Matewu 9:26 - Xitsonga (Bibele)

²⁶ Mhaka leyi yi tshama yi twakala etikweni lero hinkwaro.

BIBELE Mahungu Lamanene

²⁶ Mahungu ya mhaka yoleyo ma twakala etikweni rero hinkwaro.

Testamente Leyimpsha Xichangana

²⁶ Marungula ya mhaka yoleyo matwakala tikweni lero hinkwaru.

Matewu 9:26 Referans Kwoze

Matewu 4:24

Kutani ku twakala ka yena ku hangalaka eSiriya hinkwako. Va tisa eka yena hinkwavo lava nga tsakangiki, ni lava xanisekaka hi vuvabyi bya tinxakaxaka ni nhlomulo, ni lava ngi va ri ni rihuhu ra mademona, ni lava ngi va ri ni rihuhu ra n'weti, ni lava omeke swirho; yena a va hanyisa.

Marka 1:45

Kambe yena loko a sukile, a sungula ku vula timhaka leto tala, a hangalasa leswi endliweke; kutani Yesu a tsandzeka ni ku nghena emutini a nga tiviwi, kambe a titshamela handle emananga, kutani vanhu va huma ematlhelweni hinkwawo, va va ka yena.

Timhaka 26:26

Hikuva hosi ya ti tiva swinene leti, kutani ndzi ti vula emahlweni ka yona hi ku tiya, hikuva ndza tshemba leswaku a ku na yin'we ya tona leyi sirheleke eka yona, hikuva etimhakeni leti, a ku na nchumu lowu endliweke exihundleni.

Marka 6:14

Kute hosi Heroda, loko a twile timhaka ta Yesu (hikuva vito ra yena a ri twakala ngopfu), a ku: “I Yohane Mukhuvuri u pfukile eku feni”; hikwalaho a nga ni matimba ya ku endla masingita.

Matewu 9:31

Kambe loko va humile va hangalasa ntwalo wa yena etikweni rolero hinkwaro.

Marka 1:28

Ku twakala ka yena ku hatlisa ku hangalaka hi matlhelo hinkwawo ya Galeliya.

Luka 4:14

Yesu a tlhelela eGaleliya hi matimba ya Moya; kutani ku twakala ka yena ku tiviwa ematlhelo hinkwawo ya tiko lero.

Luka 4:37

Kwalaho xidzumo xa yena xi twakala hi matlhelo hinkwawo ya tiko lero.

Luka 5:15

Kutani ku twakala ka yena ku engeteleka ku hangalaka; vunyingi lebyikulu byi ta ku n'wi yingisela ni ku horisiwa hi yena mavabyi ya vona.

Luka 7:17

Kutani mhaka leyi, yi twakala hinkwako eYudiya, ni le tikweni hinkwaro ra matlhelo.