Matewu 4:18 - Xitsonga (Bibele)

¹⁸ Kutani Yesu loko a lulama ni lwandle ra Galeliya, a vona vavanuna vambirhi, a a ri Simoni la vuriwaka Petro, na Andriya makwavo, va peta tinkoka ta vona elwandle, hikuva a va ri vaphasi va tinhlampfi.

BIBELE Mahungu Lamanene

¹⁸ Loko a ri karhi a famba a lulama ni lwandle ra Galeliya, a vona vavanuna vambirhi, Simoni, la thyiweke Petro, na Andriya makwavo, va ri karhi va hoxa rikoka elwandle, hikuva a va ri vaphasi va tinhlampfi.

Testamente Leyimpsha Xichangana

¹⁸ Loko ali karhi afamba alulama ni tiva ra Galileya, avona vavanuna vambirhi, Simoni, lweyi anyikiweke vito ra Petrosi, na Andreya makwavu, vali karhi vahoxa tinkoka ativeni, hikuva vali vaphasi va tihlampfi.

Matewu 4:18 Referans Kwoze

Matewu 10:2

Mavito ya vaapostola lava khume na vambirhi hi walawo: lowo rhanga, i Simoni, la thyiweke Petro, na Andriya makwavo; na Yakobo n'wana Zebediya, na Yohane makwavo;

Luka 6:14

I Simoni, loyi a n'wi thyaka Petro, na Andriya makwavo, na Yakobo, na Yohane, na Filipi, na Bartolomi,

Matewu 16:18

Kambe ndzi ri eka wena: U Petro (hileswaku ribye), ehenhla ka ribye rero, ndzi ta aka kereke ya mina, kutani tinyangwa ta xivandla xa vafi ti nga ka ti nga yi hluli.

Matewu 15:29

Yesu, loko a suka kwalaho, a tshinelela lwandle ra Galeliya: kuteloko a tlhandlukile entshaveni, a ya tshamisa kona.

Yohane 6:1

Endzhaku ka sweswo, Yesu a ya ehase ka lwandle ra Galeliya, ri nga ra Tiberiyo.

Yohane 21:1

Endzhaku ka sweswo, Yesu a engeta a tikombisa eka vadyondzisiwa va yena ekusuhi ni lwandle ra Tiberiyo; a tikombisa hi mukhuva lowu:

Yohane 6:8

Un'wana wa vadyondzisiwa va yena, Andriya makwa Simoni Petro, a ku eka yena:

Marka 7:31

A engeta a suka etikweni ra Tiri na Sidoni, a kongoma elwandle ra Galeliya, a tsemakanya tiko ra Dekapolisi.

Duteronoma 3:17

ni rivala, na Yordani lowu nga ndzilakana, ku suka eKinereta, ku ya fika eLwandle ra Rivala, ri nga Lwandle ra Munyu, ehansi ka ntshava ya Pisga evuxeni.

Tinhlayo 34:11

kutani ndzilakana wu ta suka eXefamu, wu rhelela eRibila, evuxeni bya Ayini; ndzilakana wu ta rhelela, wu lulama hi Lwandle ra Kinereta, evuxeni;

Eksoda 3:10

Sweswi, famba, ndza ku rhuma eka Faro, u ya humesa eEgipta tiko ra mina, vana va Israele.”

Eksoda 3:1

Muxe a a ri murisi wa tinyimpfu ta Yetro, mukon'wana wa yena, muprista wa Midiyani; kutani a yisa ntlhambi etlhelo ra mananga, a fika entshaveni ya Xikwembu, eHorebe.

Ezekiele 47:10

Vaphasi va tinhlampfi va ta yima kona eribuwini ra lwandle lero; ku suka eEni-Gedi, ku yisa eEni-Gilayimi, hilaha va nga ta andlala tinkoka. Tinhlampfi ta tinxakaxaka ti ta kotisa ta Lwandle Lerikulu, ti ta va leto tala ngopfu.

Matewu 4:19

Kutani a ku eka vona: “Ndzi landzeni, ndzi ta mi endla lava phasaka vanhu.”