Mikiya 5:13 - Xitsonga (Bibele)

¹³ Loko swi ri swifaniso swa wena leswi vatliweke ni leswi chuluriweke, ndzi ta swi herisa exikarhi ka wena, a ku nga ha khinsameri mitirho ya mavoko ya wena.

BIBELE Mahungu Lamanene

¹³ Ndzi ta herisa swikwembu swa n'wina swa swifaniso, ndzi herisa ni maribye ya vukhongeri bya hava, kutani a mi nga ha nkhinsameli swilo leswi endliweke hi mavoko ya n'wina.

Mikiya 5:13 Referans Kwoze

Ezekiele 6:9

Lava nga ta pona va ta ndzi anakanya va ri ematikweni laha va nga ta bohiwa kona, hikuva ndzi ta va ndzi tshovile timbilu ta vona leti hombolokeke, leti nga tshembekiki, ni mahlo ya vona lama oswaneke ni swikwembu swa vona. Va ta tinyenya va ri vona hikwalaho ka swidyoho hinkwaswo leswi va swi endleke, ni manyala hinkwawo ya vona.

Ezekiele 36:25

ndzi ta mi xuva hi mati layo basa, mi ta tenga; ndzi ta mi basisa eka mathyaka ya n'wina hinkwawo ni ka swifaniso swa n'wina hinkwaswo.

Zakariya 13:2

Hi siku rolero, ku vula Yehovha wa tinyimpi! Ndzi ta susa emisaveni mavito ya swifaniso, a swi nga tshami swi tsundzukiwa, na vona vaprofeta, ndzi ta va rhurhisa emisaveni ni moya lowa thyaka.

Hosiya 14:8

Wena, Efrayimi, ndzi ni mhaka yihi ni swifaniso? Hi mina ndzi n'wi hlamulaka, ndzi n'wi langutelaka; mina ndzi kotisaka murhi wa kipresi lowu tsakamaka; mihandzu leyi kumiwaka eka wena yi huma eka mina.

Hosiya 14:3

Vaaxuru va nga ka va nga hi hanyisi; tihanci, hi nga ka hi nga ti khandziyi, kutani ntirho wa mavoko ya hina, a hi nga ha wu viti swikwembu swa hina, hikuva eka wena, xisiwana xi vona tintswalo.”

Ezekiele 37:23

Va nga ka va nga ha tinyamisi hi swikwembu swa vona swa thyaka, ni manyala ya vona, ni swidyoho swa vona hinkwaswo ndzi ta va lwela eka ku tiarisa hinkwako ka vona loku va nga dyoha hakona, ndzi va basisa; va ta va tiko ra mina, na mina ndzi va Xikwembu xa vona.

Esaya 2:8

Ri tele swikwembu swo hemba, va khinsamela ntirho wa mavoko ya vona, ni leswi tintiho ta vona ti swi vatleke.

Nhlavutelo 9:20

Kambe vanhu lava seleke, lava nga dlayiwangiki hi makhombo walawo, a va hundzukanga emitirhweni ya mavoko ya vona; a va tshikanga ku gandzela mademona, ni swifaniso swa nsuku, ni swa silivhere, ni swa koporo, ni swa maribye, ni swa mitsandze, leswi nga voniki, ni ku yingisa, ni ku famba.

Vaavanyisi 18:17

Kutani vavanuna lava yeke ku ya kambela tiko, va tlhandluka, va nghena, va teka xifaniso lexi vatliweke, ni efodi, ni titerafi, ni xifaniso lexi chuluriweke muprista, yena, a ri karhi a yimile enyangweni kun'we ni vavanuna va 600 lava hlomeke.

Esaya 2:18

Swifaniso hinkwaswo swa swikwembu swi ta pfumaleka.

Hosiya 10:2

Timbilu ta vona ti ni mano; kutani va ta hlayeriwa milandzu. Xikwembu xi ta mbundzuxa tialitari ta vona, xi herisa swifaniso swa vona.

Nahume 1:14

Loko u ri wena, Ninivha, Yehovha u lerisa, a ku: “Vito ra wena a ri nga ha byariwi. Endlwini ya swikwembu swa wena, ndzi ta susa swifaniso leswi vatliweke ni leswi chuluriweke, kutani ndzi ta ku lunghisela sirha, hikuva u xahava.”

Sofoniya 1:4

“Kutani ndzi ta tshambuluta voko ra mina ehenhla ka Yuda ni le henhla ka vaaki hinkwavo va Yerusalema, ndzi susa exivandleni lexo nsalo hinkwawo wa Baali, ni vito ra vadyondzisi va swifaniso kun'we ni vaprista;

Esaya 27:9

Nandzu wa Yakobo wu herisile sweswo; hi wona mbhandzu wa ku rivaleriwa ka nandzu wa yena: Yehovha u endle maribye hinkwawo ya tialitari tanihi maribye ya mhemba lama hisiweke, lama siriweke; swifaniso swa Axera ni swifaniso swa dyambu swi nga ha tshami swi pfuxiwa.

Ezekiele 16:41

Va ta hisa tindlu ta wena hi ndzilo, va hetisa eka wena ku avanyisa ka mina emahlweni ka vavasati lavo tala. Hi mukhuva lowo, ndzi ta ku tshikisa vuoswi bya wena, u ta tshika ku humesa hakelo.