Matewu 6:34 - Xitsonga (Bibele)

³⁴ “Hikwalaho-ke, mi nga tshuki mi kanakana hi swa mundzuku, hikuva mundzuku wu ta tikarhatela swa wona. Ku karhateka ka siku rin'wana ni rin'wana ku ringene rona.

BIBELE Mahungu Lamanene

³⁴ Hikwalaho ke mi nga tshuki mi vilela hi swa mundzuku, hikuva mundzuku wu ta tikarhatela swa wona. Ku karhateka ka siku rin'wana ni rin'wana, ku ringene rona.

Testamente Leyimpsha Xichangana

³⁴ Hikolaho-ke, mingatshukeni mivilela hi sva mundzuku hikuva mundzuku atatikarhatela sva yena. Kukarhateka ka siku rin'wana ni rin'wana kuringana siku rakona.

Matewu 6:34 Referans Kwoze

Matewu 6:25

“Hilaha ndzi nge eka n'wina: Mi nga tshuki mi kanakana hi swa vutomi bya n'wina, leswi mi nga ta dya, ni ku nwa, hambi swi ri swa miri wa n'wina, leswi mi nga ta swi funengela. Xana vutomi a byi tluri swakudya-ke? Ni miri, a wu tluri swa ku funengela-ke?

Yohane 14:27

“Ndzi mi siyela ku rhula, ndzi mi nyika ku rhula ka mina; a ndzi mi nyiki hilaha misava yi nyikaka hakona Timbilu ta n'wina ti nga tshuki ti kanakana, naswona mi nga chavi.

Yohane 16:33

Ndzi mi byerile timhaka leti, leswaku mi va ni ku rhula ka mina. Mi ta va ni nhlomulo emisaveni, kambe tiyisani timbilu, ndzi hlurile misava.”

Luka 11:3

Hi he hi masiku hinkwawo vuswa bya hina bya siku rin'wana ni rin'wana.

Swirilo 3:23

Ti tshama ti ri kona hi mixo wun'wana ni wun'wana; Vunene bya wena byi kulukumba!

Matewu 6:11

U hi ha namuntlha vuswa bya hina bya siku rin'wana ni rin'wana.

Timhaka 14:22

va tiyisa timbilu ta vadyondzisiwa, va va khongotela ku tiyisela eku pfumeleni, va ri karhi va va ringanisela leswaku hi fanele ku nghena eku fumeni ka Xikwembu hi maxangu layo tala.

Duteronoma 33:25

Swilotlelo swa wena i swa tinsimbhi ni swa koporo, Matimba ya wena ma ta fana ni masiku ya wena.

Matewu 6:27

I mani eka n'wina la nga tiengetelaka xiyimo xa yena hi xisungunhu xi ri xin'we hi mivilelo ya mbilu ya yena-ke?

Luka 10:41

Kambe Yesu a n'wi hlamula, a ku eka yena: “Marta, Marta, u vilela ni ku tikarhata hi leswo tala;

Luka 12:11

“Kutakuloko va mi yisa emasinagogeni, ni ka lavakulu, ni ka tihosi, mi nga tshuki mi vilela hi mukhuva lowu mi nga ta tihlamulela ha wona, hambi swi ri leswi mi nga ta swi vula;

Luka 12:22

Kutani a ku eka vadyondzisiwa va yena: “Hikwalaho ndzi ri eka n'wina; mi nga tshuki mi vilela hi swa ku hanya ka n'wina, leswi mi nga ta swi dya, hambi swi ri swa miri, leswi mi nga ta funengela.

Vafilipiya 4:6

Mi nga tshuki mi kanakana ha nchumu; kambe etimhakeni hinkwato, tivisani ku pfumala ka n'wina eka Xikwembu hi ku khongela, ni ku kombela, mi va mi khensa;

1 Petro 5:7

mi ri karhi mi rhula ku vilela hinkwako ka n'wina ehenhla ka yena, hikuva timhaka ta n'wina ti na yena.