Mikiya 3:5 - Xitsonga (Bibele)

⁵ Ku vula Yehovha ematshan'weni ya vaprofeta lava xisaka tiko ra mina, volavo, loko va ha nhlampfunha hi meno va vula ku rhula, kambe loko va nga nyikiwanga nchumu, va ri pfuxela nyimpi.

BIBELE Mahungu Lamanene

⁵ Ku ni vaprofeta lava lahlekisaka vanhu va ka hina: Loko va nyikiwa swakudya va dya, va ri hinkwaswo swi lulamile, kambe loko va nga nyikiwi xo hoxa enon'weni, va pfuxa nyimpi. Eka vaprofeta lava, HOSI Xikwembu xi vurisa sweswo xi ri:

Mikiya 3:5 Referans Kwoze

Yeremiya 6:14

Kutani va ongola hi ku vevuka mbanga ya n'wana wa tiko ra mina. Va ku: ‘Ku rhurile, ku rhurile!’ Kasi a ku na ku rhula.

Yeremiya 23:32

Vonani, ndzi ni mitengo na lava profetaka milorho ya mavunwa, ku vula Yehovha, va yi vulavulaka ku hambuxa tiko ra mina hi mavunwa ya vona, ni ku tikanganyisa ka vona; kasi a ndzi va rhumanga, a ndzi va nyikanga ku lerisa; loko ku ri ku pfuna, a va pfuni tiko leri ha nchumu, ku vula Yehovha.

Varhoma 16:18

Hikuva lavo tano a va tirheli Hosi ya hina, Yesu Kriste, kambe va tirhela makhwiri ya vona ntsena; kutani va hambukisa timbilu ta lavo rivala hi marito lama tsakisaka, ma ku lwandla enon'wini.

Matewu 15:14

Va tshikeni, i vo fa mahlo lava fambisaka vo fa mahlo. Lowo fa mahlo loko a fambisa lowo fa mahlokulobye va ta wela ekheleni havambirhi.”

Matewu 7:15

“Hambanani ni vangoma va mavunwa lava taka eka n'wina va funengele nguvu ya nyimpfu kasi exikarhi ka timbilu ta vona, i timhisi leti bvanyengetaka.

Malakiya 2:8

Kambe n'wina mi hambukile ndlela, mi khunguvanyise lavo tala hi nawu; mi onhile ntwanano wa Levhi, ku vula Yehovha wa mavandla.

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Mikiya 2:11

Loko munhu a ri kona la fambelaka swahava, u xisa, a ku: “Ndzi ta ku bvumbhela vhinyo ni byalwa!” Muprofeta loyi a nga va yena la lulamelaka tiko leri.

Yeremiya 23:27

Xana va ni miehleketo ya leswaku va ta rivarisa tiko ra mina vito ra mina hi milorho ya vona leyi va yi vulavulaka, un'wana ni un'wana eka nakulobye, hilaha vatata wa vona va tshamaka va rivala vito ra mina hikwalaho ka Baali xana?

Esaya 3:12

Tiko ra mina ri xanisiwa hi swihlangi, ni vavasati va ri fuma. Tiko ra mina, vafambisi va wena va ku hambukisa ndlela, va onha ndlela leyi u fambaka eka yona.

Yuwele 3:9

Banani nkosi exikarhi ka matiko leswaku va hloma, va pfuxa tinhenha! A va te, a va tshinele, vavanuna hinkwavo va nyimpi!

Swivuriso 28:21

Ku ya hi nghohe ya vanhu a swi sasekanga. Hikwalaho ka xipandzwa xa vuswa munhu a nga tlula milawu.

Yeremiya 6:4

Sungulani ku lwa na yena; pfukani-ke hi khandziya ninhlekanhi! Hi ni khombo hina, hikuva dyambu ra pela, ni mindzhuti ya madyambu yi rhendzelekile.

Swirilo 2:14

Vaprofeta va wena va ku vonele mavunwa ni matlangwana, Kutani a va ku funungulelanga ku homboloka ka wena hinkwako, Leswaku va ta hambukisa vukhumbi bya wena; Kambe va ku komba swikombiso swa vunwa ni ku xisa.

Ezekiele 13:9

Voko ra mina ri ta va eka vaprofeta lava lorhaka swahava, lava profetaka mavunwa; va nga ka va nga tshamisi ehubyeni ya tiko ra mina; va nga ka va nga tsariwi ebukwini ya yindlu ya Israele va nga ka va nga ngheni etikweni ra Israele, hi kona mi nga ta tiva leswaku hi mina Hosi Yehovha.

Hosiya 4:5

Hikwalaho u ta wa ninhlekanhi, ni muprista a wa na wena nivusiku, kutani ndzi ta herisa mana wa wena.