Mikiya 4:11 - Xitsonga (Bibele)

¹¹ Sweswi matiko layo tala ma ku hlengeletanele, ma ku: “U sandziwile, mahlo ya hina ma ta vona khombo ra Siyoni!”

BIBELE Mahungu Lamanene

¹¹ We Yerusalema, vanhu va matiko layo tala va hlengeletanile va lava ku ku hlasela, va ri: “Muti wa Siyoni wu fanele ku nyamisiwa, hi tikhorisa hi ku vona leswi nga ta humelela!”

Mikiya 4:11 Referans Kwoze

Obadiya 1:12

Kambe wena u nga languti siku ra makwenu, siku ra khombo ra yena u nga tsakeli ku hela ka vana va Yuda hi siku ra ku hela ka vona; u nga ahlamisi nomu wa wena hi ku tikukumuxa hi siku ra ku xanisiwa.

Mikiya 7:10

Loyi a nga nala wa mina u ta swi vona, kutani u ta khomiwa hi tingana, loyi a nge eka mina: “Yehovha, Xikwembu xa wena, xi kwihi xana?” Mahlo ya mina ma ta khorwisiwa hi khombo ra yena; kutani u ta kandziyeriwa ku fana ni ndzhope wa tindlela!

Yeremiya 52:4

Hi lembe ra ntlhanu na mune ra ku fuma ka yena, hi n'hweti ya khume, hi siku ra khume ra n'hweti, Nebukadnetsara, hosi ya Babilona, a ta ni nyimpi hinkwayo ya yena ku hlasela Yerusalema. A gova emahlweni ka wona, kutani va wu akela tinhulu ematlhelweni hinkwawo.

Pisalema 129:5

A va khomiwe hi tingana, a va tlhelele endzhaku, Hinkwavo lava vengaka Siyoni!

Esaya 10:7

Kambe yena a nga xiyi, mbilu ya yena a yi tsundzuki leswaku swi tano, hikuva a ehleketa ntsena ku onha ni ku lovisa matiko layo tala.

Esaya 17:12

Yo! Mpfumawulo wa matiko layo tala! Wa pfuma tanihi lwandle! Yo! Pongo ra matiko! Ma pfuma tanihi mati lamakulu.

Esaya 29:7

Kutani ntshungu wa matiko hinkwawo lowu lwaka na Ariele, ni hinkwavo lava rhendzeleke muti ni khokholo ra wona, wu ta va tanihi norho, ni leswi voniwaka emunyameni wa vusiku.

Ezekiele 26:3

Hikwalaho, Hosi Yehovha u ri: Vona, ndzi ta ku hundzukela, wena Tiri, ndzi ku tumbuluxela matiko lamanyingi, kukotisa lwandle hilaha ri humesaka magandlati ya rona hakona.

Pisalema 83:5

Va endle makungu va ri mbilu yin'we, Va hlangene ku lwa na wena;

Ezekiele 38:17

“Hosi Yehovha a vulavula sweswo, a ku: Xana a hi wena loyi ndzi n'wi vuleke emikarhini ya khale, hi nomu wa malandza ya mina, vaprofeta va Israele, lava nga profeta emasikwini lawa hi malembe yo tala, va ku: Ndzi ta ku rhuma ku lwa na vona?

Zakariya 12:3

Kambe hi siku rolero, ndzi ta endla ha Yerusalema ribye lero tika eka matiko hinkwawo; hinkwavo lava ri tlakulaka va ta vavisiwa, kutani matiko hinkwawo ya misava ma ta ri rhendzela.