Matewu 4:1 - Xitsonga (Bibele)

¹ Kutani Yesu a yisiwa hi Moya emananga ku ya ringiwa hi Diyavulosi.

BIBELE Mahungu Lamanene

¹ Endzhaku ka sweswo Yesu a yisiwa emananga hi Moya wa Xikwembu, a ya ringiwa hi Diyavulosi.

Testamente Leyimpsha Xichangana

¹ Hi loko Yesu ayisiwa mananga hi Moya wa Xikwembu, ayaringiwa hi Diyavulosi.

Matewu 4:1 Referans Kwoze

Vaheveru 2:18

Hikuva leswi a tweke ku vaviseka ni ku ringiwa, wa swi kota ku pfuna lava ringiwaka.

Varhoma 8:14

Hikuva hinkwavo lava fambisiwaka hi Moya wa Xikwembu, hi vona va nga vana va Xikwembu.

Ezekiele 43:5

Kutani Moya wu ndzi tlakula, wu ndzi tisa erivaleni ra le xikarhi, kutani vonani, ku kwetsima ka Yehovha ku tata yindlu.

Yohane 14:30

A ndzi nga ha tshami ndzi vulavula na n'wina ngopfu hikuva hosi ya misava leyi, ya ta, kambe a yi na matimba ehenhla ka mina.

Ezekiele 3:14

Moya wu ndzi tlakula, wu ndzi susa, kutani ndzi tifambela hi ku vaviseka ni ku kariha; kambe voko ra Yehovha a ri tirha ehenhla ka mina hi matimba.

Timhaka 8:39

Kuteloko va tlhandlukile ematini, Moya wa Hosi wu susa Filipi, kutani ndhuna a yi vuyanga ya ha n'wi vona; kambe yi ya emahlweni endleleni ya yona hi ku tsaka lokukulu.

Ezekiele 3:12

Kutani moya wu ndzi tlakusa, kavaloko ndzi twa endzhaku ka mina huwa ya mavandla lamakulu, va ku: “A ku dzunisiwe ku kwetsima ka Yehovha exivandleni xa vutshamo bya yena!”

Ezekiele 40:2

A ndzi yisa kona hi milorho ya mahlori ya Xikwembu, kutani a ndzi veka entshaveni leyo leha ngopfu, ehenhla ka yona a ku ri ni xilo lexi fanaka ni muti hitlhelo ra dzonga.

1 TIHOSI 18:12

Kutakuloko ndzi sukile eka wena, moya wa Yehovha wu ta ku tlakula, wu ku yisa laha ndzi nga ku tiviki; kutani ndzi ta ya tivisa Akabu, kasi loko a nga ku kumi, u ta ndzi dlaya. Hambiswiritano, nandza wa wena a chava Yehovha, ku suka evutsongwaneni bya yena.

2 TIHOSI 2:16

Va ku eka yena: “Waswivo, exikarhi ka malandza ya wena, ku ni vavanuna va matimba va ntlhanu wa makume; u nga va pfumelela ku ya lava hosi ya wena, hikuva kumbe moya wa Yehovha wu n'wi vutlile, wu ya n'wi hoxa etintshaveni, kumbe enkoveni.” Yena a ku: “Mi nga tshuki mi va rhuma.”

Genesa 3:15

Ndzi ta veka ku vengana exikarhi ka wena ni wansati, ni xikarhi ka rixaka ra wena ni rixaka ra wansati; ri ta ku faya nhloko, wena u ri luma xirhendze.”

Ezekiele 11:24

Moya wu ndzi tlakula hi norho, wu ndzi yisa eKalediya, eka vabohiwa, kutani mahlori lawa ndzi ma voneke ma suka emahlweni ka mina.

Ezekiele 11:1

Moya wu ndzi tlakusela ehenhla, wu ndzi yisa enyangweni ya le vuxeni bya Yindlu ya Yehovha, leyi langutaka tlhelo ra le vuxeni; kutani, maswivo, enyangweni a ku yimile vavanuna va 25; exikarhi ka vona ndzi vona Yaazaniya n'wana Azuri, na Pelatiya n'wana Benaya, tihosana ta tiko.

Ezekiele 8:3

A tshambuluta xilo lexi nga voko, xi ndzi khoma hi misisi, kutani moya wu ndzi tlakulela empfhukeni, enorhweni, wu ndzi tisela Yerusalema, enyangweni ya le ndzeni leyi langutaka en'walungwini, laha ku nga ni xitshamo xa xifaniso xa rilondzo lexi pfuxaka rilondzo.

Yakobo 1:14

Kambe munhu un'wana ni un'wana u ringiwa hi ku navela ka yena, a ri karhi a kokiwa ni ku phasiwa hakona.