Matewu 9:38 - Xitsonga (Bibele)

³⁸ Khongelani hakona hosi ya ku tshovela, leswaku yi rhuma vatirhi eku tshoveleni ka yona.”

BIBELE Mahungu Lamanene

³⁸ Hikokwalaho, khongelani N'wini wa ntshovelo, leswaku a rhuma vatirhi eku tshoveleni ka yena.”

Testamente Leyimpsha Xichangana

³⁸ Hikolaho, kombelani ka N'winyi wa ntshovelo, lesvaku arhuma vatirhi kutshoveleni ka yena.”

Matewu 9:38 Referans Kwoze

Yeremiya 3:15

Ndzi ta mi nyika varisi lava tsakisaka mbilu ya mina, va ta mi risa hi ku tiva ni ku anakanya.

2 Vatesalonika 3:1

Loko swi ri tano, vamakwerhu, hi khongeleleni, leswaku rito ra Hosi ri tsutsuma, ri dzunisiwa hinkwako kukotisa eka rikwenu;

Timhaka 13:2

Kakuloko va ri karhi va tirha ntirho wa Hosi, va titsona swakudya, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Yohane 20:21

Yesu a engeta a ku eka vona: “Ku rhula a ku ve na n'wina! Kukotisa leswi Tatana a ndzi rhumeke, na mina ndzi mi rhumisa sweswo.”

Timhaka 8:4

Kutani lava ingi va hangalasiwile, a va ri karhi va vula rito hinkwako laha va yaka kona.

Pisalema 68:11

Hosi yi letele rito, Kutani vavasati lavo tala va vika mahungu lamanene,

Mikiya 5:7

Lava seleke va ka Yakobo va ta va exikarhi ka matiko lamanyingi kukotisa mberha leyi humaka eka Yehovha, ni mathonsi lama nga ehenhla ka byanyi; lama nga languteleki ku lerisa ka munhu, hambi ku ri ku fumiwa hi vana va vanhu.

Vaefesa 4:11

Kutani wa ha ri yena la nyikeke van'wana va va vaapostola, van'wana vaprofeta van'wana vavuri va Evhangeli, van'wana varisi ni vadyondzisi,

1 Vakorinto 12:28

Kutani valavo Xikwembu xi va vekeke eKerekeni, eku sunguleni i vaapostola; va vumbirhi i vaprofeta; va vunharhu i vafundhisi; kutani ku vekiwe va masingita, ni tinyiko leti hanyisaka, ni mitirho ya ku pfuna swisiwana, ni ku fambisa, ni tinxaka ta tindzimi.

Pisalema 68:18

U tlhandlukele ehenhla, u yise vakhomiwa, U tekile tinyiko exikarhi ka vanhu, Ni le xikarhi ka lava tiarisaka, Leswaku ku va ni vuako bya Yehovha Xikwembu exikarhi ka vona.

Matewu 9:37

Hilaha a nge ka vadyondzisiwa va yena: “Ku tshovela kukulu, kambe vatirhi a hi vangani.

Yohane 4:35

Xana a mi hlayi leswaku ku sele tin'hweti ta mune, kutani ku ta tshoveriwa? Kambe ndzi ri eka n'wina: Tlakusani mahlo ya n'wina, mi languta masimu, hikuva ma vupfele ku tshoveriwa.