Matewu 6:27 - Xitsonga (Bibele)

²⁷ I mani eka n'wina la nga tiengetelaka xiyimo xa yena hi xisungunhu xi ri xin'we hi mivilelo ya mbilu ya yena-ke?

BIBELE Mahungu Lamanene

²⁷ Xana i mani eka n'wina la nga engetelelaka nkarhinyana wu ri wun'we eka ntsengo wa malembe ya yena hi ku vilela ka yena xana?

Testamente Leyimpsha Xichangana

²⁷ Xana i mani ka n'wina lweyi angayengetelaka nkarhinyana wuli wun'we ka ntsengo wa malembe ya yena, kumbe lweyi angayengeteleka xisungunhu xili xin'we ka xiyimu xa yena hi kuvilela ka yena ke?

Matewu 6:27 Referans Kwoze

Eklesiasta 3:14

Ndza swi tiva leswaku hinkwaswo leswi endliweke hi Xikwembu swi tshama hilaha ku nga heriki; a ku na xilo lexi nga engeteriwaka kona ni lexi nga susiwaka kona; kutani Xikwembu xi endla sweswo leswaku nchavo wu va kona emahlweni ka xona.

Matewu 5:36

“Kambe u nga tshuki u hlambanya hi nhloko ya wena, hikuva nsisi, ni loko wu ri wun'we, u nga hluleka ku wu hundzula lowo basa, ni ku wu endla ntima.

1 Vakorinto 12:18

Kutani sweswi Xikwembu xi veke xirho xin'wana ni xin'wana emirini, hilaha xi rhandzeke hakona.

Matewu 6:25

“Hilaha ndzi nge eka n'wina: Mi nga tshuki mi kanakana hi swa vutomi bya n'wina, leswi mi nga ta dya, ni ku nwa, hambi swi ri swa miri wa n'wina, leswi mi nga ta swi funengela. Xana vutomi a byi tluri swakudya-ke? Ni miri, a wu tluri swa ku funengela-ke?

Matewu 6:28

“Ni loko ti ri tinguvu, mi vilela ha yini-ke? Tsundzukani mukhuva lowu makhon'wa ya nhova ma milaka ha wona; a ma tirhi, a ma luki;

Matewu 6:31

Hikwalaho-ke mi nga vileri hileswaku: ‘Hi ta dya yini, kumbe hi ta nwa yini, kumbe hi ta ambala yini?’

Matewu 6:34

“Hikwalaho-ke, mi nga tshuki mi kanakana hi swa mundzuku, hikuva mundzuku wu ta tikarhatela swa wona. Ku karhateka ka siku rin'wana ni rin'wana ku ringene rona.

Luka 10:41

Kambe Yesu a n'wi hlamula, a ku eka yena: “Marta, Marta, u vilela ni ku tikarhata hi leswo tala;

Luka 12:11

“Kutakuloko va mi yisa emasinagogeni, ni ka lavakulu, ni ka tihosi, mi nga tshuki mi vilela hi mukhuva lowu mi nga ta tihlamulela ha wona, hambi swi ri leswi mi nga ta swi vula;

Luka 12:22

Kutani a ku eka vadyondzisiwa va yena: “Hikwalaho ndzi ri eka n'wina; mi nga tshuki mi vilela hi swa ku hanya ka n'wina, leswi mi nga ta swi dya, hambi swi ri swa miri, leswi mi nga ta funengela.

Vafilipiya 4:6

Mi nga tshuki mi kanakana ha nchumu; kambe etimhakeni hinkwato, tivisani ku pfumala ka n'wina eka Xikwembu hi ku khongela, ni ku kombela, mi va mi khensa;

1 Petro 5:7

mi ri karhi mi rhula ku vilela hinkwako ka n'wina ehenhla ka yena, hikuva timhaka ta n'wina ti na yena.