Matewu 4:17 - Xitsonga (Bibele)

¹⁷ Enkarhini wolowo, Yesu a sungula ku dyondzisa, a ku: “Hundzukani, hikuva ku fuma ka matilo ku kusuhi.”

BIBELE Mahungu Lamanene

¹⁷ Ku sukela enkarhini wolowo Yesu a sungula ku twarisa Evhangeli, a ku: “Hundzukani, hikuva Mfumo wa matilo wu le kusuhi.”

Testamente Leyimpsha Xichangana

¹⁷ Kusukela nkarhini wolowo Yesu asungula kupaluxa Evhangeli, aku: “Hundzukani, hikuva Mfumu wa matilo wu le kusuhi.”

Matewu 4:17 Referans Kwoze

Matewu 3:2

“Hundzukani, hikuva ku fuma ka matilo ku tshinele.”

Timhaka 2:38

Petro a ku eka vona: “Hundzukani, kutani un'wana ni un'wana a khuvuriwa hi vito ra Yesu Kriste, eku khomeriweni ka swidyoho; kutani mi ta amukela nyiko wu nga Moya lowo Kwetsima.

Luka 5:32

A ndzi telanga ku vitana lava lulameke eku hundzukeni, kambe vadyohi.”

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Timhaka 17:30

Kambe Xikwembu xi tshikile masiku leswaku ma hundza walawo ya ku pfumala ku tiva, kutani sweswi, xi lerisa vanhu hinkwavo, ematikweni hinkwawo, leswaku va hundzuka.

Matewu 9:13

Kambe yanani mi ya dyondza rito leri nge: ‘Ndzi rhandza tintswalo, ma nga ri magandzelo!’ Hikuva a ndzi telanga ku vitina lava lulameke eku tshikeni, kambe vadyohi.”

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Luka 15:7

Ndzi ri eka n'wina: Ku tsaka ku ta va kona ematilweni hikwalaho ka mudyohi a ri un'we la hundzukaka, ku tlurisa ku tsaka loku nga ta va kona, hikwalaho ka lava lulameke va ntlhanu wa makume, na mune wa makume, na ntlhanu na mune, lava nga faneriki hi ku hundzuka.

Timhaka 3:19

“Hundzukani hakona, mi tlhelela eka Xikwembu, leswaku swidyoho swa n'wina swi hlanguriwa,

Luka 15:10

Ndzi ri eka n'wina: Hi mukhuva wolowo, ku tsaka ku kona emahlweni ka tintsumi ta Xikwembu, hikwalaho ka mudyohi a ri un'we la hundzukaka.”

Timhaka 20:21

ndzi ri karhi ndzi vula eka Vayuda ni ka Vagriki, vumbhoni bya ku hundzukela eka Xikwembu, ni ku pfumela eka Yesu Kriste, Hosi ya hina.

Vaheveru 6:1

Hikwalaho, a hi tshikeni tidyondzo ta masungulo ta rito ra Kriste, hi kongoma eku hetisekeni, hi nga tlheli hi veka kambe masungulo ya ku tshika mitirho leyi feke, ni ya ku pfumela eka Xikwembu,

Timhaka 11:18

Kuteloko va twile timhaka teto, va miyela; kutani va dzunisa Xikwembu, va ku: “Kunene, Xikwembu xi nyikile ni vamatiko ku hundzuka leswaku va vona vutomi!”

Matewu 25:1

“Enkarhini wolowo, ku fuma ka matilo ku ta fana ni vanhwanyana va khume, lava nga teka mavoningo ya vona ku ya hlangana ni muteki.

Matewu 13:47

“Kambe ku fuma ka le tilweni ku kotisa nkukuto lowu petiweke elwandle, kutani wu phasa swilo swa tinxakaxaka;

Matewu 10:7

Kutani loko mi ri karhi mi famba, dyondzisani, mi ku: ‘Ku fuma ka matilo ku tshinerile.’

Luka 9:2

Kutani a va rhuma ku ya vula ku fuma ka Xikwembu ni ku hanyisa vavabyi.

Matewu 11:12

Kutani ku sungula enkarhini wa Yohane Mukhuvuri ku fika sweswi, ku fuma ka matilo ku ngheniwa hi matimba, kutani va matimba hi vona lava ku tekaka.

Matewu 13:24

Yesu a va vekela xifaniso xin'wana, a ku: “Ku fuma ka le tilweni ku fana ni munhu la byaleke mbewu leyinene ensin'wini ya yena.

Matewu 13:9

La nga ni tindleve ku yingisa a a yingise.”

Matewu 13:11

A va hlamula, a ku: “Hikuva n'wina mi nyikiwile ku tiva swihundla swa ku fuma ka le tilweni, kambe vona a va nyikiwanga.

Matewu 6:10

a ku te ku fuma ka wena; ku rhandza ka wena a ku endliwe emisaveni swa nga hi le tilweni.

Luka 3:23

Yesu a a lave ku va ni makume manharhu ya malembe loko a sungula ku dyondzisa, kutani hi ku ringanisa ka vanhu, a a ri n'wana wa Yosefa, wa Heli;