Matewu 5:3 - Xitsonga (Bibele)

³ “Ku katekile swisiwana emoyeni, hikuva ku fuma ka matilo i ka swona.

BIBELE Mahungu Lamanene

³ “Ku katekile swisiwana emoyeni, hikuva Mfumo wa matilo i wa swona.

Testamente Leyimpsha Xichangana

³ “Kukatekile svisiwana moyeni, hikuva Mfumu wa matilo i wa svona.

Matewu 5:3 Referans Kwoze

Esaya 66:2

Swilo leswi hinkwaswo, voko ra mina ri swi endlile kutani sweswo hinkwaswo swi humelele,” ku vula Yehovha. “Vona, loyi ndzi nga ta n'wi languta, hi loyi a titsongahataka, loyi mbilu ya yena yi nga leyi tshovekeke, ni loyi a rhurhumelaka hi rito ra mina.

Swivuriso 29:23

Ku tikukumuxa ka munhu ka n'wi tsongahata, Kambe wa mbilu yo titsongahata u ta fikela eku vonakaleni.

Pisalema 34:18

Yehovha u kusuhi ni lava nga ni timbilu leti tshovekeke, U ponisa va mimoya leyi khinyekeke.

Swivuriso 16:19

Ku tsongahatiwa ni lavatsongo, Ku tlula ku avelana xuma ni lava tikurisaka.

Luka 18:14

Ndzi ri eka n'wina: Yeloyi, u ngirimele endlwini ya yena, a hlayiwile la lulameke ku tlula mufarisi; hikuva un'wana ni un'wana la titlakusaka u ta tsongahatiwa, kambe la titsongahataka, u ta tlakusiwa.”

2 TIKRONIKA 7:14

loko tiko ranga leri vito ra mina ri khongeriwaka ehenhla ka rona, ri titsongahata, loko va khongela, va lava mombo wa mina, va fularhela tindlela leto biha ta vona, ndzi ta va yingisa hi le tilweni, ndzi va rivalela swidyoho swa vona, ndzi horisa tiko ra vona.

Pisalema 51:17

Magandzelo ya Xikwembu i moya lowu tshovekeke; Oho Xikwembu! A ku soli mbilu leyi tshovekeke, leyi nga enhlomulweni.

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

2 TIKRONIKA 34:27

Leswi mbilu ya wena yi oloveke, u va u titsongahata emahlweni ka Xikwembu siku u tweke marito ya xona henhla ka ndhawu leyi ni le henhla ka vaaki va xona, kutani u handzurile tinguvu ta wena, u va u rila emahlweni ka mina, ndzi swi yingisile, ku vula Yehovha.

Mikiya 6:8

Wena munhu u tivisiwile leswi lulameke, ni leswi Yehovha a swi lavaka eka wena; hileswaku u endla leswi lulameke, u rhandza tintswalo, ni ku famba hi ku titsongahata emahlweni ka Xikwembu xa wena.

Luka 11:28

Yesu a ku: “Kambe ngopfu ku katekile lava yingisaka rito ra Xikwembu, kutani va ri hlayisa!”

Pisalema 112:1

Dzunisani Yehovha! Ku katekile munhu la chavaka Yehovha, A tsakelaka ngopfu milawu ya yena.

Pisalema 1:1

Ku katekile munhu la nga fambiki hi ku letela ka lavo homboloka, La nga yimiki endleleni ya vadyohi, La nga tshamisiki exitshan'weni xa vasandzi,

Ntirho 42:6

Ndza tisola, ndzi tiba xifuva, Ndzi ri entshurini ni le nkumeni.”

Matewu 11:25

Enkarhini wolowo Yesu a vulavula a ku: “Ndza ku dzunisa, Tatana, Hosi ya le tilweni ni ya misava, hikuva timhaka teto u ti fihlele lavo tlhariha ni lava mano, kambe u ti tivisile lavatsongo.

Luka 4:18

“Moya wa Xikwembu wu le ka mina, hikuva xi ndzi totile, xi va xi ndzi rhuma ku byela swisiwana Evhangeli, ku horisa va timbilu leti vavisekaka;

Marka 10:14

Yesu, loko a swi vona, a kariha, a ku eka vona: “Tshikani vana va ta eka mina, mi nga tshuki mi va sivela, hikuva ku fuma ka Xikwembu i ka lava fanaka na vona.

Matewu 13:16

“Kambe loko mi ri n'wina, mahlo ya n'wina ma katekile hikuva ma vona, na tona tindleve ta n'wina, hikuva ta yingisa.

Esaya 30:18

Hikwalaho Yehovha u ta mi langutela ku mi tsetselela, u ta tshinela a mi tsetselela, hikuva Yehovha i Xikwembu lexi lulameke, xi katekisa hinkwavo lava xi tshembaka!

Pisalema 146:5

Ku katekile loyi Xikwembu xa Yakobo, xi nga matimba ya yena, Loyi ku tshemba ka yena ku nga ka Yehovha, Xikwembu xa yena.

2 TIKRONIKA 33:12

Kuteloko a ri ekhombyeni, a khongela emahlweni ka Yehovha, Xikwembu xa yena, a titsongahata ngopfu emahlweni ka Xikwembu xa vatata wa yena.

Pisalema 41:1

Ku katekile loyi a anakanyaka xisiwana, Hi siku ra khombo, Yehovha u ta n'wi lwela.

Pisalema 2:12

Ntswontswani n'wana, leswaku a nga ti kariha, Kutani mi lova etindleleni ta n'wina, Hikuva vukari bya yena bya hatlisa ku pfurha. Va katekile hinkwavo lava chavelaka ka yena!

2 TIKRONIKA 33:23

A nga titsongahatanga emahlweni ka Yehovha hilaha Manase tata wa yena a titsongahateke hakona; hikuva yena Amoni a dyoha hi ku tlurisa.

Yakobo 1:12

Ku katekile munhu la tiyiselaka endzingweni, hikuva, kutakuloko a ringiwile, u ta nyikiwa harhi ya vutomi, leyi Hosi yi yi tshembiseke lava yi rhandzaka.

Yohane 20:29

Yesu a ku eka yena: “Leswi u ndzi voneke, Tomasi, u pfumerile; va katekile lava pfumelaka, hambi va nga vonanga.”

Matewu 24:46

Ku katekile nandza yeloyi Hosi ya yena, siku yi fikaka, yi nga ta n'wi kuma a endlise sweswo.

Pisalema 84:12

Oho Yehovha wa tinyimpi, ku katekile la ku tshembaka!

Duteronoma 8:2

“Tsundzuka ndlela hinkwayo leyi Yehovha, Xikwembu xa wena, a ku fambiseke ha yona emananga, hi malembe ya 40 ku ku tsongahata ni ku ku ringa, u ta tiva leswi nga embilwini ya wena: leswaku kumbe xana u ta hlayisa milawu ya yena, kumbe u nga yi hlayisi.

Yakobo 1:10

kambe la fuweke a a tidzunise evusiwaneni bya yena; hikuva u ta hundza kukota xiluva xa byanyi.

Swivuriso 8:32

“Sweswi, vana vanga, ndzi yingiseni, Ku katekile lava yaka hi tindlela ta mina!

2 TIKRONIKA 33:19

Ni xikhongelo, xa yena ni ku hlamuriwa ka xona ni swidyoho swa yena, ni ku homboloka ka yena, ni ndhawu leyi a akeke eka yona tindlu ta switsunga, ni laha a yimiseke kona swifaniso swa Axera, ni swifaniso leswi vatliweke loko a nga si titsongahata, swi tsariwile etimhakeni ta vavoni.

Nhlavutelo 22:14

Ku katekile lava basisaka tinguvu ta vona, va ta lulameriwa hi ku dya murhi wa vutomi, ni ku nghena emutini hi tinyangwa ta wona!

Nhlavutelo 19:9

Kutani ntsumi yi ku eka mina: “Tsala: Ku katekile lava rhambiweke enkhubyeni wa vukati bya Xinyimpfana.” Yi engeta yi ku eka mina: “Hi wona marito ya xiviri ya Xikwembu.”

Matewu 25:34

“Hilaha Hosi yi nga ta byela va le vokweni ra yena ra xinene, yi ku: ‘Tanani n'wina lava katekisiweke hi Tatana, amukelani ndzhaka ya ku fuma, leyi mi nga lunghiseriwa kaharhi loko misava yi tumbuluka;

Pisalema 128:1

Ku katekile mani na mani la chavaka Yehovha, La fambaka etindleleni ta yena!

Matewu 11:6

kambe ku katekile la nga tiki khunguvanyeka hikwalaho ka mina!”

Matewu 8:11

Hikwalaho-ke ndza mi byela, ndzi ri: Lavo tala va ta huma evuxeni ni le vupeladyambu, va ta tshama eswakudyeni eku fumeni ka matilo, na Abrahama, na Isaka, na Yakobo.

Matewu 3:2

“Hundzukani, hikuva ku fuma ka matilo ku tshinele.”

Matewu 19:14

Kambe Yesu a ku eka vona: “Tshikani, mi nga tshuki mi sivela vana ku ta eka mina hikuva ku fuma ka matilo i ka lava fanaka na vona.”

Luka 22:29

Na mina ndzi ta mi nyika ku fuma kukota Tatana a ndzi nyikeke kona.

Luka 22:30

Mi ta va lava dyaka, ni lava nwaka etafuleni ra mina, eku fumeni ka mina; kutani mi ta tshama eswiluvelweni, mi avanyisa tinxaka ta khume na timbirhi ta Israele.”

Nhlavutelo 3:17

Leswi u nge: Ndzi mufuwi, ndzi tifuwisile, a ndzi pfumari nchumu, kasi a ku tivi leswaku u ni khombo, u xisiwana, u mupfumari, u file mahlo, a ku ambalanga nchumu: