Mikiya 4:10 - Xitsonga (Bibele)

¹⁰ Khuna, u twa ku vaviseka, n'wana Siyoni, kukotisa muveleki; hikuva u ta huma emutini, u ta tshama enhoveni, u ya fika ni le Babilona. Hi kona u nga ta tshunxiwa, Yehovha u ta ku kutsula emavokweni ya valala va wena.

BIBELE Mahungu Lamanene

¹⁰ Solovanyani mi konya ku fana ni wansati la nga ku tintshunxeni, hikuva sweswi mi ta huma emutini wa n'wina mi ya tshama enhoveni; mi ta ya eBabilona! Hambiswiritano, HOSI Xikwembu xi ta ta kwale xi ta mi lamulela, xi ta ta xi ta mi kutsula emavokweni ya valala va n'wina.

Mikiya 4:10 Referans Kwoze

Esaya 48:20

Humani eBabele, balekani kule ni Vakalediya, mi ri karhi mi huwelela hi ku tsaka! Tivisani, vulavulani lerisani ku yisa makumu ya misava vulani mi nge: “Yehovha u kutsurile Yakobo, nandza wa yena,”

Hosiya 13:13

Ku vaviseka ka mbeleko ku ta n'wi humelela. Yeloyi i n'wana wa xihunguki, hikuva a nga tihumelerisi enkarhini wa kona, leswaku a tswariwa.

Hosiya 2:14

“Hikwalaho, vonani, ndzi ta n'wi khorwisa, ndzi n'wi yisa emananga, ndzi vulavula leswi nga ta khorwisa mbilu ya yena.

Esaya 45:13

Hi mina ndzi pfuxeke Korexe eku lulameni ka mina ndzi ta n'wi khulelela tindlela ta yena hinkwato; u ta tlhela a aka muti wa mina, u ta tshunxa vakhomiwa va mina, ku nga ri hi ku kutsula ni ku humesa nchumu,’ ku vula Yehovha wa tinyimpi.”

Esaya 43:14

Yehovha Mukutsuri wa n'wina, Muhlawuleki wa Israele u vula sweswo, a ku: “Hikwalaho ka n'wina ndzi rhumile nala ku hlasela Babilona, ndzi va balekisa hinkwavo, hambi va ri Vakalediya emabyatsweni lawa va nga tidzunisa ha wona.

2 TIHOSI 20:18

Kutani va ta teka vana va wena lava humaka eka wena, lava u va velekeke, ma ta va malandza endlwini ya hosi ya Babilona.’ ”

Nhlavutelo 12:14

Kutani wansati a nyikiwa timpapa timbirhi ta gama lerikulu, leswaku a hahela emananga exivandleni xa yena, laha a phameriwaka kona hi nkarhi wun'we, ni mikarhi mimbirhi, ni hafu ya nkarhi, a ri ekule ni nyoka.

Hosiya 1:10

“Kambe vunyingi bya vana va Israele byi ta kotisa sava ra lwandle leri nga ringanisiwiki, ni loko ku ri ku hlayiwa; kutaku exivandleni lexo va nga byeriwa ka xona, leswaku ‘a mi vana va mina’, hi kona ku nga vuriwa leswaku: ‘Mi vana va Xikwembu lexi hanyaka.’

Yeremiya 15:21

“Ndzi ta tshama ndzi ku lamulela emavokweni ya lavo biha, kutani ndzi ta ku kutsula emavokweni ya tinhenha.”

Pisalema 106:10

A va lamulela evokweni ra loyi a va vengeke, Kutani a va lwela evokweni ra nala.

2 TIKRONIKA 36:20

A yisa Babilona lava poneke matlharini, kutani va n'wi tirhela ni vana va yena, ku ko ku pfuka vuhosi bya ku fuma ka Peresi,

2 TIKRONIKA 33:11

Kutani Yehovha a tisa eka vona ku va pfuka, tindhuna ta hosi ya Asiriya, tona ti khoma Manase exikarhi ka mitwa, ti n'wi boha hi tiketana ta koporo, ti n'wi yisa eBabilona.

2 TIHOSI 25:4

Kutani rirhangu ra muti ri boxiwa, vavanuna hinkwavo va nyimpi va huma nivusiku hi ndlela ya nyangwa, exikarhi ka makhumbi mambirhi, ekusuhi ni ntanga wa hosi; kutani va famba hi ndlela ya rivala loko Vakalediya a va ri karhi va rhendzela muti.

Yeremiya 29:20

Kambe yingiselani rito ra Yehovha n'wina mi nga eku bohiweni hinkwenu lava ndzi mi humeseke Yerusalema, ndzi mi yisa Babilona!

Yeremiya 48:41

Keriyoto u khomiwile, ni makhokholo ma ngheniwile. Esikwini leri, timbilu ta tinhenha ta Mowabu ti ta kotisa mbilu ya wansati la velekaka.

Yeremiya 52:27

Kutani hosi ya Babilona yi va dlaya eRibila, etikweni ra Hamata. Kutani va Yuda va yisiwa evukhumbini ekule ni tiko ra vona.

Mikiya 5:3

Hikwalaho u ta va nyiketa valala, ku ko ku fika nkarhi lowu muveleki a nga ta veleka ha wona, vamakwavo lava seleke va ta tlhela hinkwavo eka vana va Israele.

2 TIKRONIKA 36:23

“Ku vula Korexe, hosi ya Peresi: ‘Yehovha, Xikwembu xa le matilweni, xi ndzi nyikile vuhosi hinkwabyo bya misava; kambe xi ndzi lerisile leswaku ndzi n'wi akela yindlu eYerusalema, etikweni ra Yuda. U kwihi exikarhi ka n'wina la nga wa tiko ra xona? Yehovha, Xikwembu xa yena a a ve na yena, a a tlhandluke!’ ”

Yeremiya 4:31

Hikuva ndzi twa nkosi wo nge i wa la velekaka, mikosi ya wansati la nga ekhombyeni ra ku veleka n'wana wa mativula; i nkosi wa nhwanyana wa Siyoni, a hefemuteka, a ri karhi a tshambuluta mavoko a ku: “Yo! Yowee! Moya wa mina wu tikeriwile hi vadlayi.”

Yeremiya 13:4

“Teka vamba leri u ri xaveke, leri nga exisutini xa wena, kutani u suka, u ya eYufrata, u ya ri fihla kona ebakweni ra ribye.”

Mikiya 5:2

Loko u ri wena Betlehema-Efrata, u lontsongo ku hlayiwa exikarhi ka tinxaka ta Yuda, eka wena ku ta huma loyi a nga ta va hosi ya Israele, a nga loyi a nga kona ka ha ri eku sunguleni, emikarhini leyi nga riki na ku sungula.