Mikiya 5:2 - Xitsonga (Bibele)

² Loko u ri wena Betlehema-Efrata, u lontsongo ku hlayiwa exikarhi ka tinxaka ta Yuda, eka wena ku ta huma loyi a nga ta va hosi ya Israele, a nga loyi a nga kona ka ha ri eku sunguleni, emikarhini leyi nga riki na ku sungula.

BIBELE Mahungu Lamanene

² HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”

Mikiya 5:2 Referans Kwoze

Matewu 2:6

‘Na wena Betlehema, tiko ra Yuda, a ku ntsongo exikarhi ka tihosi ta Yuda, hikuva ku ta huma eka wena mufambisi la nga ta risa tiko ra mina ra Israele.’ ”

Yohane 7:42

Xana Matsalwa a ma vuri leswaku Kriste u ta huma erixakeni ra Davhida emutini wa Betlehema, laha Davhida a humeke kona-ke?”

Pisalema 90:2

Loko tintshava ti nga si tumbuluka, Loko u nga si vumba misava, ni swilo hinkwaswo, Hi mikarhi ni mikarhi, u Xikwembu.

Esaya 11:1

Kutani rhavi ri ta huma ensinyeni wa Yese, hluke ri ta huma etimitswini ta wona, ri veka mihandzu.

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Genesa 49:10

Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

Vakolosa 1:17

Hi yena la nga emahlweni ka swilo hinkwaswo, kutani hinkwaswo swi yimisiwe hi yena.

Nhlavutelo 19:16

Kutani u ni vito leri tsariweke engubyeni ni le ndzhumbini wa yena, ri nge: Hosi ya tihosi, ni Mufumi wa vafumi.

1 SAMIELE 17:12

Davhida a a ri n'wana wa Muefrata wa Betlehema wa Yuda lo va nge i Yese; munhu loyi a a ri ni vana va vavanuna va ntlhanu na vanharhu, kambe enkarhini wa Sawulo a a ri wa khale swinene.

Genesa 48:7

Kuteloko ndzi ri karhi ndzi huma ePadani, ndzi fela hi Rahele, etikweni ra Kanana, endleleni, mpfhuka wu nga ri wungani ku fika eEfrata; ndzi n'wi lahla kona, endleleni leyi yaka eEfrata.” (Wu nge Betlehema).

1 Yohane 1:1

Lexi ngi xi ri kona eku sunguleni lexi hi xi tweke, lexi hi xi voneke hi mahlo ya hina, lexi hi xi languteke, lexi mavoko ya hina ma xi khumbeke, ri nga Rito ra vutomi;

Vaheveru 13:8

Yesu Kriste i un'we, hambi tolo, hambi namuntlha, ni hilaha ku nga heriki.

Matewu 28:18

Kutani Yesu a va tshinelela a vulavula na vona, a ku: “Ndzi nyikiwile vuhosi hinkwabyo etilweni ni le misaveni;

Rhuti 4:11

Kutani tiko hinkwaro na huvo, ni vakulukumba va ku: “Hi timbhoni! Yehovha a a endle leswaku nsati loyi a nghenaka endlwini ya wena a va kukota Rahele na Leya lava akeke havambirhi yindlu ya Israele. Tiyisa mbilu emutini wa Efrata, vito ra wena a ri twakale eBetlehema!

Genesa 35:19

Kavaloko Rahele a fa, a lahliwa endleleni ya Efrata, yi nga yona Betlehema.

Vaheveru 7:14

Hikuva ku tiviwa leswaku Hosi ya hina yi hume erixakeni ra Yuda, ri nga leri Muxe a nga ri lerisangiki nchumu ehenhla ka magandzelo.

Amosi 9:11

“Hi siku rero, ndzi ta pfuxa ntsonga wa Davhida lowu weke, ndzi siva timfa ta khumbi ra wona, laha ri mbundzukeke ndzi ta ri lunghisa, ndzi ta wu aka wu fana ni le mikarhini ya khale;

Yeremiya 30:21

Hosi ya wena yi ta huma eka yena mufumi wa yena u ta huma exikarhi ka yena ndzi ta n'wi tshineta, kutani u ta ta eka mina; hikuva i mani la nga ta kanya mbilu leswaku a tshinelela ka mina, ku vula Yehovha.

Esaya 53:2

U mirile emahlweni ka yena tanihi hluke, tanihi rimitsu leri humaka emisaveni leyi omeke. A a nga ri na xivumbeko ni ku saseka loku kokaka mahlo ya hina; ni nghohe ya yena a yi nga ri na nchumu wa ku hi tsakisa.

1 SAMIELE 10:19

Kambe n'wina, namuntlha, mi sandzile Xikwembu xa n'wina, xona lexi nga mi ponisa emakhombyeni hinkwawo ya n'wina, ni le ku xanisekeni ka n'wina, kutani mi te eka xona: ‘Kunene, u ta veka hosi ehenhla ka hina!’ Sweswi humelelani emahlweni ka Yehovha hi tinyimba ta n'wina ni madzanadzana ya n'wina.”

Luka 23:38

Kambe a ku ri ni papila enhlokweni ya yena, leri nge: “Loyi, i Hosi ya Vayuda.”

Luka 23:2

va sungula ku n'wi hehla, va ku: “Hi kumile munhu loyi a hlohlotela tiko, a tshimbisa vanhu ku humesela Khezari ndzuvo; naswona u tivula Kriste, hosi.”

1 TIKRONIKA 5:2

hikuva Yuda a a ri nkulukumba exikarhi ka vamakwavo, kutani hosi yi humile eka yena; kambe vuhosi a byi ri bya Yosefa.

1 TIKRONIKA 4:4

Penuwele a a ri tata wa Gedori, na Ezere a a ri tata wa Huxa. Hi vona vana va xinuna va Huru, mativula ya Efrata, tata wa Betlehema.

Eksoda 18:21

U hlawula exikarhi ka tiko hinkwaro vavanuna lavanene, lava chavaka Xikwembu, vavanuna lava lulameke, lava vengaka bindzu leri nga lulamangiki; u va veka tindhuna ta madzanadzana, ni ta madzana, ni ta ntlhanu na makume, ni ta makume;

Nhlavutelo 21:6

A engeta a ku eka mina: “Swi herile! Hi mina Alfa na Omega, ku sungula ni ku hela. Loyi a nga ni torha, ndzi ta n'wi nyika ntsena mati ya xihlovo xa vutomi.

Nhlavutelo 2:8

“Tsalela ni ntsumi ya kereke ya Smirna, u ku: “ ‘Lowo rhanga ni wa le ndzhaku, loyi a nga fa a tlhela a hanya, u vulavula sweswo, u ri:

Pisalema 132:6

Languta, hi swi twile loko yi vuriwa Efrata, Hi yi kumile emasin'wini ya Yaare ...

1 TIKRONIKA 2:54

Vana va xinuna va Salma: Betlehema ni va Netofa, Atiroto-Beta-Yowabu, Hatsi-Hamanahate, ni va Sora,

1 SAMIELE 23:23

Mi ta vona ni ku tiva vutumbelo bya yena hinkwabyo; kutani mi ta tlhela eka mina mi ndzi byela mahungu lama tiyeke, kutani ndzi ta famba na n'wina; kungakuloko a ri etikweni leri, ndzi ta n'wi lavisisa exikarhi ka madzanadzana hinkwawo ya Yuda.

1 SAMIELE 17:18

U ta yisa ni machizi lawa ya khume ya ntswamba eka ndhuna ya vona ya khume ra madzana; u ta famba u ya xeweta vamakwenu, kutani u ta ndzi vuyisela mahungu lama tiyeke.”

Duteronoma 1:15

Kavaloko ndzi teka vakulukumba va tinxaka ta n'wina, vavanuna va ku twisisa, ni lava tiviwaka, ndzi va veka ehenhla ka n'wina, ti ri tindhuna ta khume ra madzana, ni tindhuna ta madzana, ni tindhuna ta ntlhanu wa makume, ni tindhuna ta khume va ri valanguteri etinxakeni ta n'wina.

1 SAMIELE 8:12

U ta va veka tindhuna ta makume ya madzana, ni tindhuna ta ntlhanu wa makume va ta n'wi rimela, ni ku n'wi tshovelela, va ta n'wi fulela matlhari ya nyimpi ni mitirho ya tigolonyi ta yena.

Eksoda 18:25

Kavaloko Muxe a hlawula exikarhi ka tiko ra Israele hinkwaro vavanuna lava lulameke, a va veka tindhuna ta tiko, ti ri tindhuna ta madzanadzana, ni ta madzana, ni ta ntlhanu wa makume, ni ta makume,

Matewu 2:1

Yesu, kuteloko a tswariwile Betlehema wa Yudiya, enkarhini wa hosi Heroda, vonani, tintlhari ta le vuxeni ti fika eYerusalema, ti ku:

Genesa 35:16

Kavaloko va suka eBetele, ka hari mpfhukanyana ku ya fika eEfrata, Rahele a lava ku veleka, kambe ku veleka ku nonon'hwa;

Vaavanyisi 17:7

A ku ri ni jaha ra Betlehema-Yuda, wa nyimba ya Yuda, a a ri Mulevhi, a akile kona.

Rhuti 1:1

Enkarhini lowu wa ku fuma ka vaavanyisi, a ku ri ni ndlala etikweni ra Israele. Kutani munhu wa Betlehema-Yuda a ya luvela etikweni ra Mowabu, a ri ni nsati wa yena, ni vana va yena va xinuna vambirhi.

Esaya 55:4

Waswivo, ndzi n'wi vekile mbhoni exikarhi ka matiko, hosi, ni mufambisi wa matiko.

Hosiya 6:3

A hi tiveni Yehovha, a hi chivirikeni ku n'wi tiva! Ku humelela ka yena ku tiyile kukotisa vurhonga; u ta hi tela kukotisa mpfula, kukotisa mpfula ya xirimo leyi nonisaka misava.”

Zakariya 13:7

“Wena, fumu, pfukela murisi wa mina, a nga wanuna la nga nakulobye,” ku vula Yehovha wa tinyimpi. “Bana murisi, tinyimpfu ti ta hangalaka! Kutani ndzi ta vuyisa voko ra mina ehenhla ka lavatsongo.

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

Mikiya 4:10

Khuna, u twa ku vaviseka, n'wana Siyoni, kukotisa muveleki; hikuva u ta huma emutini, u ta tshama enhoveni, u ya fika ni le Babilona. Hi kona u nga ta tshunxiwa, Yehovha u ta ku kutsula emavokweni ya valala va wena.