Matewu 5:4 - Xitsonga (Bibele)

⁴ Ku katekile lava rilaka, hikuva va ta chaveleriwa.

BIBELE Mahungu Lamanene

⁴ Ku katekile lava rilaka, hikuva va ta chaveleriwa.

Testamente Leyimpsha Xichangana

⁴ Kukatekile lavarilaka, hikuva vatachaveleliwa.

Matewu 5:4 Referans Kwoze

Nhlavutelo 21:4

Xikwembu xi ta hlangula mihloti hinkwayo emahlweni ya vona, kutani rifu a ri nga ha vi kona, a ku nga ha vi na nkosi, hambi ku ri ku kolola, kumbe ku vaviseka, hikuva leswo sungula swi hundzile.”

Esaya 57:18

Ndzi vonile tindlela ta yena, ndzi ta n'wi hanyisa; ndzi ta n'wi kombisa ndlela, kutani ndzi ta n'wi chavelela ni lava rilaka na yena.”

Luka 6:21

Mi katekile n'wina mi nga ni ndlala sweswi, hikuva mi ta xurhisiwa. Mi katekile n'wina mi rilaka sweswi, hikuva mi ta tsaka.

Yakobo 1:12

Ku katekile munhu la tiyiselaka endzingweni, hikuva, kutakuloko a ringiwile, u ta nyikiwa harhi ya vutomi, leyi Hosi yi yi tshembiseke lava yi rhandzaka.

Esaya 25:8

U ta lovisa rifu hilaha ku nga heriki: Hosi, Yehovha u ta hlangula mihloti emimombyeni hinkwayo; u ta sula tingana ta tiko ra yena hinkwaro, hikuva Yehovha u vurisile.

Esaya 66:10

“Titsakeleni hikwalaho ka Yerusalema, mi va mi tsakisisa hikwalaho ka yena, n'wina hinkwenu lava n'wi rhandzaka! Mi tshukatshuka hi ku tsaka swin'we na yena, n'wina hinkwenu lava rilaka nkosi, ehenhla ka yena;

Ezekiele 9:4

a ku eka yena: “Tsemakanya exikarhi ka muti, exikarhi ka Yerusalema, u fungha emombyeni vanhu lava hlunameke, lava rilaka hikwalaho ka manyala hinkwawo lama endliwaka exikarhi ka vona.”

Esaya 35:10

Lava kutsuriweke hi Yehovha va ta tlhela va ya Siyoni hi tinsimu ta ku tsaka, va vehele etinhlokweni ku tsaka loku nga heriki; ku kateka ni ku tsaka swi ta va hlanganisa, ku vaviseka ni nhlomulo wa mbilu swi ta baleka.

Esaya 30:19

Hikuva wena tiko leri akeke eSiyoni, ni le Yerusalema, u nga ha rili! Loko u huwelela eka yena, u ta ku tsetselela, loko a twa ku vitana ka wena, u ta ku hlamula.

Luka 16:25

Kambe Abrahama a ku: ‘N'wananga, tsundzuka leswaku u kumile rifuwo evutomini bya wena; kasi Lazaro a a ri eku vavisekeni, kutani sweswi, wa chaveleriwa halenu, kasi wena u twisiwa ku vaviseka.

Ezekiele 7:16

Vabaleki va vona va ta tsutsuma etintshaveni, va kotisa matuva ya mikova, un'wana ni un'wana u rila hikwalaho ka ku homboloka ka yena.

Luka 6:25

Mi ni khombo n'wina mi xurheke, hikuva mi ta va ni ndlala; mi ni khombo n'wina mi hlekaka sweswi, hikuva mi ta rila, mi va mi kolola.

Esaya 12:1

Hi siku rero u ta ku: “Oho Yehovha! Ndza ku tlangela hikuva u ndzi karihele kambe vukari bya wena byi tlherile, kutani u ndzi chavelele.

Luka 7:50

Kambe Yesu a ku eka wansati: “Ku pfumela ka wena ku ku hanyisile, famba hi ku rhula.”

Luka 7:38

Kutani a khinsama endzhaku ka yena, emilengeni ya yena, a ri karhi a rila, a sungula ku n'wi tsakamisa milenge hi mihloti ya yena, a tlhela a hlangula hi misisi ya nhloko ya yena, a n'wi ntswontswa milenge, a yi tota hi mafurha.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Esaya 66:2

Swilo leswi hinkwaswo, voko ra mina ri swi endlile kutani sweswo hinkwaswo swi humelele,” ku vula Yehovha. “Vona, loyi ndzi nga ta n'wi languta, hi loyi a titsongahataka, loyi mbilu ya yena yi nga leyi tshovekeke, ni loyi a rhurhumelaka hi rito ra mina.