku pona ku ta va kona, hilaha Yehovha a vuleke hakona, exikarhi ka lava nga ta sala van'wana hi lava nga ta vitiwa hi Yehovha.

Ezekiele 47:1

Kutani a ndzi tlherisela enyangweni ya yindlu; kutani vonani! Mati a ma huma hi le hansi ka vukhandziyo bya nyangwa ya yindlu, hitlhelo ra vuxa; mati a ma xika le tlhelweni ra xinene ra yindlu, edzongeni ra alitari.

Esaya 66:19

Ndzi ta endla xikombiso exikarhi ka vona, kutani ndzi ta rhuma ematikweni lava nga ta pona exikarhi ka vona, eka Tarxixi, ni ka Pulu, ni ka Ludu, lava copaka hi vurha, eka Tubala ni ka Yavhani, eswihlaleni leswi nga ekule, leswi nga siki twaka ta mina, leswi nga siki vonaka ku kwetsima ka mina, kutani va ta twarisa ku vonakala ka mina exikarhi ka vamatiko;

Esaya 55:10

Ku fana ni mpfula ni gamboko loko swi xika hi le tilweni, a swi tlheleri kona, swi nga si cheleta misava, ni ku mirisa, ni ku hlukisa leswi milaka, swi nga si nyika mbewu eka mubyari, ni swakudya eka loyi a dyaka,

Esaya 32:15

ku fikela loko moya wa le henhla wu cheriwa ehenhla ka hina, ni loko mananga ma hundzuka mitanga, kutani ntanga wu fanisiwa ni xihlahla.

Vaavanyisi 6:36

Kutani Gidiyoni a ku eka Xikwembu: “Loko kunene u rhandza ku lamulela Israele hi voko ra mina kukotisa leswi u nga swi vula,

Timhaka 9:15

Kambe Hosi yi ku eka yena: “Yana, hikuva loyi, i khuwana leri ndzi tihlawuleleke rona, ku yisa vito ra mina eka vamatiko, ni ka tihosi, ni ka vana va Israele;

Sofoniya 3:13

Nsalo wa Israele wu nga ka wu nga endli leswo biha, wu nga ka wu nga vulavuri mavunwa ririmi ra ku kanganyisa ri nga ka ri nga kumiwi emilon'wini ya vona va ta dya va etlela ehansi, ku nga ri na loyi a va chavisaka.”

Mikiya 5:8

Kambe lava seleke va Yakobo va ta va exikarhi ka matiko ni tinxaka leto tala kukotisa nghala exikarhi ka swiharhi swa nhova, ni xinghalana exikarhi ka ntlhambi wa tinyimpfu; yi nga loko yi hundza yi kandziyela, yi handzula, ku nga ri na loyi a ponisaka!

Ezekiele 14:22

hambiswiritano, ku ta va ni xisala lexi nga ta pona, ku ta huma vana va xinuna ni va xisati. Vonani, va ta ta eka n'wina, mi ta vona mafambele ya vona ni mitirho ya vona; mi ta chaveleriwa, mi va mi rivala khombo hinkwaro leri ndzi ri tiselaka Yerusalema, swi nga hinkwaswo leswi ndzi n'wi tiseleke swona.

2 SAMIELE 17:12

Hi ta n'wi kuma kwihi ni kwihi laha a nga ta va kona, kutani hi ta n'wi wela ehenhla kukotisa mberha loko yi wela misava, ku nga baleki munhu ni un'we, hambi a ri yena, hambi va ri lava fambaka na yena.

Pisalema 133:3

Ku fana ni mberha ya Hermoni, Leyi welaka etintshaveni ta Siyoni; Hikuva hi kona Yehovha a leriselaka mikateko. Ni vutomi, hi laha ku nga heriki.

Swivuriso 19:12

Ku kariha ka hosi ku fana ni ku dzuma ka nghala, Kambe rirhandzu ra yena ri fana ni mberha ebyanyini.

Daniele 11:32

Kutani hi ku xengetela ka yena, u ta tikokela lava tlulaka xinakulobye, kambe tiko ra lava tivaka Xikwembu xa vona, ri ta tiya, ri tirha.

Mikiya 4:7

Lexi khwitaka, ndzi ta xi endla xisalela, ni lexi tshikiweke ndzi xi endla tiko lera matimba, kutani Yehovha u ta va fuma entshaveni ya Siyoni hilaha ku nga heriki.

Mikiya 7:18

Hi xihi Xikwembu lexi fanaka na wena, lexi susaka ku homboloka, lexi khomelaka ku dyoha ka xisalela xa ndzhaka ya xona? A xi nga hlayisi ku kariha ka xona hi masiku, hikuva xi tsakela ku tsetselela.

Ezekiele 5:5

Ku vula Hosi Yehovha: Hi loyi Yerusalema! Ndzi n'wi veke exikarhi ka matiko, ma n'wi rhendzele.

Mikiya 4:13

Pfuka u hula, n'wana Siyoni, hikuva ndzi ta ku endlela rimhondzo ra nsimbhi, ni min'wala ya koporo, u ta fayetela matiko layo tala; ndzi ta hlawulela Yehovha rifuwo ra wona, ni vukosi bya wona, ndzi hlawulela hosi ya misava hinkwayo.

Zakariya 9:13

Hikuva ndzi ta konga Yuda kukota vurha, ndzi byi rhiya hi Efrayimi; ndzi ta pfuxa vana va wena, Siyoni, va pfukela vana va wena, Yavhani; ndzi ta ku endla u va ku kota fumu ra nhenha.