Matewu 5:11 - Xitsonga (Bibele)

¹¹ Mi ta kateka loko va mi rhuketela hikwalaho ka mina, loko va mi lumbeta hi mavunwa layo tala.

BIBELE Mahungu Lamanene

¹¹ “Mi ta kateka loko va mi rhuketela, loko va mi xanisa ni ku mi lumbeta hi mavunwa layo tala hikwalaho ka mina.

Testamente Leyimpsha Xichangana

¹¹ “Mikatekile loko vamirhuketela, loko vamixanisa ni kumilumbeta hi mavunhwa lawa yotala hikolaho ka mina.

Matewu 5:11 Referans Kwoze

1 Petro 4:14

Loko mi xanisiwa hikwalaho ka vito ra Kriste, mi katekile; hikuva Moya wa ku kwetsima, lowu nga wa Xikwembu, wu tshame ehenhla ka n'wina, vona va wu sandza, kambe n'wina ma wu dzunisa.

Luka 21:17

Mi ta vengiwa hi vanhu hinkwavo hikwalaho ka vito ra mina.

Marka 13:13

Mi ta vengiwa hi hinkwavo hikwalaho ka vito ra mina, kambe la tiyiselaka ku fikela emakumu, hi yena la nga ta ponisiwa.

Matewu 24:9

Enkarhini wolowo va ta mi nyiketa ku xanisiwa, ni ku dlawa; mi ta vengiwa hi matiko hinkwawo hikwalaho ka vito ra mina.

Luka 6:22

Mi ta va ni ku kateka siku vanhu va mi vengaka, va mi humesaka exikarhi ka vona, va mi rhuketelaka, ni loko va sandza vito ra n'wina tanihi loko ingi ri bihile, hikwalaho ka N'wana wa Munhu.

1 Petro 2:23

ni loko a rhukaniwa, a nga tlhelangiki a rhukana, hambi a twisiwa ku vaviseka, a nga xungetangiki, kambe a tinyiketa la avanyisaka hi ku lulama;

Yohane 15:21

Kambe va ta mi endla hinkwaswo leswi, hikwalaho ka vito ra mina, hikuva a va tivi la ndzi rhumeke.

Matewu 10:22

Kutani hinkwavo va ta mi venga hikwalaho ka vito ra mina; kambe la tiyiselaka ku fika siku ra makumu, hi yena la nga ta hlayiseka.

Esaya 66:5

Yingisani rito ra Yehovha, n'wina lava chavaka rito ra yena! “Vamakwenu lava mi vengaka, lava mi tlherisaka hikwalaho ka vito ra mina, va ku: ‘Yehovha a a kombise ku twala ka yena leswaku hi ta vona ku tsaka ka n'wina!’ Kambe va ta khomiwa hi tingana.

Matewu 10:39

La hlayisaka vutomi bya yena, u ta lahlekeriwa hi byona; kambe la lahlekeriwaka hi vutomi bya yena hikwalaho ka mina, u ta tlhela a byi kuma.

Nhlavutelo 2:3

kutani a wu ri ni ku yingisela, u twile ku vaviseka hikwalaho ka vito ra mina kutani a ku karhalanga.

Matewu 19:29

Kutani un'wana ni un'wana la tshikeke vamakwavo, va xinuna kumbe va xisati, hambi a ri tata wa yena, kumbe mana wa yena, kumbe vana, ni loko ma ri masimu, kumbe tindlu, hikwalaho ka vito ra mina, u ta nyikiwa ka dzana, a dya ndzhaka ya vutomi lebyi nga heriki.

2 Vakorinto 4:11

Hikuva hina lava hanyaka, hi nyiketiwa rifu hi masiku hikwalaho ka Yesu, leswaku vutomi bya Yesu byi vonakala emirini wa hina lowu faka;

1 Vakorinto 4:10

Hina, hi swihunguki hikwalaho ka Kriste; kambe n'wina mi tlharihile eka Kriste, hina ha tsana, n'wina mi ni matimba; n'wina mi ni ku twala, kambe hina ha soriwa.

Varhoma 8:36

Kukotisa loko ku tsariwile leswaku: “Hi dlayiwa hi masiku hinkwawo hikwalaho ka wena, hi ringanisiwa ni tinyimpfu leti tlhaviwaka.”

Luka 21:12

“Kambe eku sunguleni ka leswo hinkwaswo, va ta mi khoma, va mi xanisa, va mi yisa emasinagogeni ni le khotsweni, va mi yisa emahlweni ka tihosi ni vafumi hikwalaho ka vito ra mina;

Luka 9:24

Hikuva la rhandzaka ku hlayisa vutomi bya yena, u ta lahlekeriwa hi byona, kambe la lahlekeriwaka hi vutomi bya yena hikwalaho ka mina, u ta byi hlayisa.

Marka 8:35

Hikuva la rhandzaka ku hlayisa vutomi bya yena, u ta lahlekeriwa ha byona; kambe la lahlekeriwaka hi vutomi bya yena hikwalaho ka mina ni Evhangeli, u ta byi hlayisa.

Matewu 10:25

Swi ringene mudyondzisiwa loko a endliwa kukotisa hosi ya yena. Loko va vurile n'wini wa yindlu Belzebule, va yindlu ya yena va ta vuriwa ku tlurisa ngopfu.

Timhaka 9:16

hikuva ndzi ta n'wi kombisa hilaha a nga ta twa ku vaviseka lokukulu hikwalaho ka vito ra mina.”

Pisalema 44:22

Kambe hi dlayiwa hi masiku hinkwawo hikwalaho ka wena, Hi ringanisiwa ni tinyimpfu leti yisiwaka eku tlhaviweni.

Marka 13:9

“Kambe n'wina, tilanguteleni; hikuva va ta mi yisa etihubyeni ni le masinagogeni; mi ta biwa, mi yimisiwa emahlweni ka tindhuna ni tihosi hikwalaho ka mina, mi va timbhoni eka vona.

Matewu 27:39

Lava hundzaka va n'wi tseketsela, va n'wi nikinika tinhloko, va ku:

Marka 4:17

kambe va nga ri na timitsu eka vona, a va ri va nkarhi wu nga ri wungani ntsena, kutakuloko khombo ni ku xaniseka swi va humelela hikwalaho ka rito, va hatlisa va khunguvanyeka.

Matewu 10:18

Kambe va ta mi yisa emahlweni ka tindhuna, ni le mahlweni ka tihosi hikwalaho ka mina, mi va timbhoni ta mina eka vona, ni ka vamatiko.

Yohane 9:28

Kutani va n'wi rhukana va ku: “Hi wena u nga mudyondzisiwa wa yena; hina hi vadyondzisiwa va Muxe.

Pisalema 35:11

Timbhoni ta ku hemba ti yima, Ti ndzi vutisa timhaka leti ndzi nga ti tiviki.

Esaya 25:8

U ta lovisa rifu hilaha ku nga heriki: Hosi, Yehovha u ta hlangula mihloti emimombyeni hinkwayo; u ta sula tingana ta tiko ra yena hinkwaro, hikuva Yehovha u vurisile.

Esaya 51:7

“Ndzi yingiseni, n'wina lava tivaka swo lulama, wena tiko leri nga ni nawu wa mina embilwini ya wena! Mi nga chaveni xisandzu xa vanhu, mi nga tshukisiwi hi mirhukano ya vona;

Yeremiya 37:14

Yeremiya a ku: “Mavunwa! A ndzi yi ku tinyiketa eka Vakalediya.” Kambe yeloyi a nga pfumelanga; kutani Yiriya a khoma Yeremiya, a n'wi neha eka vakulukumba.

Vafilipiya 1:29

hikuva, hikwalaho ka Kriste, mi nyikiwe ku kateka, ku nga ri ka ku pfumela ntsena, kambe ka ku twa ku vaviseka hikwalaho ka yena,