Mikiya 1:6 - Xitsonga (Bibele)

⁶ Ku dyoha ka Yakobo i yini? Xana a hi Samariya? Ni swivandla leswi tlakukeke swa Yuda hi swihi? Xana a hi Yerusalema? Hikwalaho ndzi ta hundzula muti wa Samariya, wu kotisa nhulu wa maribye ensin'wini, laha ku nga rimiwa kona tivhinya; kutani ndzi cukumeta maribye ya kona enkoveni ndzi funungula masungulo ya wona.

BIBELE Mahungu Lamanene

⁶ Hikokwalaho HOSI Xikwembu xi ri: “Ndzi ta herisa muti wa Samariya, wu sala wu ri rhumbi; wu ta hundzuka rivala leri va nga ta byala vhinya eka rona; maribye ya rirhangu ra wona, ndzi ta ya ma hoxa enkoveni, masungulo ya muti ma ta sala erivaleni.

Mikiya 1:6 Referans Kwoze

Ezekiele 13:14

Ndzi ta wisa khumbi leri mi nga ri vuyeta hi ndzhope, ndzi ri wisela ehansi, kutani masungulo ya rona ma ta voneka; ri ta wa, kutani mi ta dlawa hi ku wa ka rona; mi ta tiva leswaku hi mina Yehovha.

Mikiya 3:12

Hikwalaho ka nandzu wa n'wina, Siyoni u ta rimiwa kukota nsimu, Yerusalema, u ta kotisa nhulu ya maribye, ni ntshava ya yindlu ya Yehovha yi hundzuka ntshava leyi teleke hi mirhi.

Swirilo 4:1

Xana nsuku wu hundzukisile ku yini ntima? Nsuku lowu nga ringiwa endzilweni wu hundzukisile mavala hi yini? Maribye ya vukwetsimelo ma hangalasile ku yini Emitsendzeleni hinkwayo xana?

2 TIHOSI 19:25

“ ‘A ku swi twangi hilaha ndzi lunghiseke swilo leswi khale xana? Ndzi swi kanerile emasikwini ya khale ngopfu; sweswi ndzi swi tshika, swi humelela leswaku u endla marhumbi hi miti ya makhokholo.

Matewu 24:2

Kambe Yesu a ku: “A mi swi voni leswi hinkwaswo xana? Kunene ndzi ri eka n'wina: Ku nga ka ku nga tshikiwi ribye ehenhla ka ribye rin'wana leri nga taka ri nga mbundzuxiwi.”

Habakuku 3:13

U humela ku ponisa tiko ra wena, ku ponisa mutotiwa wa wena! U faya xihlungwana xa yindlu ya lowo biha, u va u mbundzuxa masungulo ya yona u yi onha ku fika elwangwini.

Amosi 5:11

Hikwalaho, leswi mi kandziyelaka lontsongo, mi teka koro ya yena hi nsele; hambiloko mi akile tindlu hi maribye lama vatliweke, mi nga ka mi nga tshami eka tona; ni loko mi simekile tivhinya leto saseka, mi nga ka mi nga nwi vhinyo ya tona.

Hosiya 13:16

Samariya u ta tshinyiwa hikuva u tiarisile eka Xikwembu xa yena. Va ta dlawa hi fumu; tirisana ta vona ti ta fayiwa, ni vasati va vona lava tikeke va ta handzuriwa.

Yeremiya 51:37

kutani Babilona u ta va nhulu ya maribye ni vuako bya timhungubye, xihlamariso, ni xisandzu, laha ku nga akiwiki kona.

Yeremiya 51:25

“Vona, ndzi ta eka wena, ntshava ya ku onhaka, ku vula Yehovha, wena la onhaka misava hinkwayo; ndzi ta tshambuluta voko ra mina ehenhla ka wena, ndzi ku wisa emaribyeni, kutani ndzi ku hundzula ntshava leyi hisiweke;

Yeremiya 9:11

“Ndzi ta endla hi Yerusalema, tinhulu ta maribye ni ndhawu ya timhungubye; ni miti ya Yuda, ndzi ta yi endla rhumbi leri pfumalaka muaki.”

Esaya 25:12

Kutani Yehovha u ta mbundzuxa khokholo ra rirhangu ra wena leri tlakukeke u ta ri solovanya, a ri wisela ehansi entshurini.

Esaya 25:2

Hikuva hi muti u endlile nhulu ya maribye, hi muti wa khokholo u endlile rhumbi; vuako bya vamatiko a bya ha ri muti, a byi nga ha pfuxiwi.

2 SAMIELE 17:13

Kungakuloko a ya chavela emutini wun'wana, Vaisraele hinkwavo va ta tisa tingoti emutini lowu, hi wu koka enambyeni, ku nga sali ni ribye rin'we eka wona.”

Esaya 17:1

“Vonani, Damaska u ta tshikiwa ku vuriwa muti, u ta va nhulu ya marhumbi.

Yeremiya 31:5

Wa ha ta rima tivhinya etintshaveni ta Samariya; varimi va tona va ta rima, va tidyela mihandzu ya tona.

2 TIHOSI 18:9

Hi lembe ra vumune ra ku fuma ka Hezekiya, ri nga lembe ra ntlhanu na mambirhi ra Hoxeya, n'wana Ela, hosi ya Israele, Xalimanezere, hosi ya Asiriya a tlhandlukela eSamariya, a wu rhendzela.

2 TIHOSI 18:10

Loko ku hundzile malembe manharhu, va wu teka; hi lembe ra ntlhanu na rin'we ra Hezekiya, ri nga lembe ra ntlhanu na mune ra Hoxeya, hosi ya Israele, Samariya wu ngheniwa.

Amosi 6:8

Hosi, Yehovha, u hlambanyile hi moya wa yena, a ku: Ku vula Yehovha, Xikwembu xa tinyimpi: “Ndzi vengile ku tikurisa ka Yakobo, ndzi yila tindlu ta yena ta vuhosi; ndzi ta nyiketa valala muti ni hinkwaswo leswi nga eka wona.”