Matewu 9:23 - Xitsonga (Bibele)

²³ Yesu, kuteloko a fikile endlwini ya hosanyana, a vona lava ririsaka tinanga, ni vanhu lavo tala va endlaka pongo lerikulu,

BIBELE Mahungu Lamanene

²³ Kutani loko Yesu a fika emutini wa murhangeri ni loko a vona lava chayaka switiringo ni ntshungu lowu pfilunganeke,

Testamente Leyimpsha Xichangana

²³ Kutani loko Yesu afika kaya ka murhangeli ni loko avona lavachayaka svitiringo ni xitshungu lexibaka huwa

Matewu 9:23 Referans Kwoze

2 TIKRONIKA 35:25

Yeremiya a thya risimu ra ku rila Yosiya; vayimbeleri va xinuna ni va xisati va vurile timhaka ta Yosiya etinsin'wini ta vona ku fika ni namuntlha; va wu endla nawu eka Vaisraele; kutani maswivo, timhaka leti ti tsariwile ebukwini ya tinsimu ta mikosi.

Timhaka 9:39

Kutani Petro a suka, a famba na vona. Kuteloko a fikile, va n'wi yisa endlwini leyi nga ehenhla; kutani vavasati va tinoni hinkwavo va ta eka yena, va ri karhi va rila, va n'wi komba mikhancu ni tinguvu leti Dorkasi a nga va rhungela tona loko a ha ri na vona.

Luka 7:32

Va fana ni swihlangi leswi tshamaka entsendzeleni, swi huwelelana, swi ku: ‘Hi mi yimbele nanga, kambe a mi cinanga; hi mi yimbele mahlomulo, kambe a mi rilanga.’

Matewu 11:17

‘Hi mi bele nanga, kambe a mi cinanga; hi mi yimbelele maxangu, kambe a mi rilanga.’

Yeremiya 16:6

Va ta fela etikweni leri, lavakulu ni lavatsongo, va nga ka va nga yimberiwi, va nga ka va nga rileriwi; kambe a va nga titlhaveri, a va nga tibyewuri hikwalaho ka vona.

Ezekiele 24:17

U hefemuteka u ri karhi u wisile; u nga endli xirilo xa lava feke: u boha duku ra wena enhlokweni ya wena, u vehela ni tintanghu ta wena emilengeni ya wena, u nga funengeti malebvu ya wena, u nga dyi vuswa bya vanhu.”

Timhaka 20:10

Kambe Pawulo a xika, a korhama ehenhla ka yena, a n'wi khumbarheta, a ku: “Rhulani, hikuva moya wa yena wa ha ri ka yena.”

Nhlavutelo 18:22

Kutani rito ra lava yimbaka tiharipa, ni ra lava yimbaka timbila, ni tinanga, ni timhalamhala, a ri nga ha twakari eka wena; a ku nga ha kumiwi eka wena ni munhu la tirhaka ntirho wihi ni wihi, hambi wu ri mpfumawulo wa ribye ro sila, a wu nga ha twakari eka wena.