Matewu 9:35 - Xitsonga (Bibele)

³⁵ Kutani Yesu a tsendzeleka hi miti hinkwayo ni swimitana, a dyondzisa emasinagogeni ya kona, a vula Evhangeli ya ku fuma, a hanyisa mavabyi ni mikarhalo ya tinxakaxaka.

BIBELE Mahungu Lamanene

³⁵ Kutani Yesu a rhendzeleka ni miti hinkwayo ni swimitana hinkwaswo, a ri karhi a dyondzisa emasinagogeni ya vona, a twarisa Evhangeli ya Mfumo, a hanyisa hinkwavo lava xanisiwaka hi mavabyi ya tinxaka-xaka.

Testamente Leyimpsha Xichangana

³⁵ Kutani Yesu arhendzeleka hi madoropa ni svidoropana hinkwasvu, ali karhi ajondzisa masinagogeni ya vona, achumayela Evhangeli ya Mfumu, ahanyisa hinkwavu lava vaxanisiwaka hi mavabzi ya tinxakaxaka.

Matewu 9:35 Referans Kwoze

Timhaka 10:38

ti nga ta Yesu wa Nazareta, leswaku Xikwembu xi n'wi cherile hi Moya lowo Kwetsima ni matimba a va a famba hinkwako, a ri karhi a endla swinene, a horisa hinkwavo lava fumiweke hi Diyavulosi, hikuva Xikwembu a xi ri na yena.

Marka 6:56

Kambe hinkwako laha a nghenaka kona, emitaneni ni le mitini, ni le masin'wini, a va veka lava vabyaka emitsendzeleni, kutani va n'wi khongela leswaku a va pfumelela ku khumba ni loko ma ri makumu ka nguvu ya yena; kutani hinkwavo lava yi khumbeke va hanyisiwa.

Matewu 11:5

Vo fa mahlo va tlhela va vona, lavo khwita va famba, va nhlokonho va basisiwa, vo fa tindleve va yingisa, va ku fa va pfuka, swisiwana swi byeriwa Evhangeli;

Luka 13:22

Kavaloko a famba emitini ni le mitaneni, a ri karhi a dyondzisa, a khome ndlela ku ya eYerusalema.

Timhaka 2:22

“Vavanuna va Israele, yingisani timhaka leti: Yesu wa Nazareta wanuna loyi a kombisiweke eka n'wina hi Xikwembu hi mahlori, ni masingita, ni swikombiso leswi Xikwembu xi swi endleke ha yena exikarhi ka n'wina, hilaha mi swi tivaka hakona na n'wina,

Marka 6:6

Kambe a hlamala hi ku ka va nga pfumeri. Kutani a tifambela emitini leyi nga etlhelweni, a ri karhi a dyondzisa.

Matewu 11:1

Kuteloko Yesu a hetile ku lerisa vadyondzisiwa va yena lava khume na vambirhi, a suka kwalaho a ya dyondzisa ni ku hlavutela emitini ya tiko ra vona.

Matewu 10:1

Kutani loko a vitanele eka yena vadyondzisiwa va yena va khume na vambirhi, a va nyika matimba ya ku hlula mimoya leyo biha ni ku yi hlongolela ehandle, ni ku hanyisa ma vabyi hinkwawo, ni lava hlulekaka hinkwavo.

Marka 1:14

Kuteloko Yohane a bohiwile, Yesu a fika eGaleliya, a vula Evhangeli ya ku fuma ka Xikwembu, a ku: