Matewu 5:18 - Xitsonga (Bibele)

¹⁸ Hikuva kunene, ndza mi byela, ndzi ri: Tilo ni misava swi ko swi hundza, yota, hambi yi ri yin'we, ni valanyana, hambi ri ri rin'we ra nawu, swi nga ka swi nga hundzi ku nga si endleka swilo hinkwaswo.

BIBELE Mahungu Lamanene

¹⁸ Ndzi tiyisile ndzi ri ka n'wina: Tilo ni misava swi nga si nyamalala, xihikwana kumbe xirhatana, hambi xi ri xin'we, xi nga ka xi nga susiwi eNawini, ku kondza loko swilo hinkwaswo swi ta va swi hetisekile.

Testamente Leyimpsha Xichangana

¹⁸ Nimibzela ntiyiso, nili ka n'wina: Tilo ni misava svingasinyamalala, yota , kumbe xindzhatana, hambi xili xin'we, xingakala xingasusiwi Nawini, kukondza svilo hinkwasvu svitava svihetisekile.

Matewu 5:18 Referans Kwoze

Luka 16:17

“Swi nga olova loko tilo ni misava swi hundza, ku tlurisa loko rito ra nawu, hambi ri ri rin'we, ri nga wela ehansi.

Esaya 40:8

Byanyi bya oma, xiluva xa vuna, kambe rito ra Xikwembu xa hina ri ta tshama hilaha ku nga heriki.

1 Petro 1:25

kambe rito ra Hosi ri tshama hilaha ku nga heriki”; kutani hi rona rito leri mi ri byeriweke eEvhangelini.

Marka 13:30

Kunene ndzi ri eka n'wina: Rixaka leri ri nga ka ri nga hundzi hinkwaswo leswo swi nga si humelela.

Esaya 51:6

Tlakusani mahlo ya n'wina le matilweni, kutani mi languta ehansi emisaveni hikuva matilo ma ta tlhaka tanihi musi, kutani misava yi ta hlakala tanihi nguvu, vaaki va yona va ta fa tanihi tinhongana, kambe ku hlayiseka ka mina ku ta tshama hi masiku, ku lulama ka mina a ku nga heri.

Nhlavutelo 20:11

Kutani ndzi vona xiluvelo lexikulu lexo basa ni loyi a tshamiseke eka xona. Tilo ni misava swi baleka emahlweni ka mombo wa yena, kutani xivandla xa swona xi nga ha vonaki.

Pisalema 102:26

Swi ta hela, kambe wena u ta tama u ri kona; Swi ta dyuhala kukota nguvu; U ta swi hundzuluxa tani hi xifunengelo, kutani swi ta hundzuka.

Yohane 5:19

Yesu a hlamula, a ku eka vona: “Ndzi vurisile ndzi ri eka n'wina: N'wana a nga swi koti ku tisungulela a tirha nchumu loko a nga swi vonanga swi tirhiwa hi Tata wa yena; hikuva hinkwaswo leswi endliwaka hi Tatana, N'wana u swi endlisa sweswo na yena.

Matewu 17:20

Yesu a ku eka vona: “Hikwalaho ka ku tsana ka vupfumeri bya n'wina. Hikuva ndzi vurisile ndzi ri eka n'wina: Loko ngi mi ri ni ku pfumela loku kotisaka nhlampfu ya sinapi, hambi mi nga ku eka ntshava leyi: Rhurhela lahaya, yi nga ya kona; ku nga ha ri na nchumu lexi mi tsandzaka.

Matewu 16:28

Ndzi vurisile ndzi ri eka n'wina: Van'wana va kona eka lava nga kwala, lava nga ta ka va nga nantswi rifu, va nga si vona N'wana wa Munhu a ta eku fumeni ka yena.”

Matewu 13:17

Ndzi vurisile ndzi ri eka n'wina: Vaprofeta lavo tala ni lava lulameke lavo tala, va naverile ku vona leswi mi swi vonaka, kambe a va swi vonanga; ni ku yingisa leswi mi swi yingisaka, kambe a va swi yingisanga.

Matewu 10:23

Kutani kutakuloko va mi xanisa emutini wun'wana, tsutsumelani eka wun'wana, hikuva kunene ndzi ri eka n'wina: N'wana wa Munhu u ta humelela mi nga si hlanganisa miti hinkwayo ya Israele.

Matewu 6:2

Hikwalaho, loko u nyika swisiwana, u nga tshuki u yimba nanga emahlweni ka wena, u kotisa leswi vamandzendze va swi endlaka emasinagogeni, ni le mitsendzeleni, leswaku va ta dzunisiwa hi vanhu. Kunene ndza mi byela leswaku va kumile hakelo ya vona.

Matewu 5:26

Ndza ku byela swinene leswaku u nga ka u nga humi kona u nga si riha mali hinkwayo.

Pisalema 119:152

Khale, ndzi tivile ku tsundzuxa ka wena. Leswaku u ku tiyisile hi laha ku nga heriki.

Yohane 21:18

Ndzi vurisile ndzi ri eka wena: Loko wa ha ri lontshwa, a wu tiboha u ri swaku, u tifambela laha u rhandzeke ku ya kona; kambe kutakuloko u dyuharile, u ta tshambuluta mavoko ya wena, kutani un'wana u ta ku boha, a ku yisa laha u nga ku rhandziki.”

Yohane 16:23

“Hi siku rero, a mi nga ndzi vutisi nchumu. Ndzi vurisile ndzi ri eka n'wina: Swilo hinkwaswo leswi mi nga ta swi kombela eka Tatana hi vito ra mina, u ta mi nyika swona.

Yohane 16:20

Ndzi vurisile ndzi ri eka n'wina: Mi ta rila, mi va mi kolola, kutani yona misava yi ta tsaka; mi ta va ni ku vaviseka, Kambe ku vaviseka ka n'wina ku ta hundzuka ku tsaka.

Yohane 14:12

“Ndzi vurisile ndzi ri eka n'wina: La pfumelaka ka mina, mitirho leyi ndzi yi endlaka u ta yi endla na yena, u ta endla ni leyi tlulaka leyi, hikuva ndzi ya ka Tatana.

Yohane 13:38

Yesu a n'wi hlamula, a ku: “U ri u nga tshika vutomi bya wena hikwalaho ka mina xana? Ndzi vurisile ndzi ri eka wena: Nkuku loko wu nga si ringa, u ta va u ndzi landzurile kanharhu.

Yohane 13:16

“Ndzi vurisile ndzi ri eka n'wina: Nandza a hi nkulu eka hosi ya yena ni murhumiwa a hi nkulu eka la n'wi rhumeke.

Yohane 12:24

Ndzi vurisile ndzi ri eka n'wina: Kungakuloko ndzhoho ya mavele leyi weleke emisaveni yi nga fi, yi ta tshama yi ri yoxe; kambe loko yi fa, yi ta veka ngopfu.

Yohane 10:7

Yesu a engeta a ku eka vona: “Ndzi vurisile ndzi ri eka n'wina: Hi mina nyangwa ya tinyimpfu.

Yohane 10:1

“Ndzi vurisile ndzi ri eka n'wina: La nga ngheniki hi nyangwa etshangeni ra tinyimpfu, kambe a tlulela hi kun'wana, i muyivi ni khamba.

Yohane 8:58

Yesu a ku eka vona: “Ndzi vurisile ndzi ri eka n'wina: Loko Abrahama a nga si va kona, mina a ndzi ri kona.”

Yohane 8:51

Ndzi vurisile ndzi ri eka n'wina: Kungakuloko munhu a hlayisa rito ra mina, a nga ka a nga voni rifu, ni siku ni rin'we.”

Yohane 8:34

Yesu a va hlamula, a ku: “Ndzi vurisile ndzi ri eka n'wina: Un'wana ni un'wana la dyohaka hi xidyoho, i khumbi ra xidyoho.

Yohane 6:53

Yesu a ku eka vona: “Ndzi vurisile ndzi ri eka n'wina: Loko mi nga dyi nyama ya N'wana wa Munhu, ni loko mi nga nwi ngati ya yena, a ku na vutomi eka n'wina.

Yohane 6:47

“Ndzi vurisile ndzi ri eka n'wina: La pfumelaka eka mina, u ni vutomi lebyi nga heriki.

Yohane 6:32

Kutani Yesu a ku eka vona: “Ndzi vurisile ndzi ri eka n'wina: Muxe a nga mi nyikanga vuswa lebyi humaka etilweni, kambe Tatana a mi nyika vuswa lebyinene lebyi humaka etilweni.

Yohane 6:26

Yesu a va hlamula, a ku: “Ndzi vurisile ndzi ri eka n'wina: Ma ndzi lava ku nga ri hi leswi mi nga vona masingita, kambe hi leswi mi nga dya xinkwa, mi va mi xurha.

Yohane 3:11

Ndzi vurisile ndzi ri eka wena: Hi vula leswi hi swi tivaka, kutani hi vula vumbhoni bya leswi hi swi voneke; kambe a mi amukeri vumbhoni bya hina.

Yohane 3:5

Yesu a hlamula, a ku: “Kunenenene ndzi ri eka wena: Loko munhu a nga tswariwi hi mati ni Moya, a nga ka a nga ngheni eku fumeni ka Xikwembu.

Yohane 3:3

Yesu a hlamula, a ku eka yena: “Kunenenene ndzi ri eka wena: Loko munhu a nga tswariwi ra vumbirhi, a nga ka a nga voni ku fuma ka Xikwembu.”

Yohane 1:51

A engeta a ku eka yena: “Kunenenene ndzi ri eka n'wina: Ku sungula sweswi, mi ta vona tilo ri pfuriwile, ni tintsumi ta Xikwembu ti ri karhi ti tlhandluka, ti va ti xikela ehenhla ka N'wana wa munhu.”

Luka 23:43

Yesu a ku eka xona: “Kunene, ndzi ri eka wena: Namuntlha u ta va na mina eParadeyisini.”

Luka 18:29

Kutani a ku eka vona: “Kunene, ndzi ri eka n'wina: A ku na munhu la tshikeke yindlu, ni loko a ri nsati, hambi vamakwavo, kumbe vaveleki va yena, kumbe vana, hikwalaho ka ku fuma ka Xikwembu,

Luka 18:17

Kunene ndzi ri eka n'wina, la nga amukeriki ku fuma ka Xikwembu kukotisa n'wana, a nga ka a nga ngheni kona.”

Luka 13:35

Vonani, sweswi, yindlu ya n'wina yi ta mi salela; kambe ndza mi byela, ndzi ri: Mi nga ka mi nga ha ndzi voni, ku ko ku fika siku leri mi nga ta ku: ‘A ku vongiwe la taka hi vito ra Hosi.’ ”

Luka 12:37

Ku katekile malandza walawo, hosi ya wona, kutakuloko yi fika, yi ma kuma ma yi langutele! Kunene, ndzi ri eka n'wina: Yi ta tiboha xisuti, yi ma tshamisisa eswakudyeni, yi ma tirhela.

Luka 11:51

ku hetisela hi ngati ya Zakariya, la nga dlawa exikarhi ka alitari ni tempele. Ina, ndza mi byela, ndzi ri, yi ta laviwa eka rixaka leri.

Marka 14:30

Yesu a ku eka yena: “Kunene ndzi ri eka wena: Namuntlha, hi byona vusiku byebyi, nkuku wu nga si ringa kambirhi, u ta va u ndzi landzule kanharhu.”

Marka 14:25

Ndzi tiyisile, ndzi ri eka n'wina: A ndzi nga ha tshami ndzi nwa leswi velekiwaka hi vhinya, ku ko ku fika siku leri ndzi nga ta swi nwa swi ri swintshwa eku fumeni ka Xikwembu.”

Marka 14:18

Kuteloko va tshamile va ri karhi va dya, Yesu a ku: “Ndzi tiyisile ndzi ri eka n'wina: Un'wana wa n'wina a nga loyi a dyaka na mina, u ta ndzi xenga.”

Marka 14:9

Kunene ndzi ri eka n'wina: Hinkwako emisaveni laha Evhangeli leyi yi nga ta vuriwa kona, lexi nga endliwa hi yena, na xona, xi ta vuriwa, a ta anakanyiwa ha xona.”

Marka 12:43

Kuteloko a vitanile vadyondzisiwa va yena, a ku eka vona: “Kunene ndzi ri eka n'wina: Noni leyi ya xisiwana, yi humesile ku tlurisa hinkwavo lava nga humesa nhlengo.

Marka 11:23

Ndzi tiyisile, ndzi ri eka n'wina: Un'wana ni un'wana la nge eka ntshava leyi: ‘Suka, u ya tihoxa elwandle,’ a nga vileri embilwini ya yena, kambe a pfumela leswaku leswi a swi vulaka swi nga endleka, u ta endleriwa hinkwaswo leswi a swi vuleke, hambi yi ri yini na yini.

Marka 10:29

Yesu a hlamula, a ku: “Ndzi tiyisile ndzi ri eka n'wina: Un'wana ni un'wana la tshikeke yindlu, kumbe vamakwavo, kumbe tata wa yena, hambi a ri mana wa yena, hambi nsati, kumbe vana, hambi ma ri masimu, hikwalaho ka mina ni ka Evhangeli,

Marka 10:15

Ndzi tiyisile, ndzi ri eka n'wina: Un'wana ni un'wana la nga amukeriki ku fuma ka Xikwembu tanihi n'wana, a nga ka a nga ngheni kona.”

Marka 9:41

Hikuva un'wana ni un'wana la mi nwisaka ndzheko wa mati hi vito ra mina, hi leswi mi nga va ka Kriste, kunene ndzi ri eka n'wina: a nga ka a nga lahlekeriwi hi hakelo ya yena.

Marka 9:1

A engeta, a ku eka vona: “Ndzi tiyisile ndza mi byela, ndzi ri: Van'wana eka lava nga yima kwala, va nga ka va nga nantswi rifu, va nga si vona ku fuma ka Xikwembu ku ta hi matimba.”

Marka 8:12

Kutani a hefemuteka emoyeni wa yena, a ku: “Rixaka leri, ri kombelela yini masingita? Kunene ndza mi byela, ndzi ri: Rixaka leri ri nga ka ri nga nyikiwi masingita!”

Marka 6:11

Kutani hinkwavo lava alaka ku mi amukela ni ku mi yingisa loko mi huma eka vona, mi phumunha ntshuri lowu nga emilengeni ya n'wina, byi va vumbhoni eka vona. Kunene, ndza mi byela, ndzi ri: Sodoma na Gomora va ta twa ku olova ku tlurisa muti wolowo hi siku ra ku avanyisa.

Marka 3:28

“Kunene ndzi ri eka n'wina: Vana va vanhu va nga khomeriwa swidyoho hinkwaswo ni swisandzu hinkwaswo leswi va nga sandza ha swona;

Matewu 25:45

Hilaha a nga ta va hlamula, a ku: ‘Ndzi vurisile ndzi ri eka n'wina: Loko mi nga swi endlanga eka un'wana wa lavatsongo, a mi swi endlanga, ni le ka mina.’

Matewu 25:40

Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’

Matewu 25:12

Kambe a va hlamula, a ku: ‘Ndza vurisa, ndzi ri eka n'wina, a ndzi mi tivi.’

Matewu 24:47

Kunene ndzi ri eka n'wina, u ta n'wi veka muhlayisi wa hinkwaswo leswi a nga na swona.

Matewu 24:2

Kambe Yesu a ku: “A mi swi voni leswi hinkwaswo xana? Kunene ndzi ri eka n'wina: Ku nga ka ku nga tshikiwi ribye ehenhla ka ribye rin'wana leri nga taka ri nga mbundzuxiwi.”

Matewu 23:36

Ndzi vurisile ndzi ri eka n'wina: Leswo hinkwaswo swi ta humelela rixaka leri.

Matewu 21:31

Xana eka vona vambirhi, hi wihi la nga endla ku rhandza ka tata wa yena?” Va ku eka yena: “Hi lowo rhanga.” Yesu a ku eka vona: “Kunene ndza mi byela, ndzi ri: Valuvisi ni vavasati va vuoswi va mi rhangela eku fumeni ka Xikwembu.

Matewu 21:21

Yesu a hlamula a ku eka vona: “Ndzi vurisile ndzi ri eka n'wina: Loko mi ri ni ku pfumela, mi nga kanakani, a mi nga endli ntsena kukotisa leswi endliweke emurhini wa nkuwa, kambe ni loko mi nga ku eka ntshava leyi: ‘Suka u ya tihoxa lwandle,’ swi ta endleka;

Matewu 19:28

Yesu a ku eka vona: “Kunene, ndza mi byela, ndzi ri eka n'wina lava mi ndzi landzeke: Hi siku ra ku vuyetela ka hinkwaswo, loko N'wana wa Munhu a ta tshamisa exiluvelweni xa ku kwetsima ka yena, mi ta tshama, na n'wina, eswiluvelweni swa khume na swimbirhi, mi avanyisa tinxaka ta Israele leta khume na timbirhi.

Matewu 19:23

Kutani Yesu a ku eka vadyondzisiwa va yena: “Ndzi vurisile ndzi ri eka n'wina: Swa nonon'hwa eka mufuwi ku nghena eku fumeni ka matilo:

Matewu 18:18

Kunene ndzi ri eka n'wina: Hinkwaswo leswi mi nga ta swi tsimba la emisaveni swi ta tsimbiwa ni le tilweni; ni hinkwaswo leswi mi nga ta swi tshunxa la emisaveni, swi ta tshunxiwa netilweni.

Matewu 18:3

“Ndza vurisa, ndzi ri eka n'wina: Loko mi nga hundzuki, mi fana ni vana, mi nga ka mi nga ngheni eku fumeni ka matilo.

Matewu 11:11

Ndzi vurisile ndzi ri eka n'wina: Eka lava velekiweke hi vavasati, a ku humelelanga un'wana la nga nkulukumba eka Yohane Mukhuvuri; kambe lontsongo eku fumeni ka matilo i nkulukumba eka yena.

Matewu 10:42

Kutani un'wana ni un'wana la nyikeke ndzheko, hambi wu ri wun'we, wa mati yo titimela eka un'wana wa lavatsongo, hi leswi a nga mudyondzisiwa wa mina, kunene ndzi ri eka n'wina: A nga ka a nga pfumali hakelo ya yena.”

Matewu 10:15

Kunene ndzi ri eka n'wina: ku biwa ka muti wolowo ku ta tlula ka Sodoma na Gomora hi siku ra ku avanyisiwa.

Matewu 8:10

Kuteloko Yesu a swi twa, a hlamala, a byela lava n'wi landzaka, a ku: “Kunene ndza mi byela, ndzi ku: A ndzi si vona ku pfumela loko tano, ni le Israeleni.

Matewu 6:16

“Kutani loko mi titsona swakudya, mi nga tshuki mi fana ni vamandzendze lava khwanyalaka mimombo; hikuva va tionha nghohe va ku va ta voniwa hi vanhu leswaku va titsonile swakudya. Kunene ndza mi byela leswaku va kumile hakelo ya vona.

Luka 4:24

Kambe a ku: “Kunene, ndzi ri eka n'wina: A ku na muprofeta la amukeriwaka etikweni ra rikwavo.

Pisalema 111:8

Swi tiyisiwa hi laha ku nga heriki, Swi endliwe hi vunene ni ku lulama.

Esaya 44:26

Kambe ndzi tiyisa rito ra nandza wa mina, ndzi hetisa makungu ya tintsumi ta mina; ndzi vula ehenhla ka Yerusalema, ndzi ku: ‘Vanhu va ta hanya kona,’ ni le henhla ka miti ya Yuda: ‘Yi ta akiwa kambe kutani ndzi ta pfuxa marhumbi ya yona.’