Matewu 3:4 - Xitsonga (Bibele)

⁴ Yohane yeloyi a funengele nguvu ya voya bya kamela, a tikhame xisuti hi xifungha xa dzovo: swakudya swa yena a ti ri tinjiya ni vulombe bya nhova.

BIBELE Mahungu Lamanene

⁴ Yohane yoloyi a a ambele nguvu yo lukiwa hi voya bya kamela, a tikhamile hi vamba ra dzovo, swakudya swa yena a swi ri tinjiya ni vulombe bya nhova.

Testamente Leyimpsha Xichangana

⁴ Yohani yelweyi aayambala nguvu yolukiwa hi mavoya ya kamela, atikhama xisuti hi bandi ra xikhumba, svakuja sva yena aali tintete ni vulombe bza nhova.

Matewu 3:4 Referans Kwoze

2 TIHOSI 1:8

Va ku eka yena: “I munhu la ambaleke mavoya, a tibohe xisuti hi vamba ra dzovo.” Kutani a ku: “I Eliya wa Tixibe.”

Levhitika 11:22

Exikarhi ka swona mi nga dya tinxaka hinkwato ta tinjiya, ni tinxaka hinkwato ta timhera, ni tinxaka hinkwato ta switsotso, ni tinxaka hinkwato ta marhida.

Marka 1:6

Yohane a a ambele voya bya kamela, a tibohile xisuti hi vamba ra dzovo, a dya tinjiya ni vulombe bya nhova.

Matewu 11:8

Kambe a mi ya vona yini-ke? Xana a a ri munhu la funengeleke tinguvu to bomba xana? Maswivo, lava ambalaka leswo saseka, va le tindlwini ta tihosi.

Zakariya 13:4

Hi siku rolero vaprofeta va ta khomiwa hi tingana, un'wana ni un'wana hi ku bvumbha ka yena loko a ri karhi a profeta, a va nga ha ambali nguvu ya voya ku vula swa mavunwa.

Luka 1:17

kutani u ta n'wi rhangela emahlweni hi moya ni matimba ya Eliya, u ta vuyisela timbilu ta vatatana eka vana va vona, ni vakaneti evutlharini bya lavo lulama, ku lunghisela Hosi tiko leri nga ni mafundza.”

Malakiya 4:5

“Vonani, ndzi ta mi rhumela muprofeta Eliya, siku ra Yehovha ri nga si ta, lerikulu, leri chavisaka,

Nhlavutelo 11:3

Kutani ndzi ta nyika timbhoni ta mina ha timbirhi ku profeta hi masiku ya khume ra madzana na madzana mambirhi, na ntlhanu wa makume, na khume rin'we 1 260, ti ambele masaka.”

Matewu 11:18

Hikuva Yohane u tile a nga dyi, a nga n'wi, kutani va ku: ‘U ni demona.’

Duteronoma 32:13

“U n'wi khandziyisile etintshaveni ta misava, Israele u dyile mihandzu ya nhova; U n'wi an'wisile hi vulombe bya le ribyeni, Hi mafurha lama humaka emaribyeni yo nonon'hwa;

Esaya 20:2

emikarhini yoleyo Yehovha a vulavula na Esaya, n'wana Amotsi, a n'wi byela, a ku: “Famba u tshunxile saka leri nga exisutini xa wena, u susile ni tintanghu emilengeni ya wena.” Kutani a endlisa sweswo, a famba a tshunxile, a susile tintanghu.