Matewu 6:9 - Xitsonga (Bibele)

⁹ “N'wina khongerisani xisweswo: ‘Tata wa hina la nga ematilweni, vito ra wena a ri hlawuriwe,

BIBELE Mahungu Lamanene

⁹ “N'wina ke, khongelani hi mukhuva lowu, mi ku: “ ‘Tata wa hina la nge matilweni, vito ra wena a ri hlawuleke;

Testamente Leyimpsha Xichangana

⁹ N'wina-ke, khongelani hi ndlela leyi, miku: “Tatana wa hina lweyi anga matilweni, vito ra wena arihlawuleke;”

Matewu 6:9 Referans Kwoze

Nhlavutelo 4:11

“Hosi ni Xikwembu xa hina, u lulameriwe hi ku kwetsima, ni xichavo, ni matimba, hikuva u tumbuluxile swilo hinkwaswo, kutani swi kona, kambe swi tumbuluxiwe hi ku rhandza ka wena.”

Varhoma 8:15

Hikuva a mi nyikiwanga moya wa vukhumbi, leswaku ku chava ku va kona kambe mi nyikiwile moya wa lava vekiweke vana, lowu hi huwelelaka ha wona, hi ku: “Abba, Tatana!”

Ezekiele 36:23

Ndzi ta kwetsimisa vito ra mina lerikulu leri nga ni tingana exikarhi ka matiko lawa mi nga ri nyamisa eka wona, kutani matiko ma ta swi tiva leswaku hi mina Yehovha, ku vula Hosi Yehovha, loko ndzi ta kwetsimisiwa ha n'wina emahlweni ka vona.

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Pisalema 111:9

U rhumele tiko ra yena ku tshunxeka; U lerisile ntwanano wa yena hi laha ku nga heriki; Vito ra yena ri hlawulekile, ra chaviseka.

Esaya 64:8

Kambe sweswi, o Yehovha, u tata wa hina; hina hi vumba, wena u loyi a hi vumbeke, hinkwerhu hi ntirho wa mavoko ya wena.

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Vagalatiya 4:6

Kutani leswi mi nga vana, Xikwembu xi rhumile etimbilwini ta n'wina, Moya wa N'wana wa xona, lowu huwelelaka: “Abba,” hileswaku “Tatana!”

Esaya 6:3

A tihuwelelana, ti ku: “Wa kwetsima, wa kwetsima, wa kwetsima, Yehovha wa tinyimpi! Misava hinkwayo yi tele hi ku kwetsima ka yena.”

Nhlavutelo 5:12

“Xinyimpfana lexi tlhaviweke xi lulameriwe ku teka vuhosi, ni vukosi ni vutlhari, ni matimba, ni xichavo ni ku kwetsima, ni ku khensiwa.”

Pisalema 115:3

Xikwembu xa hina xi le matilweni, Xi endla hinkwaswo leswi xi swi rhandzaka.

Nehemiya 9:5

Kutani Valevhi na Yexuwa, Kadimiele, Bani, Haxabiniya, Xerebiya, Hodiya, Xebaniya, na Petahiya, va ku: “Yimani, mi vonga Yehovha Xikwembu xa n'wina, hilaha ku nga heriki, ku vongiwa vito ra wena lero kwetsima leri tlakukeke ehenhla ka ku vonga hinkwako ni tinsimu hinkwato!

Matewu 7:11

Kasi n'wina va tihanyi, loko mi tiva ku nyika vana va n'wina swilo leswinene, ngopfungopfu Tata wa n'wina wa le matilweni, a ta nyika leswinene eka lava kombelaka eka yena.

Esaya 63:16

Hambiswiritano, u tata wa hina, hikuva Abrahama a nga hi tivi, na Israele a nga hi tivisisi; wena Yehovha, u tata wa hina, vito ra wena i mukutsuri wa hina hi masiku.

Pisalema 72:18

A ku khensiwe Yehovha, Xikwembu xa Israele, La endlaka swihlamariso a ri swakwe!

Matewu 26:29

Kambe ndzi ri eka n'wina: Ku sungula sweswi, a ndzi nga ha nwi lexi velekiwaka hi vhinya, ku ko ku fika siku leri ndzi nga ta xi nwa na n'wina xi ri xintshwa, eku fumeni ka Tatana.”

Matewu 23:9

Kambe mi nga tshuki mi vula munhu la emisaveni, tatana, hikuva i un'we ntsena la nga Tata wa n'wina, hi loyi a nga ematilweni.

Matewu 5:16

Ku vonakala ka n'wina a ku voningise vanhu sweswo, va ta vona mitirho ya n'wina leyo saseka, va dzunisa Tata wa n'wina la nga etilweni.

2 TIKRONIKA 20:6

kutani a ku: “Oho! Yehovha, Xikwembu xa vatata wa hina, a hi wena Xikwembu xa matilo, ni mufumi wa matiko hinkwawo xana? Evokweni ra wena ku ni matimba ni ntamu, a ku na munhu la tivaka ku lwa na wena.

Luka 15:18

Ndzi ta pfuka, ndzi ya eka tatana, ndzi ta ku eka yena: “Tatana, ndzi dyohele tilo na wena,

Zakariya 14:9

Yehovha u ta va hosi ya misava hinkwayo hi siku rolero Yehovha u ta va un'we ni vito ra yena ri va rin'we.

1 TIHOSI 8:43

Wena, yingisa u ri ematilweni, laha u akeke kona, u tirha, u nyika muluveri loyi, hinkwaswo leswi a nga ta swi kombela eka wena, leswaku matiko hinkwawo ya misava ma tiva vito ra wena, ma ku chava kukotisa tiko ra wena ra Israele, ma ta tiva leswaku vito ra wena ri khongeriwa eNdlwini leyi ndzi yi akeke.

Habakuku 2:14

Hikuva misava yi ta tala hi ku tiva ka ku kwetsima ka Yehovha, ku fana ni mati loko ma funengeta lwandle.

Ezekiele 38:23

Kutani ndzi ta titwarisa ni ku tikwetsimisa, ndzi ta titivisa emahlweni ka matiko lamanyingi, ma ta tiva leswaku hi mina Yehovha.

1 TIKRONIKA 17:24

Vito ra wena a ri tshembisiwe, a ri dzunisiwe hi masiku; leswaku va ku: ‘Yehovha wa mavandla, Xikwembu xa Israele hi xona Xikwembu eka Israele!’ Kutani yindlu ya Davhida, nandza wa wena, yi ta tiyisiwa emahlweni ka wena.

2 SAMIELE 7:26

A va dzunise vito ra wena hi masiku, va ku: ‘Yehovha wa mavandla i Xikwembu xa Israele!’ Yindlu ya nandza wa wena Davhida a yi tiyisiwe emahlweni ka wena.

1 Petro 1:17

Kutani loko mi khongela, mi vula Tatana loyi a nga yiki hi nghohe, kambe a avanyisa un'wana ni un'wana hi mitirho ya yena, hanyani hi ku chava enkarhini wa ku xwa ka n'wina la emisaveni.

1 Timotiya 6:16

a nga yena a ri swakwe la nga riki wa ku fa, la tiakeleke eku vonakaleni laha ku nga tshineleriwiki, loyi ku nga riki na munhu exikarhi ka vanhu la n'wi voneke ni la nga n'wi vonaka; loyi ku chaviwa ni matimba lama nga heriki swi nga eka yena. Amen!

Luka 15:21

Kutani n'wana a ku eka yena: ‘Tatana, ndzi dyohele tilo na wena, a ndzi fanelanga ku tshama ndzi vuriwa n'wana wa wena.’

Luka 2:14

“Ku kwetsima a ku ve eka Xikwembu ematilweni ya le henhla, ku tsaka a ku ve emisaveni eka vanhu lava khensiwaka.”

Esaya 66:1

Yehovha u vulavula sweswo, a ku: “Matilo i xiluvelo xa mina, ni misava i vunavelo bya mikondzo ya mina; hi yihi yindlu leyi mi nga ta ndzi akela Yona, ni xivandla xa ku wisa ka mina xi nga va xihi xana?

Matewu 6:14

Hikuva kungakuloko mi rivalela vanhu ku dyoha ka vona, Tata wa n'wina la nga ematilweni, u ta mi rivalela, na n'wina;

Matewu 6:6

Kambe wena, loko u khongela, nghena endlwini ya wena, kutakuloko u pfarile nyangwa, khongela Tata wa wena la nga exihundleni, kutani Tata wa wena la vonaka exihundleni u ta ku tlherisela erivaleni.

Matewu 5:48

Sweswo-ke, na n'wina, mi hamba mi hetiseka, kukotisa Tata wa n'wina la nga etilweni a hetisekeke.

Levhitika 10:3

Muxe a ku eka Aroni: “Hi lexi Yehovha a xi leriseke, loko a ku: ‘Ndzi ta kwetsimisiwa hi lava ndzi tirhelaka, ndzi dzunisiwa emahlweni ka tiko hinkwaro.’ ” Kambe Aroni a miyela.

Vagalatiya 1:1

Pawulo, muapostola, ku nga ri hi vanhu, hambi ku ri hi munhu ni un'we, kambe ku ri ha Yesu Kriste, ni Xikwembu, Tatana, la n'wi pfuxeke eku feni;

Yohane 20:17

Yesu a ku eka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu u ya va byela u ku, ndzi tlhandlukela eka Tatana a nga Tata wa n'wina, ni ka Xikwembu xa mina xi nga Xikwembu xa n'wina”.

Matewu 26:42

Kutani a tlhela a ya ra vumbirhi, a khongela, a ku: “Tatana, loko swi nga ka swi nga endleki leswaku xinwelo lexi xi hundza ekule na mina, ndzi nga nweri eka xona, a ku endliwe ku rhandza ka wena!”

Esaya 37:20

Sweswi Yehovha, Xikwembu xa hina, wanga hi ponisa evokweni ra Senakeribi, matiko hinkwawo ya misava ma ta tiva leswaku wena Yehovha u Xikwembu, wena ntsena!”

Varhoma 1:7

Eka n'wina hinkwenu mi nga le Rhoma, varhandziwa va Xikwembu mi vitaneriweke ku kwetsima: tintswalo ni ku rhula a swi ve na n'wina swi huma eka Xikwembu, Tata wa hina, ni le ka Hosi Yesu Kriste!

Matewu 10:29

“Xana swindzingiri swimbirhi a swi xaviwi hi peni yin'we ntsena? Kambe a ku nga wi xin'wana xa swona ehansi, loko ku nga ri hi ku rhandza ka Tata wa n'wina.