Mikiya 2:7 - Xitsonga (Bibele)

⁷ Wena, yindlu ya Yakobo, xana mbilu ya Yehovha yi hatla ku kariha-ke? Xana hi wona mukhuva wa yena-ke? Marito ya mina a ma humesi vunene eka lava fambaka hi ku lulama xana?

BIBELE Mahungu Lamanene

⁷ Xana va ka Yakobo va rhuketeriwile hi Xikwembu xana? HOSI Xikwembu xa hela mbilu ke? Xi tirhisa sweswo ke? Xana marito ya xona a hi lawa ya pfunaka, loko munhu a hanya hi ndlela yo lulama xana?”

Mikiya 2:7 Referans Kwoze

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Yeremiya 15:16

Hikuva marito ya wena, loko ma ndzi kuma, ndzi tidyela wona, hikuva marito ya wena i ku rhula ni ku tsaka ka mbilu ya mina; hikuva ku khongeriwile vito ra wena ehenhla ka mina, wee Yehovha Xikwembu xa tinyimpi!

Pisalema 15:2

Hi la hanyaka eku lulameni, a endla leswi lulameke, Kutani a vula leswi tiyeke hilaha swi nga kona embilwini ya yena.

Zakariya 4:6

Kutani a ndzi byela, a ku: “I rito ra Yehovha eka Zerubabele, ri nge: Ku nga ka ku nga vi hi nyimpi ni matimba, kambe hi Moya wa mina, ku vula Yehovha wa tinyimpi!

Hosiya 14:9

Hi wihi lowa vutlhari, la nga twisisaka timhaka leto, ni la nga ni ku anakanya, leswaku a ti tiva? Hikuva tindlela ta Yehovha ti lulamile; lava lulameke va ta famba eka tona, kambe vatiarisi va ta khunguvanyeka eka tona.

Esaya 50:2

Ndzi tile, kasi a ku nga ri na munhu ha yini-ke? Ndzi huwelerile, a ku hlamulanga munhu ha yini-ke? Xana voko ra mina ri komile leswaku ndzi nga swi koti ku mi ponisa, kumbe a ndzi na matimba ya ku mi ponisa xana? Vona, hi ku ri wumeta ndza omisa lwandle, milambu ndza yi endla emananga; tinhlampfi ta yona ti ta bola hi ku pfumala mati, ti fa hi torha;

Swivuriso 28:18

La fambaka eku lulameni u ta hlayiseka; Kambe wa ku homboloka, wa tindlela timbirhi, u ta wa xikan'we.

Swivuriso 10:29

Ndlela ya Yehovha i khokholo eka la tengeke, Kambe eka lavo homboloka i ku lova ntsena.

Swivuriso 10:9

La fambaka hi ku lulama u famba hi ku rhula, Kambe la homboloxaka mafambele ya yena u ta tiviwa.

2 Timotiya 3:5

va ni nghohe ya vukhongeri, kambe va arile matimba ya byona. Na vona, u va fularhela.

2 Vakorinto 6:12

a mi manyanangi endzeni ka hina, kambe mi manyanisa endzeni ka n'wina;

Varhoma 7:13

Xana lexo saseka xi ndzi hundzukele rifu xana? A swi tano! Kambe hi byona vudyoho lebyi ndzi dleleke hi leswo saseka, swi ta vonaka leswaku i vudyoho, byi va byi humesa ku biha ka byona hi ku tlurisisa, hikwalaho ka ku lerisa.

Yohane 8:39

Va hlamula, va ku eka yena: “Tata wa hina i Abrahama.” Yesu a ku eka vona: “Loko ngi mi ri vana va Abrahama, a mi ta endla mitirho ya Abrahama.

Matewu 3:8

Loko swi ri tano, vekani mihandzu leyi fanelaka ku hundzuka.

Mikiya 3:9

Yingisani, n'wina tihosi ta yindlu ya Yakobo, na n'wina, tihosi ta Israele, n'wina mi sandzaka ku lulama, mi hundzuluxaka eka hinkwaswo leswi lulameke;

Yeremiya 2:4

Yingisani rito ra Yehovha, n'wina yindlu ya Yakobo, na n'wina tinxaka hinkwato ta yindlu ya Israele.

Esaya 58:1

“Huwelela hi matimba, u nga feleri rito ra wena, ri tlakuse tanihi nanga ku tivisa tiko ra mina e vudyoho bya rona, ni yindlu ya Yakobo swivi swa yona!

Swivuriso 14:2

La fambaka hi ku lulama u chava Yehovha, Kambe la homboloxaka tindlela ta yena wa n'wi tsan'wa.

Swivuriso 2:7

U hlayisela lavo lulama ku kateka, A va xitlhangu eka lava fambaka eku lulameni.

Pisalema 119:65

Yehovha, u endlela nandza wa wena hi vunene, Hi laha u n'wi tshembiseke hakona.

Tinhlayo 11:23

Yehovha a ku eka Muxe: “Xana voko ra Yehovha ri komile xana? U ta vona sweswi kumbe rito ra mina ri ta endleka, kumbe a ri nga endleki.”

Pisalema 119:68

U nene, wa hanana; Ndzi dyondzise timfanelo ta wena.

Pisalema 18:26

La baseke, u n'wi endla hi ku basa ka wena, Kambe lowo homboloka u n'wi endla hi ku homboloka ka yena.