Mikiya 3:7 - Xitsonga (Bibele)

⁷ Vavoni va ta tsana, vangoma va ta khomiwa hi tingana, kutani va ta fihla malebvu ya vona hikuva a ku na nhlamulo leyi humaka eka Xikwembu.

BIBELE Mahungu Lamanene

⁷ Vamavonakule va ta nyuma, vavhumbhi va khomiwa hi tingana; hinkwavo va ta languta hansi, hikuva a ndzi nga va hlamuli mina Xikwembu.”

Mikiya 3:7 Referans Kwoze

Zakariya 13:4

Hi siku rolero vaprofeta va ta khomiwa hi tingana, un'wana ni un'wana hi ku bvumbha ka yena loko a ri karhi a profeta, a va nga ha ambali nguvu ya voya ku vula swa mavunwa.

Esaya 44:25

Ndzi endle ku bvumbha ka vangoma xilo xa hava, ndzi hlanyisa va bvumbhi, ndzi tlherisele ndzhaku tintlhari, ndzi hundzula vutlhari bya tona vuphukuphuku.

Amosi 8:11

“Vonani,” ku vula Yehovha, “ma ta masiku lawa ndzi nga ta rhumela ndlala emisaveni, yi nga ri ndlala ya vuswa, ni loko ri ri torha ra mati, kambe yi nga ndlala ya marito ya Xikwembu.

Ezekiele 24:17

U hefemuteka u ri karhi u wisile; u nga endli xirilo xa lava feke: u boha duku ra wena enhlokweni ya wena, u vehela ni tintanghu ta wena emilengeni ya wena, u nga funengeti malebvu ya wena, u nga dyi vuswa bya vanhu.”

1 SAMIELE 28:6

Sawulo a vutisa Yehovha, kambe Yehovha a nga n'wi hlamulanga nchumu, hambi ku ri milorhweni, hambi hi Urimi, hambi hi vaprofeta.

Levhitika 13:45

“Wa nhlokonho la nga ni vuvabyi lebyi, u ta ambala tinguvu leti handzuriweke, a nga funengeti nhloko; a tisirhelela malebvu, kutani u ta tshama a huwelela: ‘La yilaka, la yilaka!’

Mikiya 7:16

Matiko ma ta swi vona, ma ta khomiwa hi tingana hi matimba ya wona; ma ta tikhoma nomu hi voko, ma sivana tindleve.

Ezekiele 24:22

Mi ta endla kukotisa leswi ndzi endleke; mi nga ka mi nga funengeti malebvu ya n'wina, ni loko ku ri ku dya vuswa bya vanhu.

Pisalema 74:9

A ha ha voni swikombiso swa hina, A ka ha ri na muprofeta; Exikarhi ka hina, a ku na la tivaka leswaku ku ta yisa kwihi.

1 SAMIELE 28:15

Samiele a ku eka Sawulo: “U ndzi pfuxele yini hi ku ndzi tlhandlukisa xana?” Sawulo a ku: “Ndzi le khombyeni lerikulu, hikuva Vafilista va lwa na mina, kambe Xikwembu xi sukile eka mina, a xa ha ndzi hlamuli, hambi ku ri hi vaprofeta, hambi hi milorho. Kutani ndzi ku vitanile leswaku u ndzi tivisa leswi ndzi fanelaka ku swi endla.”

1 SAMIELE 14:37

Kavaloko Sawulo a vutisa Xikwembu, a ku: “Xana ndzi ta ngirimela ku landza Vafilista xana? U ta va nyiketa emavokweni ya Vaisraele-ke?” Kambe Xikwembu a xi n'wi hlamulanga nchumu siku leri.

1 SAMIELE 9:9

(Khale ka Vaisraele, loko va ya vutisa Xikwembu, a va ku: “Tanani, a hi yeni ka Muvoni,” hikuva muprofeta wa namuntlha a a thyiwa khale Muvoni.)

Eksoda 9:11

Kutani tin'anga ti tsandzeka ku endlisa sweswo emahlweni ka Muxe hikwalaho ka matshumba, hikuva tin'anga ta Vaegipta a ti ri ni matshumba swin'we ni Vaegipta hinkwavo.

Mikiya 3:4

Enkarhini lowo va ta huwelela eka Yehovha, kambe a nga va yingisi; u ta va fihlela mombo wa yena enkarhini lowo, hikuva va onhile ku famba ka vona.

Yeremiya 18:18

Va ri karhi va ku: “Tanani, hi endla makungu ku lovisa Yeremiya; hikuva nawu wu nga ka wu nga heri eka muprista, ni ku tsundzuxa ku nga ka ku nga heri eka la tlhariheke, ni loko ri ri rito eka muprofeta. Tanani, a hi n'wi tlhaveni hi ririmi, kutani hi nga anakanyi ku vulavula ka yena, ni kun'we.”