Matewu 9:14 - Xitsonga (Bibele)

¹⁴ Enkarhini wolowo vadyondzisiwa va Yohane va ta eka yena, va ku: “Hina ni Vafarisi hi titsonela yini swakudya, kasi vadyondzisiwa va wena a va titsoni swona xana?”

BIBELE Mahungu Lamanene

¹⁴ Enkarhini wolowo vadyondzisiwa va Yohane va ta ka yena va ku: “Swi endlisa ku yini leswaku hina ni Vafarisi hi tala ku titsona swakudya, kasi vadyondzisiwa va wena vona va nga titsoniki ke?”

Testamente Leyimpsha Xichangana

¹⁴ Nkarhini wolowo vajondzisiwa va Yohani vata ka yena vaku: “Sviyendlisa kuyini lesvaku hina ni Vafarisi hitolovela kutitsona svakuja; na vajondzisiwa va wena vona, vangatitsoniki ke?”

Matewu 9:14 Referans Kwoze

Matewu 6:16

“Kutani loko mi titsona swakudya, mi nga tshuki mi fana ni vamandzendze lava khwanyalaka mimombo; hikuva va tionha nghohe va ku va ta voniwa hi vanhu leswaku va titsonile swakudya. Kunene ndza mi byela leswaku va kumile hakelo ya vona.

Yohane 3:25

Kutani ku humelela ku kanetana emhakeni ya ku tibasisa exikarhi ka vadyondzisiwa va Yohane ni Vayuda.

Yohane 4:1

Kuteloko Hosi yi tiva leswaku Vafarisi va twile vanhu va ku: “Yesu u tlula Yohane hi ku endla vadyondzisiwa,

Matewu 11:2

Kambe Yohane kakuloko a ri ekhotsweni, a twa mitirho ya Kriste, kutani a rhuma vadyondzisiwa va yena vambirhi eka Yesu, va ku eka yena:

Swivuriso 20:6

Lava tivulaka vunene va tele, Kambe munhu la tshembekaka a nga kumiwa hi mani?

Matewu 9:15

Yesu a ku eka vona: “Xana tinxangwana ta muteki ti nga rila, loko muteki a ha ri ka tona xana? Kambe wa ta nkarhi lowu muteki a nga ta susiwa eka vona, hi kona va nga ta titsona swakudya.