Mikiya 2:2 - Xitsonga (Bibele)

² Va rhandza ku titekela masimu ni tindlu; kutani va pfukela wanuna ni yindlu ya yena, ni munhu la nga ni ndzhaka ya yena.

BIBELE Mahungu Lamanene

² Vanhu lava, loko va navela masimu kumbe tindlu, vo tekela van'wana hi nkanu. Va xanisa munhu ni ndyangu wa yena, va n'wi tekela leswi nga ndzhaka ya yena.

Mikiya 2:2 Referans Kwoze

Esaya 5:8

Va ni khombo lava engetelaka tindlu eka tindlu, lava hlanganisaka masimu hi masimu, mpfhuka wu ko wu hela, mi va n'wina mi ri swenu vini va tiko!

Amosi 8:4

Yingisani mhaka leyi, n'wina lava tiyiselaka ku dya xisiwana ni ku lovisa vapfumari etikweni; n'wina lava nge: “Siku ra ku tshama ka n'weti ri ta hundza rini, hi ta xavisa mavele?

Yeremiya 22:17

“Kasi wena a ku na mahlo, hambi yi ri mbilu, loko yi nga ri ya ku phanga ni ku halata ngati leyi nga riki na nandzu, ni ku tirha ku karhata, ni ku pfukela vanhu matimba.”

Ezekiele 18:12

loko a xanisa xisiwana ni mupfumari, loko a yiva, loko a nga tlheriseli n'wini mali ya ku tiyisa ka yena, loko a tlakusa mahlo eka swifaniso swa swikwembu swahava, a endla manyala,

1 Timotiya 6:10

Hikuva rirhandzu ra rifuwo i rimitsu ra vudyoho hinkwabyo; van'wana, hi ku ri navela, va lahlekeriwe hi ku pfumela, kutani va titlhavile hi mahlomulo layo tala.

Matewu 23:13

“Kasi mi ni khombo n'wina vatsari ni Vafarisi, vamanyunyu, hikuva mi pfalela vanhu ku fuma ka matilo; kambe n'wina a mi ngheni kona kutani lava rhandzaka ku nghena a mi va pfumeleri ku nghena.

Malakiya 3:5

Ndzi ta tshinela eka n'wina ku endla ku avanyisa, ndzi va mbhoni leyi hatlisaka eka timhaka ta vangoma ni vaoswani, ni lava hlambanyaka hi mavunwa, ni lava tekaka hakelo ya la hakeriwaka, ni ya noni, ni ya xisiwana, ni lava hambukisaka wamatiko, ni lava nga ndzi chaviki, ku vula Yehovha wa mavandla.

Mikiya 3:9

Yingisani, n'wina tihosi ta yindlu ya Yakobo, na n'wina, tihosi ta Israele, n'wina mi sandzaka ku lulama, mi hundzuluxaka eka hinkwaswo leswi lulameke;

Ezekiele 22:12

Eka wena, ku amukeriwa tinyiko leswaku ku ta ta halatiwa ngati; u teka bindzu ni ku andzisa, u humesisa warikwenu mali hi ku vutla, u ri karhi u ndzi rivala, ku vula Hosi Yehovha.

2 TIHOSI 9:26

‘Kukotisa loko ndzi vonile tolo ngati ya Naboto, ni ngati ya vana va yena, ndzi ta ku tlherisela sweswo ensin'wini yoleyo,’ ku vula Yehovha. Sweswi, n'wi tlakule u n'wi cukumeta ensin'wini yoleyo hilaha Yehovha a nga vula hakona.”

Eksoda 20:17

“U nga tshuki u navela yindlu ya warikwenu, u nga tshuki u navela nsati wa yena, hambi a ri nandza wa yena wa wanuna, kumbe wa wansati hambi yi ri homu ya yena, hambi yi ri mbhongolo ya yena, hambi xi ri xilo xin'wana xa warikwenu.”

Ntirho 31:38

“Loko ngi nsimu ya mina ya ndzi hehla, Ni loko tindzima ta yona ti humesa mihloti;

1 TIHOSI 21:1

Endzhaku ka timhaka leti, waswivo, Naboto wa Yizriele a a ri ni nsimu ya vhinya eYizriele, kusuhi ni yindlu ya vuhosi ya Akabu, hosi ya Samariya.

Ezekiele 8:17

A ku eka mina: “Xana u swi vonile, wena, n'wana wa munhu? Xana i xilo lexitsongo eka yindlu ya Yuda, manyala lawa va ma endlaka halenu? Va tatisa tiko hi vuhunguki bya vona, va nga tshiki ku ndzi pfuka hi byona. Vona, va tshineta rhavi etinhompfini ta vona!

Ezekiele 22:13

“Vona, hilaha ndzi beke mandla ya mina hikwalaho ka ku phanga ka wena loku u ku endleke, ni hikwalaho ka ngati ya wena leyi ingi yi ri kona exikarhi ka wena.

Ezekiele 33:26

Mi titiyisa hi fumu ra n'wina, mi endla manyala, un'wana ni un'wana wa n'wina u nyamisa nsati wa warikwavo; kutani mi ri, mi ta fuma tiko xana?

Ezekiele 46:18

Hosi yi nga ka yi nga teki nchumu endzhakeni ya munhu, hi ku n'wi hlongola eka leswi a swi fumeke; yi ta teka leswi yi swi fuweke ku endla ndzhaka ya vana va yena, leswaku ku nga tshuki ku va na munhu etikweni ra mina la hlongoriwaka eka leswi a swi fumeke.”

Amosi 2:7

va navela ku vona ntshuri wa misava ehenhla ka nhloko ya xisiwana kutani va gombonyokisa timhaka ta lava nga ekhombyeni; munhu ni tata wa yena va nghenela nsati a ri un'we ku sandzisa vito ra mina leri hlawuriweke,

Mikiya 6:12

Vafuwi va muti wolowo va tele ku xisa ni vaaki va wona va vulavula mavunwa; ririmi ra vona ra kanganyisa enon'wini wa vona.

Esaya 3:14

Yehovha wa sungula ku avanyisa vakulukumba va tiko ra yena ni tihosi ta rona, a ku: “Mi dyile nsimu ya vhinya, kasi leswi phangiweke eka swisiwana swi kona etindlwini ta n'wina!

Ezekiele 45:9

Hosi Yehovha u ri: Oho tihosi ta Israele, swi ringene! Tshikani ku leva ni ku phanga, endlani hi nawu ni ku lulama mi nga tshami mi xanisa tiko ra mina, ku vula Hosi Yehovha.

Amosi 4:1

“Yingisani rito leri, n'wina matswele ya Baxani, lama nga entshaveni ya Samariya, n'wina lava xanisaka lavatsongo, mi xanisaka swisiwana, mi nge eka vanuna va n'wina: ‘Tisani, hi nwa!’