Matewu 9:29 - Xitsonga (Bibele)

²⁹ Hilaha a khumbaka mahlo ya vona, a ku: “A ku endliwe ka n'wina hi ku pfumela ka n'wina.”

BIBELE Mahungu Lamanene

²⁹ Hiloko a khumba mahlo ya vona, a ku: “Mi ta endleriwa hilaha mi pfumelaka hakona.”

Testamente Leyimpsha Xichangana

²⁹ Hi loko akhumba mahlo ya svona, aku: “Mitayendleliwa hilaha mipfumelaka hakona.”

Matewu 9:29 Referans Kwoze

Matewu 15:28

Yesu a hlamula, a ku eka yena: “Wansati, ku pfumela ka wena kukulu! A ku endliwe eka wena hilaha u rhandzaka hakona.” Kutani n'wana wa yena a hanya hi nkarhi wolowo.

Marka 10:52

Yesu a ku eka yena: “Suka, u famba, ku pfumela ka wena ku ku hanyisile.” Kutani a vona kan'we, a vuya a landza Yesu endleleni.

Matewu 9:22

kutani Yesu a rhendzeleka, a n'wi vona, a ku eka yena: “Tiyisa mbilu, n'wananga, ku pfumela ka wena ku ku ponisile.” Kutani hi nkarhi wolowo wansati loyi a hanya.

Matewu 8:13

Kwalaho Yesu a ku eka ndhuna ya dzana: “Muka, u endleriwile hilaha u pfumeleke hakona.” Kutani nandza wa yena a hanya enkarhini wolowo.

Matewu 20:34

Kavaloko Yesu a va twela vusiwana, a khumba mahlo ya vona; kutani hi nomu wolowo mahlo ya vona ma tlhela ma vona, kutani va n'wi landza.

Matewu 9:28

Kuteloko a nghene endlwini, lavo fa mahlo volavo va ta eka yena, kutani Yesu a ku eka vona: “Xana ma pfumela leswaku ndzi nga swi kota ku tirha ntirho lowo-ke?” Va ku eka yena: “Ina, Hosi!”