Matewu 6:25 - Xitsonga (Bibele)

²⁵ “Hilaha ndzi nge eka n'wina: Mi nga tshuki mi kanakana hi swa vutomi bya n'wina, leswi mi nga ta dya, ni ku nwa, hambi swi ri swa miri wa n'wina, leswi mi nga ta swi funengela. Xana vutomi a byi tluri swakudya-ke? Ni miri, a wu tluri swa ku funengela-ke?

BIBELE Mahungu Lamanene

²⁵ “Hikokwalaho ndzi nge ka n'wina: Mi nga tshuki mi vilela hi swa vutomi bya n'wina leswaku mi ta dya yini kumbe mi ta nwa yini, hambi ku ri ku vilela hi swa miri wa n'wina leswaku mi ta ambala yini. Xana vutomi a byi tluri swakudya ke? Na wona miri a wu tluri swiambalo ke?

Testamente Leyimpsha Xichangana

²⁵ Hikolaho ninge ka n'wina: Mingatshukeni mivilela hi sva vutomi bza n'wina lesvaku mitaja yini kumbe mitanwa yini, hambi kuli kuvilela hi sva miri wa n'wina lesvaku mitayambala yini. Xana vutomi bza n'wina abzitluli svakuja ke? Na wona miri awutluli sviyambalu?

Matewu 6:25 Referans Kwoze

Vafilipiya 4:6

Mi nga tshuki mi kanakana ha nchumu; kambe etimhakeni hinkwato, tivisani ku pfumala ka n'wina eka Xikwembu hi ku khongela, ni ku kombela, mi va mi khensa;

1 Petro 5:7

mi ri karhi mi rhula ku vilela hinkwako ka n'wina ehenhla ka yena, hikuva timhaka ta n'wina ti na yena.

Varhoma 8:32

Xona lexi nga tsetselelangiki N'wana wa xona wa xiviri, kambe xi n'wi tshikele hina hinkwerhu, xana xi nga ka xi nga hi nyiki ha yini swilo hinkwaswo na yena xana?

Pisalema 55:22

Nyiketa Yehovha timhaka ta wena, u ta ku seketela; A nga ka a nga pfumeli ni siku ni rin'we leswaku la lulameke a tsekatsekisiwa.

Matewu 6:31

Hikwalaho-ke mi nga vileri hileswaku: ‘Hi ta dya yini, kumbe hi ta nwa yini, kumbe hi ta ambala yini?’

Marka 4:19

kambe ku vilela hi swa misava leyi, ni ku xisiwa hi rifuwo, ni ku navela ka swilo swin'wana, ku nghena eka vona ku tsondzela rito, kutani ri nyumba.

Matewu 10:19

Kambe siku va mi nyiketaka vona, mi nga tshuki mi kanakana hilaha mi nga ta vulavula hakona, ni leswi mi nga ta swi vula, hikuva leswi mi nga ta swi vula, mi ta swi nyikiwa enkarhini wolowo.

1 Vakorinto 7:32

Ndzi rhandza leswaku mi nga vi na ku vilela. La nga tekangiki u xiya leswi nga swa Hosi hilaha a nga yi tsakisaka hakona;

Matewu 6:34

“Hikwalaho-ke, mi nga tshuki mi kanakana hi swa mundzuku, hikuva mundzuku wu ta tikarhatela swa wona. Ku karhateka ka siku rin'wana ni rin'wana ku ringene rona.

2 Timotiya 2:4

La yaka enyimpini a nga titsandzekisi hi timhaka ta vutomi lebyi, kambe mhaka ya yena i yin'we, i ya ku tsakisa la n'wi rhambeke.

Luka 8:14

Leswi weleke emitweni, hi lava yingiseke rito, kambe va famba, va ri tshika ri funengetiwa hi ku vilela, ni ku rhandza ku fuwa, ni ku titsakela ka vutomi lebyi, kutani va nga ha veki mihandzu leyi vupfaka.

Matewu 13:22

Loko a ri loyi a byariweke emitweni, i munhu la yingisaka rito, kambe a tikarhatela swilo swa misava, ni ku kanganyisiwa hi xuma; kutani swi tsondziyela rito, ri ko ri nyumba.

Luka 12:11

“Kutakuloko va mi yisa emasinagogeni, ni ka lavakulu, ni ka tihosi, mi nga tshuki mi vilela hi mukhuva lowu mi nga ta tihlamulela ha wona, hambi swi ri leswi mi nga ta swi vula;

Marka 13:11

Kambe siku va mi kokaka ku mi yisa eku avanyisiweni, mi nga tshuki mi vilela hi leswi mi nga ta swi vula, mi nga tshuki mi swi anakanya; kambe vulani leswi mi nga ta swi nyikiwa enkarhini wolowo, hikuva a hi n'wina mi nga ta vulavula, kambe i Moya lowo Kwetsima.

Yeremiya 45:5

Loko u ri wena xana u ta tilavela swilo leswikulu-ke? U nga tshuki u swi lava! Hikuva waswivo, ndzi ta tisela nyama hinkwayo makhombo, ku vula Yehovha; kambe ndzi ta ku nyika vutomi bya wena xi va xuma xa wena, hinkwako laha u nga ta ya kona.”