Mikiya 3:9 - Xitsonga (Bibele)

⁹ Yingisani, n'wina tihosi ta yindlu ya Yakobo, na n'wina, tihosi ta Israele, n'wina mi sandzaka ku lulama, mi hundzuluxaka eka hinkwaswo leswi lulameke;

BIBELE Mahungu Lamanene

⁹ N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Mi venga leswi lulameke, mi gombonyokisa hinkwaswo leswi swi nga swona,

Mikiya 3:9 Referans Kwoze

Esaya 1:23

Tihosi ta wena ta tiarisa, ti kucetelana ni vayivi, hinkwato ti rhandza ngopfu ku nyikiwa, ti tsutsumela ku hakeriwa; a ti avanyiseli xisiwana, timhaka ta noni a ti fiki eka tona.

Swivuriso 17:15

La yimelelaka la nga ni nandzu, ni la kanetaka la nga riki na nandzu, Ha vambirhi i manyala eka Yehovha.

Duteronoma 27:19

“ ‘A ku rhukaniwe la voyamisaka ku lulama ka muluveri, ni ka xisiwana, ni ka noni!’ Kutani tiko hinkwaro ri ta hlamula, ri ku: ‘Amen!’

Mikiya 3:1

Kutani ndzi ri: Yingisani, n'wina tihosi ta yindlu ya Yakobo, na n'wina tihosi ta Israele! Xana a hi n'wina mi fanelaka ku tiva leswi lulameke?

Hosiya 5:1

Twanani mhaka leyi, n'wina vaprista, mi yingisa yona, va Yindlu ya Israele, na n'wina va yindlu ya hosi mi rhiya ndleve, hikuva ku avanyisiwa n'wina; hikuva mi ve tanihi xirimbana eMispa, ni tanihi rindzi leri ceriweke ehenhla ka Taboro.

Yeremiya 5:28

Va nonile va torile, na swona, va tlurisa hi ku biha loku nga vuriwiki; eku tengisiweni ka vaavanyisi, a va avanyiseri xisiwana, kambe va kateka; kutani a va hitekeri ku mangala ka xisiwana eku avanyiseni.

Levhitika 26:15

loko mi sandza ku lerisa ka mina, ni loko mimoya ya n'wina yi phiriwa hi ku lerisa ka mina, leswaku mi nga fambi hi milawu ya mina hinkwayo, ni leswaku mi tlula ntwanano wa mina,

Eksoda 3:16

Famba, u ya hlengeleta vakulukumba va Israele, u ku eka vona: ‘Yehovha, Xikwembu xa vatata wa n'wina, Xikwembu xa Abrahama, ni xa Isaka, ni xa Yakobo, xi tikombisile eka mina,’ xi ku: ‘Ndzi mi kambile kunene; ndzi vonile leswi mi endliwaka swona eEgipta,’

Swivuriso 18:5

A swi saseki ku ya hi nghohe ya mudyohi, Ku kaneta la lulameke eku avanyiseni.

Swivuriso 21:7

Ku onha ka vadyohi ku ta va phatlula, Hikuva va ala ku endla leswo lulama.

Ezekiele 44:23

Va ta dyondzisa tiko ra mina ku avanyisa swo kwetsima ni leswi nga kwetsimiki, va va tsundzuxa ku hlawula leswi nga tengangiki ni leswi tengeke.

Mikiya 1:1

Rito ra Yehovha leri byeriweke Mikiya wa Morexeta, enkarhini wa Yotamu, ni wa Akazi ni wa Hezekiya tihosi ta Yuda, byi ri vuprofeta ehenhla ka Samariya na Yerusalema.

Nehemiya 13:17

Ndzi holovela vakulu va Yuda ndzi ku eka vona: “Ku biha loko mi ku endlaka hi ku yini, loko mi nyamisa siku ra Savata-ke?

Swivuriso 17:23

Lowo biha u amukela nyiko leyi fihliweke etingubyini Ku voyamisa tindlela to lulama.

Amosi 5:7

N'wina lava dyisaka mbitsi eku avanyiseni ka n'wina, mi wisela vunene ehansi;